Ibeliu 8:5 - Loina Nuahuana

⁵ Ma 'idi 'ebe pwaoliina Hada He'asisi 'alona, Yelusalema 'oina. Ma Hada He'asisiina 'ebe'ita bo ma'ama'ayau tuwa, ta hesi Hada He'asisi moisana galewa 'imiyamiya. Weyahina mwalohene Mosese geya Hada He'asisi nugenugetana 'i'abiya ta muliyetega Yehoba 'ihenuwa laguweya 'igwaeya, “Mosese, 'unuwatuhuyahi hadaina 'ana 'ita mabwaiyana yahe'ita pwaigowa 'oyai, mabwaiyana 'uhe'au'aunawe, ta 'igu Hada He'asisiina 'u'abi.”

Ibeliu 8:5 Referans Kwoze

Kolose 2:17

Ginaulaedi ma'ama'ayau tuwa, ma 'adi moisaina Keliso tauna.

Ibeliu 10:1

Cabwa 'ebe yaliyaya moisa 'oida 'ilatuma, ma hesi Mosese 'ina loina gide ma'ama'ayaumo tuwa, ta geya 'ebe yaliyaya moisa. Mosese 'ina loinaina 'abehega bolime ma bolime hebai sihunuhunudi ta Yehoba 'oina sipwaoliyedi, ta paihowaedi geya sawasawahina ma 'i'abihe bwebwe'anedi.

Ibeliu 12:25

Coinega wa'ita yahigomi ma tauna galewega 'igwaegwae 'oida sahena 'enana walologwahate. Weyahina mwalo tomota tupwadi bale'uwa Mosese 'ina lohatoto 'oidiya silogwahateya, ta mwau silobeya. Ma bewa sauga Yehoba galewega 'ilologuguya 'oida, ta 'eguma 'enana talogwahate mwau madou hedade taloba.

Ibeliu 11:7

Nowa wete Yehoba 'ihe'iteya 'abehega to'aha 'abwa 'ilatu 'oidiya, 'oinega Nowaina 'imatauta ma 'ina hemisega 'ina waga sanina 'aki 'igoheya, 'itagiya, ta tauna ma'ina susuwao 'i'abihetediya. Nage 'oina 'ihe'itaeya 'abehega tomota mabwaiyadi togala, ma tauna loheya dumwaluna 'ina hemisa weyahina.

Paihowa 7:44

Sitibeni wete 'igwaeya, “Tubudaowedi Yehoba 'ina hada si'abiya 'ana 'ita gidemusa Yehoba Mosese 'ihegwaeya ma 'ida 'abi'ese. Coinega si'abiya, ma mwalo tutaina yoho 'awawa sitautauya, Yehoba 'ina hadaina wete si'aha'ahala dadane.

Madiu 2:12

Ma muliyetega nihiyega Yehoba 'ihemataluwediya ma sahena Helodi 'oina sihilahila, 'oinega sitoholowa ma mali 'edega sitauya 'idi 'asa.

Ibeliu 13:10

Ma tauda ma'ida 'ebepwaoli, ma hesi Hada He'asisi bale'uwa 'ana topwaoliyao geya sawasawahina ma si'ai 'ida 'ebe pwaoliina 'oina.

Heꞌitaꞌita 15:5

Coinega ya'e'ebubuna ta ya'iteya galewa Yehoba 'ina hada so'eso'ena, hadaina 'alona 'ina gwae hemisa lelelelena 'imiyamiya.