Ibeliu 9:10 - Loina Nuahuana

¹⁰ 'eguma loinaowedi tomota simulimuliyedi 'e'ahai ma 'adi we'aha ma hali buyo ma hali buyo weyahidi. Weyahina mwalo loinaina miyamiyaina Yehoba 'ilaguya ta 'imiyamiya 'ana siga Keliso 'ilatuma ta loina 'ibuiya.

Ibeliu 9:10 Referans Kwoze

Kolose 2:16

Coinega sahena 'eta taiya 'i'ahwa'ahwa galagalaegomi 'ami bo nuwana 'ami we'aha weyahidi, 'eguma 'omi 'adi bwabwale geya wapaihowadi, nuwana wai'ena 'ehauna 'ana sauga, bo nana Sabati 'oidiya.

Epeso 2:15

Tauna wahina 'ana lohe'amasa 'oinega Mosese 'ina 'etobodao mabwaiyadi 'igibodeya, eeta tauna 'ihegogonegita ma taheboda 'aigeda tauna mahetedai, ta geya gidemusa mwalo boda 'eluwa simiyamiya, eema bewa tuwa tamiya daumwala,

Ibeliu 7:16

Geya Mosese 'ina loinega 'ihetopwaoli, ta hesi yawasina miyamiya hatayana ma waiwaina 'oinega.

Ibeliu 10:22

Coinega Yehoba tahahoho ma'ida 'atetagwala ta ma'ida hemisa moisa, ma 'oinega wahida ta'abihe'ehaudi we'aha 'ausalana 'oinega, ma wete 'ida nuwatuhu si'ehau, weyahina Yesu 'ina losehusehula 'oinega 'ida nuwatuhu galadi 'i'abihe 'ehaudiya.

Ibeliu 9:1

Loina nugenugetana 'alona loina baibaiwana simiyamiya tapwalolo weyahina, ma wete hada tapwalolo bale'uwa weyahina.

Ibeliu 6:5

ta wete Yehoba 'ina gwae silotohoya 'abehega 'ausalana, ta 'ina waiwai tuta 'inaonaoma weyahina wete silotohoya,

Ibeliu 2:5

Cahegwae pwaigomiya tupwaina 'abwa taloba weyahina, ta Yehoba aneloseyao sahena 'idi loina 'i'ebwa'ebwaedi tupwaina 'oina,

Ibeliu 13:9

Coinega sahena loina hauhaudi ma hagahagadi wahehesagohedi, weyahina 'ateda 'ihewaiwai Yehoba 'ina helaumo 'oinega, ma geya 'e'ahai 'oidiyega. Loinaedi 'e'ahai weyahina gesowana si'abihetegita.

Ibeliu 6:2

babitaiso 'ana he'ita, ta wete 'ada tohanugetao nimadi 'adi lagu debada, ma to'amasa 'idi toholo hila, ma gala 'ana maisa hesilae hataya. He'itaedi wasanapu pwaidiya.

Epeso 1:10

ta 'ina loinaina bewa 'abehega tuta 'ana 'ebelosaloha 'oina Keliso ginaula mabwaiyadi 'ihegogonedi ma sihe'aigeda, beno ginaula galewa ma wete ginaula bale'uwa mabwaiyadi 'ilagu hegogonedi tauna matana.

Galetiya 4:9

Ma bewa tuwa Yehoba wasanapuya, nuwana tagwae Yehoba 'isanapugomiya. Coinega to'aha weyahina Yehobaina walogwahateya ma wanuwahila 'imi 'ebe hemisaowedi belubeluidi 'oidiya, ta nuwanuwami weyahidi wapaihowa hila.

Maki 7:4

Ma 'eguma 'ebe gimwane 'oinega sinaoma nimadi sideuli nugete 'abwa si'ai. Ma wete loina baibaiwana tubudiyao 'oidiyega gaeba ma biyo ma walata 'adi deula weyahina simulimuliye.

Ibeliu 7:12

Eeta 'eguma topwaoli hagana talagu, loina wete hagana talagu.