Ibeliu 7:3 - Loina Nuahuana

³ Melikisedekiina geya tamanamo ta geya sinanamo, ma wete geya 'ina susumo ta 'ina li'u ma 'ina 'amasa geya 'adi tosanapumo, ma hesi gide tuwa Yehoba natuna 'ihetopwaoli hataya Yehoba 'oina.

Ibeliu 7:3 Referans Kwoze

Ibeliu 7:17

Tauna Yesu, ma weyahina Buki He'asisi 'igwaeya, “Cowa 'uhetopwaoli hataya, gide Melikisedeki.”

Ibeliu 7:6

Melikisedeki hali susu, ta 'ina miya lohanenamo, 'oinega tobwatobwa tupwana 'i'eweya Ebalahamo 'oinega. Coinega wete Melikisedeki 'ina gwae hemisa Ebalahamo 'i'ebwaeya. Ebalahamoina loheya madouna, weyahina mwalo Yehoba 'ina gwae hemisa 'i'ebwaeya,

Madiu 4:3

Ma totohoina 'ilatuma ma 'igwaeya, “Ceguma 'owa Yehoba Natuna, dimwa bewa 'uloinaedi ma sihe'e'ahai.”

Ibeliu 4:14

Cida Topwaoli Madouna ma 'ausalana 'imiyamiya, tauna Yesu, Yehoba Natuna, weyahida 'ihane pwaiya galewa, 'oinega 'ida hemisa 'oina ta'abiyahi momosi.

Ibeliu 7:1

Ma Melikisedekiina meSalema 'idi kini, ta Yehoba Tolohanena moisa 'ina topwaoli. Mwalo hene Melikisedekiina Ebalahamo 'ilobeya, tutaina lo'aleha 'oinega 'ihilama. Ta Ebalahamoina toloinao baibaiwadi ma 'adi bodao 'ipe'udiya, 'oinega Melikisedeki gwae hemisa bwebwe'ana 'i'ebwaeya Ebalahamo 'oina.

Ibeliu 7:2

Coinega Ebalahamo 'ina tobwatobwa 'iwatahidiya he'une 'adi baibaiwa nima luwaluwa, ta he'une 'aigeda Melikisedeki 'i'ebwaeya ta Ebalahamo tauna naeni 'i'ewediya. Ta Melikisedeki sanina 'ana gibui “Toloina dumwaluna,” ta 'ina tupwa sanina Salema, 'ana bui “Daumwala,” 'oinega tasanasanapu 'abehega Melikisedeki tauna 'ina loina daumwalina.