Ibeliu 7:8 - Loina Nuahuana

⁸ Bewa tuwa Libai 'ina bodao 'ida tobwatobwa tupwana si'ewa'ewa. Taudi tomota tuwa 'ama'amasidi, ta hesi Melikisedeki wasana 'abehega tauna miyamiya hatayana.

Ibeliu 7:8 Referans Kwoze

Ibeliu 6:20

Nage 'oina Yesu 'iluhu nugeta pwaiya weyahida, ta 'ihetopwaoli madouna ma miyamiya hatayana weyahida, gide Melikisedeki mwalo hene.

Ibeliu 5:6

Ta wete 'ina gwae heluwena, 'igwaeya, “Cowa 'uhetopwaoli hataya gide Melikisedeki.”

Heꞌitaꞌita 1:18

Mayawasigu yamiyamiya. Mwalo ya'amasa, ma 'u'ita taugu yamiyamiya ta geya'abwa yagumwagumwala. Eeta nimaguwa 'amasa ma Bwebweso 'adi kihi ma sowasowahigu yaso'edi.

Ibeliu 7:23

Mwalo topwaoli nugenugetadi baibaiwadi sipaipaihowa 'ana siga si'amasa ta muliyetega hauhaudi sihemiyalaenedi.

Yoni 14:19

“Ci'iunamo ma ya'ebesinegomi. Ma hesi mebale'u taudi geya sihemisaegau nata geya'abwa si'ita'ita hilegau. Ma hesiyage 'omi nata moisa wa'ita hilegau mayawasigu yamiyamiya. Beno 'oinega 'omi nata wete yawasi miyamiya hatayana 'oiguwega waloba.

Ibeliu 3:16

Taiyawedi Yehoba 'ina gwae sihesagoheya ta silogwahateya? Taudi Mosese Itipita 'oinega 'ihanugetediya ta silatuma, 'awa?

Yoni 14:6

Coinega Yesu Tomasi 'ihegwaeya 'igwae, “Taugu 'eda, ma gwae moisa, ma wete yawasimi huhudi. Weyahina geya 'eta taiya sowasowahina ma Tamagu 'oina 'itauya 'eguma loheyainaina geya 'oiguwega 'itauya.

Ibeliu 9:27

Tomota tauda 'ada loina 'imiyamiya 'abehega ma'aigeda ta'amasa ta muliyetega bwa'omatana.

Ibeliu 7:7

ta hesi Melikisedeki Ebalahamo 'ilohane sineya, weyahina taudi sanidi madouna 'idi gwae hemisa si'e'ehele tomota taudi sanidi 'i'iudi 'oidiya, 'oinega wanuwatuhuyahi 'abehega Melikisedeki 'ina gwae hemisa 'i'ebwaeya Ebalahamo 'oina.

Ibeliu 7:9

Bewa tuwa 'ida tobwatobwa tupwana ta'e'ehele Libai tubunao 'oidiya, ta mwalo 'ana 'ita gide Melikisedeki 'ina tobwatobwa tupwana 'i'eweya Libai 'oinega,