Ibeliu 4:11 - Loina Nuahuana

¹¹ Ma 'ilobwainegita ma tatoho waiwai 'abehega 'ebe 'aiyawasiina taloba, ma sahena 'aigeda taiya 'ilologwahata, 'amuge ta 'ibe'u, taudi gide mwalo sibe'u 'esa.

Ibeliu 4:11 Referans Kwoze

Ibeliu 3:18

Weyahina taudi 'ina gwae geya simuliye, 'oinega 'adi gwae 'igwaeya, “Geya'abwa wete 'igu 'ebe'aiyawasi 'oina siluhuluhu.”

Luke 13:24

“Cehe gide, ma hesi watoho waiwai ma waluhu 'ahwa'edaina 'i'iuna 'oinega. Weyahina baibaiwadi sitoho ma 'abehega siluhu, ma si'aipate 'asaya.

Ibeliu 6:11

Coinega nuwanuwagu ma 'omi 'aigeda 'aigeda wahetapewa ta 'abehega 'abwa muliyetega 'imi hemisa huwaina mabwaiyana waloba.

Epeso 5:6

Mumugaedi bewa weyahidi Yehoba toligeha loina 'igamwasowalediya, 'oinega geya'abwa 'aigeda taiya 'ina gwae besobesowega 'i'abo'abowegomi,

Ibeliu 3:12

Ciyagwao, wa'itayahigomi ma sahena wadebadeba pa'ala nuwana walolopui, 'amuge ta Yehoba mayawasina wamiyasine.

Taito 1:16

Taudi sigwae 'abehega Yehoba sisanapuya, ta 'idi paihowa 'oinega Yehoba siuhaleya, weyahina taudi togala ma wete loina 'ana tosinala, 'oinega paihowa bwebwe'ana geya 'eta 'adi lobwaina.

Pilipai 2:12

Ciyagwao 'omi hematamatana lamuna. Mwalo mataguwa wahematamatana, ta bewa tuwa 'oimiyega yamiya bwaga, ma tuwa 'abwa wahematamatana moisa. Coinega 'ilobwainegomiya ma Yehoba wamataute ta wete watoho waiwai ma 'ina 'abihetena waloba,

Taito 3:3

Moisa tauda mwalo yauyauleida ta tologwahata hedada, 'oinega henuhenuwa ma yaliyaya besobeso nuwada si'ewa'ewa ma 'eda bwebwe'ana ta'ebesineya. Ma wete nuwanuwada lo'aleha ma he'ipi'ipi, 'oinega tomota tupwadi silo'alehegita, ma wete tauda talo'alehediya.

Kolose 3:6

Ma nuwatuhuwedi bewa weyahidi 'abwa Yehoba 'igamwasowalegita.

Paihowa 26:19

“Kini Agalipa, bewa weyahina he'itaina galewega geya yalogwahate,

Luke 16:16

Moisa tuwa, Mosese ma palopitao 'idi loinao 'oimiya simiyamiya 'ana siga Yoni to'abihebabitaiso 'inaoma, ma tuta nage 'oinega 'ana siga nige tetela bwebwe'ana Yehoba 'ina loina weyahina 'abwa 'ahehepwailedi, ma 'ebeloinaina weyahina tomota baibaiwadi ma'idi waiwai sitohotoho ma siluhuluhu.

Madiu 11:12

“Tuta Yoni 'ina 'abihebabitaiso 'oinega ma nige, tomota sitohotoho waiwai ma 'abehega Yehoba 'ina 'ebeloina 'oina siluhu, ma tohewaiwaiyedi taudi 'idi waiwaiyega siluhu.

Madiu 7:13

Cahwa 'i'iuna 'oinega waluhu ma sahena 'ahwa madouna 'oinega, beno 'ebe hesilae 'ana 'eda. Cedaina madouna ma 'ana tauya meyameyahana ma tomota mabwaiyadi 'oina sitautauya.

Epeso 2:2

Moisa, mwalo mumuga bale'u wapaipaihowadi, weyahina yaluyaluwa galadi ma waiwaidi 'idi bada, tauna tomiya 'atamana 'awawa wahematamataneya. Ma tauna yaluyaluwaina taudi loina 'ana toligehao simulimuliye ma 'atediya 'imiyamiya.

Yoni 6:27

Coinega bewa tuwa yahegwaegomi, sahena 'e'ahai gumwagumwalidi weyahidi wapaipaihowa, ma hesi 'e'ahai yawasimi miyamiya hatayana weyahidi wapaihowa. Ce'ahainaina bewa weyahina yahehegwaegwae. Loheyaiguina taugu nata ya'ebwaegomi. Weyahina Tamagu 'ina paihowa bewa weyahina 'ihesumanegauma ma yapaihowadi.”

Ibeliu 4:6

Moisa, 'ebe 'aiyawasiina 'imiyamiya, ta tupwadimo 'abehega siloba, ma hesi taudi wasa sihesagohe nugeteya, ta loina sisinaliya, 'oinega sahena silobaloba.

2 Pita 2:6

Ma wete 'asaedi galadi Sodoma ma Gomola 'igabudiya eeta sihegawala, ma 'oinega 'abehega mabwaiyada tada sanapu ma geya'abwa tamumuga galana gidemusa taudi.