Ibeliu 9:14 - Loina Nuahuana

¹⁴ Ta hesi Keliso bweyahina 'ebe 'abihe'ehau bwebwe'ana hedade, weyahina 'ateda 'i'abihe'ehaudi ma 'oinega paihowa besobeso talogwahatedi, ta Yehobaina mayawasina 'ina paihowao tapaihowadi. Weyahina Yaluyaluwa Tabuna miyamiya hatayana Keliso 'i'abihe waiwaiya, ta tauna ma'ina mumuga mabwaiyana dumwaluna ta geya 'aigeda wete galana 'oina, 'oinega tauna 'ipwaoliyeya Yehoba 'oina, beno 'i'amasa tauda 'ada 'ehau weyahina.

Ibeliu 9:14 Referans Kwoze

Ibeliu 10:22

Coinega Yehoba tahahoho ma'ida 'atetagwala ta ma'ida hemisa moisa, ma 'oinega wahida ta'abihe'ehaudi we'aha 'ausalana 'oinega, ma wete 'ida nuwatuhu si'ehau, weyahina Yesu 'ina losehusehula 'oinega 'ida nuwatuhu galadi 'i'abihe 'ehaudiya.

1 Pita 1:19

ma hesi he'isaina Yehoba 'ina lami bweyahina bwebwe'ana hedada 'oinega 'i'abihetegomiya, tauna Kelisoina bwebwe'ana hedada, geya 'eta to'aha galana 'oina.

1 Yoni 1:7

Ma hesi 'eguma tupwa 'asilala 'oina tamiyamiya, gidemusa Yehoba 'ina tupwa 'asilala 'oina 'imiyamiya, beno ta'ahwa 'iya'iyagu moisa, weyahina Natuna Yesu bweyahinega 'igihe'ehaugita 'ida puiyao mabwaiyadi 'oidiyega.

Ibeliu 9:12

Coinega Yesu Tupwa He'asisi Hedade 'oina 'iluhuwa ma'aigeda, ta bweyaha 'oinega 'ipwaoli, ma bweyahina geya hebai goti bweyahidi bo bulumakau 'i'iudi bweyahidi, ta hesi tauna bweyahina, ta 'oinega 'ada 'abihe'ehau hataya talobeya.

1 Pita 2:24

Ma weteyage Keliso tauna wahinega 'ida galao 'i'ahalidiya kelose 'oina, ma nage 'oinega 'ida mumuga galadi sigumwala, ma mumuga dumwaluna 'oinega tatauya. Tauna 'ana badi 'oinega 'imi bwebwe'ana walobeya.

1 Pita 3:18

Gidemusa tuwa, Keliso ma'aigeda 'i'amasa 'ida galao weyahidi, ma tauna loheya bwebwe'ana, ma tauda galagalaida ma weyahida 'i'amasa, ta 'oinega 'itoegita Yehoba 'oina. Ma Keliso wahinamo silohe'amasiya, ma yaluyaluwana geya.

Ibeliu 7:27

Ta topwaoliyao nugenugetadi sabwelo 'aigeda 'aigeda Yehoba 'oina sipwaopwaoli, taudi 'idi puiyao, ma tomota wete 'idi puiyao weyahidi. Ta hesi Yesu ma'aigedamo wahina 'itagwaleya ta 'ipwaoliyeya Yehoba 'oina weyahida.

1 Pita 4:2

Coinega 'ida tuta mabwaiyana bale'uwa tamiyamiya tatagwalegita Yehoba 'oina ma tauna 'iloinaegita ma hesi 'ida nuwa'ubuna geya'abwa 'iloloinaegita.

Ibeliu 1:3

Ma Yehoba natunaina tamana 'ina 'asilala 'i'asi'asilalae ta tauna Yehoba 'ana 'oleya gide. Ma 'ina gwae waiwaina 'oinega ginaula mabwaiyana galewa ma bale'uwa 'i'abi'abi yahidi. Ma 'ida puiyao 'oidiyega 'ibuyogita ma muliyetega 'imiyatoiya Yehoba Tomiyahane hedade 'ina 'ebeulanega.

Taito 2:14

Tauna 'itagwaleya weyahida, ta 'i'amasa sabi 'abihetegita 'ida pui mabwaiyana 'oidiyega, ta 'i'abihe 'ehaugita, ta 'iboi 'ina boda 'oina 'ilagugita, ta 'ane 'ina paihowa bwebwe'adi 'oidiya taguibiga.

Heꞌitaꞌita 1:5

Yesu Keliso tauna tohepwaila moisa, ma wete tauna 'amasega 'itoholo nugeta, ta bale'u 'ana toloinao 'idi kini. Yesu tauna 'i'atemuyamuyaegita, 'ida puiyao bweyahinega 'ideulidiya.

Ibeliu 6:1

He'ita nugenugetana Keliso weyahina wahesagoha pwaidiya ta wasanapudiya, 'oinega nuwanuwagu sanapu hauhaudi Keliso weyahina yahe'itegomi ta 'imi nuwatuhu 'oidiya waheloheya. He'itaedi tahesagoha pwaidiya ta tasanapudiya sahena talolohilahiladi. He'itaedi bewa: 'ida mumuga mwalo galadi 'adi logwahata, 'ida hemisa Yehoba 'oina,

Loma 6:13

Geya sowana 'eta wete to'wehimi, nimami nuwana matami, watagwatagwaledi paihowa galadi weyahidi, ma hesiyage watagwalegomi Yehoba 'oina, weyahina 'i'abihetoholo hilegomiya, ta bewa tuta mayawasimi, ee 'oinega wahimi mabwaiyana watagwale Yehoba 'ina paihowa dumwaluna 'oina.

1 Yoni 3:5

Ma wete tasanapuya, 'abehega Kelisoina 'itauyama 'ida mumuga galaedi sabi 'ewayahuledi, ma tauna geya 'eta wete 'ina puimo.

Loma 6:22

Eeta bewa tutaina pui 'ina loina 'oimiyega 'igumwala, ta 'omi bewa tutaina Yehoba 'ina topaihowao. Coinega maisa bwebwe'ana walobeya, beno mumuga bwebwe'ana ma muliyetega yawasimi miyamiya hatayana.

Ibeliu 10:2

Weyahina 'eguma paihowaina sawasawahina ma 'i'abihe'ehaudi, ma'aigedamo sida paihowa ma 'adi lotohona 'ida bwebwe'ana hataya, ta 'oinega sahena bolime 'aigeda 'aigeda sipaipaihowa hilahila, 'awa?

Epeso 5:2

ma wahelau hilegomi gidemusa Keliso 'ihelau 'esegita, ta tauna 'itagwaleya ta 'iboi 'ipwaoliyeya Yehoba 'oina weyahida, ta 'i'amasa, gide pwaoli mahaina Yehoba 'inisoya 'abehega 'ausalana.

2 Kolinita 5:21

Yehobaina tauda weyahida Keliso 'iloineya, tauna geya 'eta 'ina pui, ma hesi Yehoba 'itagwaleya ma Kelisoina weyahida 'ihetogala, ma 'ane tauna ba'idadai Yehoba 'ina mumuga bwebwe'ana ta'ewa.

Loma 11:12

Ta moisa, 'omi geya meYudiya 'etolemanaina walobeya, weyahina meYudiyaedi si'elobe'uwa, ma 'eguma sitoholo hilama beno 'ebe yaliyaya madouna mabwaiyada 'oida.

Luke 1:74

ma 'abehega 'ilihasigita 'ada 'alehao 'oidiyega ma 'oinega ma'ida 'atepatu 'oina tapaihowa,

1 Pita 2:22

Weyahina tauna geya 'ina galamo ma wete geya 'eta 'abo 'ahwanega 'ida latuwa.

1 Timoti 1:17

Coinega Yehoba tahe'asisiyane ma tahepwatuwe hataya, weyahina tauna 'aigeda tuwa Yehoba moisa, geya sawasawahina ma 'ana 'ita ta'ita, geya 'ida 'amasa, ma hesi 'ina loina 'oida nata geya 'igumwagumwala. Emeni.

Galetiya 2:19

Weyahina Mosese 'ina loina 'ilohe'amasi pwaigauwa, eeta muliyetega 'ina waiwai 'oiguwega 'igumwala, ma 'abehega yawasi moisa yaloba Yehoba weyahina.

2 Kolinita 6:16

Wete geya sowasowahina hali 'ebe hemisao talagu luhuwedi Yehoba 'ina hada 'alona. Yehoba tauna mayawasina ta 'ina hada tauda, ma 'igwaeya, “‘Taugu taudi 'oidiya yalo'asa ma 'alodiya yayawala dadana ma taugu 'idi Yehoba ma taudi 'igu tomotao!’

Loma 11:24

Ma 'omi geya meYudiya wanuwatuhuyahi 'abehega mwalo 'omi hali 'aiwe lahanao, ta geya Yehoba 'ina 'aiwe 'oina wada miya, ma 'ina paihowa 'ebe henuwanainaida madouna 'oimiya 'ipaihoweya, weyahina 'ina 'aiwe 'oina 'itubwegomiya, ma meYudiyaedi taudi Yehoba 'ina 'aiwe lahanao moisa sawasawahina wete 'ilagu hepa'ihiladi 'ina 'aiweina 'oina.

Loma 1:20

Yehoba geya tada 'iteya, mwalo hene bale'u 'ipaihoweya ma 'ana siga nige 'ina waiwai miyamiya hatayana tasanasanapu, beno ginaulaedi 'ipaihowediya 'oidiyega, 'abehega tauna Yehoba. Coinega tutaina mebale'u 'ihe'ewadi geya wete 'idi 'ebe gwaehilamo.

Yoni 3:34

“Loheyainaina Yehoba 'ihesumaneyama tauna 'ina gwae 'ihehepwailedi, weyahina Yehoba Yaluyaluwana 'oinega 'ilohemaheya.

Luke 4:18

“Bada Yaluyaluwana 'oiguwa 'imiyamiya. Tauna 'ihesinuwegauwa ma towewelohe 'oidiya tetela bwebwe'ana yaguguyae. Ma paipaidi wete 'oidiya 'ihesumanegauwa ma 'adi lihasa weyahina yahepwaila. Ma tomata gibugibu wete matadi 'idi 'asilala hila weyahina yahepwaila. Ma wete 'ihesumanegauwa ma tomiya mwau 'adi 'alehao nimadiyega ya'etolihasidi.

Madiu 20:28

Wete gide taugu Loheyaiguina yasuluma bale'uwa, geya 'abehega tomota weyahigu sipaihowa, ma hesi sabi paihowa tomota weyahidi, ma wete yatagwalegauwa ma ya'amasa tomota mabwaiyami 'ami lihasa weyahina.”

Ibeliu 11:21

Yakobo wete tutaina nata 'i'amasa ma 'ina digona 'i'abiheteya ta 'itoholowa ma Yehoba 'oina 'i'etuluha, ta 'ina hemisega Yosepa natunao 'aigeda 'aigeda 'idi 'ebe yaliyaya 'abwa weyahina 'ihepwaileya.

Paihowa 14:15

“Ciyamayao gesowana tauma 'oima wapwaopwaoli. Tauma tomota tuwa gidemusa 'omi, ma wasa bwebwe'ana 'a'eweyama 'oimiya, ta 'abehega 'omi 'ebe hemisa besobeso wada logwahatedi ma wada 'itahila Yehoba mayawasina 'oina, tauna galewa ma bale'u ma ni'u ta wete ginaula mabwaiyadi 'alodiya 'adi tohemasaleha.

Paihowa 10:38

Wasaina 'abehega Yehoba Yesu gwama Nasaleta 'igihe waiwaiyeya Yaluyaluwa Tabuna 'oinega, ma 'isakowasi ma tomota 'ilemelemedi, ta 'eguma taiyawedi Tomudulele 'igihe lohalediya Yesu 'i'abihe bwebwe'anedi, weyahina Yehoba 'ina waiwai 'oina 'imiyamiya.

Ibeliu 9:7

ma hesi Tupwa He'asisi Hedadeina Topwaoli Madounamo 'oina 'iluhu, ma bolime 'aigeda 'oina ma'aigedamo. Ta tutaina 'iluhuluhu bweyaha 'i'ewa ta bweyahina 'ilosehusehule, gide 'ipwaopwaoli Yehoba 'oina 'ina mumuga galadi weyahidi, ta wete tomota mabwaiyadi 'idi puiyao weyahidi.

1 Timoti 3:15

ma 'eguma yaheheboi, leta bewa 'oinega 'usanapu to mumuga tauda totapwalolo 'ilobwainegita, beno tauda 'ida Yehoba mayawasina 'ina boda 'alona, weyahina tauda tohekalesiyao 'ina he'ita moisa 'ana to'ita'ita yahinao.

1 Tesalonaika 1:9

weyahina taudi 'oima sihegwaegwaeya, 'omi 'imi tagwala mwalo 'oima weyahina, 'abehega 'imi 'ebe hemisaedi miyamiyaidi walogwahatediya, ma Yehoba 'iboi 'oina watagwalegomiya, weyahina tauna tuwa 'iboi Yehoba moisa ma mayawasina, 'oinega tauna weyahina wapaipaihowa,

Paihowa 1:2

tutaina 'ina miya gogo gabulena 'ana siga Yehoba 'itoe haneheya galewa, Yesuina 'ina 'amasa mulina, mayawasina 'ilatuwa 'ana tohepwailao hesihesinuwadi 'oidiya, ta Yaluyaluwa Tabuna 'ina waiwaiyega 'adi loina 'i'ebwaediya.

Luke 12:28

Coinega wanuwanuwa Yehoba 'ina 'itayahina 'oimiya weyahina. Tauna 'awata 'ihepasediya hoyadi bwebwe'adi 'oidiyega, nata sididi ma gona siwelai ma sigabudi, ma 'omi 'awata wabwebwe'ana sinediya, 'oinega sowasowana 'ami 'wamao Yehobaina 'i'ebwaegomi. Ma 'iyamo sahena 'imi hemisa Yehoba 'oina 'iwe'awe'a.

Luke 12:24

“Bewa 'aigeda 'ebe'ita ya'ebwaegomi 'ao'ao weyahidi, tuta baibaiwana geya sida dauna, geya sida 'etahiya, ma wete geya 'idi hada 'e'ahaimo. Bwasumowedi ginaula 'i'iudi, ma tuwa Yehoba tuta baibaiwana 'adiwa 'i'ebwa'ebwaedi, ma hesi wanuwatuhuyahi 'abehega 'omi ginaula madouna Yehoba 'oina, 'oinega sowasowahina ma 'ihe'aigomi.

Madiu 12:28

“Ma taugu hesi Yehoba Yaluyaluwana 'ina waiwaiyega hi'ahi'a yaula latuwediya, 'oinega wasanapu 'abehega Yehoba 'ina loina 'ilatu pwaima 'oimiya.

Madiu 7:11

Moisa 'omi togala, ma 'imi 'ehele natumiyao 'oidiya wasanapu pwaiya, 'abehega ginaula 'ausaladimo wa'ebwa'ebwaedi. Gide wete Tamamiu galewa, 'eguma wa'ahwanoi 'oina, 'isanapuya to'aha bwebwe'ana 'ilobwainegomiya ma 'i'ebwaegomi.

Loma 1:4

ma muliyetega Yehoba yaluyaluwana 'ina waiwaiyega 'amasega 'i'abi hetoholo hileya 'ida Badaina, ta 'i'abi hemasaleheya 'abehega Yesuina Yehoba natuna.

Madiu 16:16

Coinega Saimoni Pita 'ihemaiseya 'igwae. “Cowa To'abihetena, Yehoba mayawasina Natuna.”

Paihowa 15:9

ma geya 'aigeda wete wataha 'i'abi'abi latuhe, ta 'abehega taudi hagahagadi ma tauda hagahagada, ma hesi taudi sihemiseya gide tauda tahemiseya, ma 'oinega mabwaiyada 'ateda 'i'abihe 'ehaudi.

1 Kolinita 15:45

Buki He'asisi 'ina hepwaila wete gidemusa 'igwaeya, “Loheya nugenugetaina, Adama wahina mayawasina; ma loheya heluwena yaluyaluwana 'oinega sowasowana yawasida 'i'ebwaegita.”

Ibeliu 3:12

Ciyagwao, wa'itayahigomi ma sahena wadebadeba pa'ala nuwana walolopui, 'amuge ta Yehoba mayawasina wamiyasine.

Ibeliu 7:16

Geya Mosese 'ina loinega 'ihetopwaoli, ta hesi yawasina miyamiya hatayana ma waiwaina 'oinega.

Ibeliu 9:26

Moisa, 'eguma Keliso 'ina paihowa taudi topwaoli madoudi gide, 'ida 'amasa hilahila bale'u 'ana gihehemasalaha 'oinega ta tuta nige. Ta hesi ma'aigedamo tuwa, tuta 'ana 'ebelosaloha bewa 'oina, wahina tauna 'ipwaoliyeya, mumuga galadi 'adi nuwasam weyahina.

Ibeliu 10:10

Ta Yehoba 'ina nuwatuhuina ma Yesu Keliso tauna wahina 'ipwaoliye sabi 'abihe'ehaugita 'ina 'amasa ma'aigedamo 'oinega.

Ibeliu 10:12

Ta Keliso hesi ma'aigeda 'ipwaoliya mumuga galana weyahina, ta 'ina pwaoliina tuta mabwaiyana sawasawahina, ta 'ina pwaoliina mulina Yehoba 'ebeulanega 'imiyatoiya,

Ibeliu 13:12

Coinega Yesu wete 'asa 'ana 'ahwa'eda tuluhana muyamuya 'ilobeya, ma 'ane bweyahinega 'i'abihe 'ehaugita.