Ibeliu 5:12 - Loina Nuahuana

¹² Tuta bewa 'ilobwainegomiya ma hali tomota 'oidiya wahe'ita, ta geya sawasawahimi, weyahina Yehoba wasana huhuna geya wasanapu, 'oinega 'abwa 'ahehe'itegomi. Comi susumo 'ilobwainegomiya weyahina 'e'ahai pa'alina geya 'ilobwainegomi.

Ibeliu 5:12 Referans Kwoze

Ibeliu 6:1

He'ita nugenugetana Keliso weyahina wahesagoha pwaidiya ta wasanapudiya, 'oinega nuwanuwagu sanapu hauhaudi Keliso weyahina yahe'itegomi ta 'imi nuwatuhu 'oidiya waheloheya. He'itaedi tahesagoha pwaidiya ta tasanapudiya sahena talolohilahiladi. He'itaedi bewa: 'ida mumuga mwalo galadi 'adi logwahata, 'ida hemisa Yehoba 'oina,

1 Pita 2:2

ma hesi yaluyaluwami 'ana susu bwebwe'ana wa'ebese, gidemusa taudi gwagwama hauhaudi susu nuwanuwadi, eeta susuina yaluyaluwami 'adi 'abihetena weyahina.

Ibeliu 5:13

Coinega 'omi gide gwagwama, 'eda dumwadumwaluna geya nuwami 'isabwalena moisa, eeta 'ilobwainegomiya ma he'ita nuhana 'oinega 'ahe'aigomi nugeta.

Kolose 3:16

Wete Kelisoina 'ina gwae bwebwe'adi 'atemiya sibwala moisa, ma 'aigeda 'aigeda 'oimiya wahehe'ita ma walolohatoto sanapu moisa 'oinega, ta wete 'ami wali ma Same walinao 'oidiyega, wete walibui 'oidiyega, Yaluyaluwa Tabuna 'oinega, ma'imi loyauwedo Yehoba 'oina 'atemiyega.

Madiu 17:17

Coinega Yesu 'ihegwaediya, “Hede 'omi togidega? Tonuwa potapotami 'iya. Nuwana geya wahemisaegau, 'awa? Cimi nuwapotapota 'oinega yawahi dabalala. Hana gwamaina wanaoleyama 'oiguwa, ma ya'ita.”

1 Pita 4:11

Ceguma taiyawedi 'omi wahetohepwaila, wahetohepwaila tuwa gidemusa Yehoba 'ina gwae wahepwaileya, ma 'eguma taiyawedi 'omi walemalema, walema tuwa 'imi waiwai mabwaiyanega, gidemusa waiwaiina 'i'ebwaegomiya, ma 'oinega paihowa mabwaiyadi 'oidiyega tomota Yesu Keliso sisanapu ma Yehoba sihepwatuwe, weyahina tauna wasawasa moisa ma tohewaiwai moisa, tuta mabwaiyana 'oidiya. Emeni.

1 Kolinita 14:19

Ta hesi tapwalolo 'oina, nuwanuwagu ma gwaeina yasanasanapu 'oinega yada hepwaila to'uto'upana tuwa, ma tomota yahe'itadi. Ta geya nuwagu hali 'enana 'oidiyega tapwalolo 'oina yagwaegwae hedada, weyahina gwaeyedi tomota geya sisanapu.

Loma 3:2

Ta ginaula bwebwe'adi baibaiwadi 'oida simiyamiya. Ma ginaula nugenugetaina beno Yehoba 'ina gwae 'oida 'ilaguyama.

Paihowa 7:38

“Ma wete Moseseina yoho 'awawa tubudao mabwaiyadi ba'idanao 'oya Sainai 'oina simiyamiya, ma anelose Mosese loina bwebwe'ana yawasida weyahina 'i'ebwaeya.

Maki 9:19

Coinega Yesu 'ihegwaediya, 'igwae, “Comi togidega, ta deba pa'ala hedade? Tuta bewa 'imi deba pa'ala 'oinega yahewahi dabalala. Tuwa gwamaina watauyeyama ma ya'ita.”

Pilipai 3:1

Ciyagwao, 'ilobwainegomiya wete ma 'ida Bada 'oina wada yaliyaya. Mwalo 'ami loina yaleleyawa, ta bewa tuwa wete nuwanuwagu ma yalele hilawa, ma 'oinega wamiya bwebwe'ana.

1 Kolinita 14:20

Ciyagwao, sahena 'imi nuwatuhu gwagwama gidemusa, ma hesi wanuwanuwa loheya madouna gide. Ta sahena mumuga galana weyahina wanuwanuwatuhu ma 'abehega wasanapudi.

Galetiya 4:3

Tauda gidemusa, weyahina mwalo 'ida 'ebe hemisao nugenugetaidi weyahidi tapaipaihowa,

Ibeliu 5:11

Nuwatuhu bewa weyahina gwae baibaiwana simiyamiya, nuwanuwagu ma yahepwailedi 'oimiya, ta geya sawasawahina, weyahina tenami tuituidi.

Ibeliu 10:32

Ciyagwao, mwalo 'asilala 'ina latu nugenugetana 'oimiya, wanuwatuhuyahi 'imi miyamwau 'oidiyega wa'alama'i'ita,