Biblia Todo Logo
Bib sou entènèt

- Piblisite -




Ibeliu 3:1 - Loina Nuahuana

1 Ciyagwao, 'omi ma taugu Yehoba 'ihesinuwegita 'ina tupwa weyahina, 'ilobwaineya ma Yesu tanuwatuhuyahi, weyahina tauna 'ida tapwalolo 'ana tohepwaila ta wete 'ida topwaoli madouna,

Gade chapit la Kopi




Ibeliu 3:1
63 Referans Kwoze  

Yehoba tauna 'i'abihetegita ta 'ibwauwegita 'ina paihowa bwebwe'adi sabi paihowadi. Moisa tuwa tauda geya 'ida bwebwe'ana weyahina 'ihesinuwegita, ma hesi mwalo hene tauna 'ina nuwatuhu ma 'ina helau weyahina, ta Yesu Keliso 'ipaihoweya tauda weyahida.


beno 'ebe masiina, Yehoba 'ana maisa galewa Yesu Keliso 'oinega.


Moisa, Yesuina sawasawahina ma 'ihetopwaoli weyahida, weyahina tauna mumugana mabwaiyana 'ausalana tuwa, ta geya gide togala tauda, 'oinega Yehoba Yesuina 'i'abilagasiya ta galewa 'ana tomiyao 'ilohane sinediya.


Coinega ya'ahwanoi 'oimiya ma mumugami wa'itayahi, bewa tuwa taugu deliya silagugauwa Badaina 'ina paihowa weyahina, ma 'omi Badaina 'ibwauwegomiya tauna 'ina paihowa weyahina, 'oinega 'ilobwainegomiya ma to'aha 'ina paihowaina 'ana lobwaina wamuliye,


Ma 'omi geya gide taudi, ma 'omi hesi Yehoba 'ina boda hesihesinuwaimi, 'omi Kiniina 'ina topwaoli ma 'ina tomotaiyao 'ehaumi, weyahina tupwa guguyou 'oinega 'ibwauwegomiya eeta 'ina 'asilala tobwebwe'ana hedada 'oina 'ilagugomiya, ma 'abehega 'ina paihowa bwebwe'anaina wahepwaile.


Coinega Yesu 'iheloheya tauda tasinao gide, ta 'ihetopwaoli madouna ma'ina 'atemuyamuya weyahida, ma Yehoba 'ina paihowa 'oina 'ihetapewa, ta 'ipwaoliyeya 'ida mumuga galadi weyahidi ta 'abehega Yehoba 'inuwasamudi.


Ma wete 'ida topwaoliina lohane hedade, ta Yehoba 'ina hada weyahina 'ipaipaihowa.


Moisa, wahida 'aigeda, Yaluyaluwa Tabuna wete 'aigeda tuwamo, ma 'ibwauwegitama 'omi ma tauma, ma tanuwanuwatuhu 'ada lema 'aigeda tuwamo 'abwa taloba weyahina.


Ma wete 'alohatotowegomiya ma 'a'abihe waiwaiyegomiya, ta 'ahegwaegomi ma mumugami 'ibwebwe'ana, weyahina Yehoba bo'i 'ihesinuwegomiya 'ina 'ebeloina 'asi'asilalana weyahina.


Cigu paihowaina tetela bwebwe'ana weyahina, ma 'abehega 'omi mahetegwao 'abihetena taloba tetelaina 'oinega.


Cigu lohatoto bewa, 'unuwatuhuyahi, ma 'adi sanapu mabwaiyana Cinapwana tauna 'i'ebwaego.


Ma wete tapwalolo 'ana paihowa bwebwe'adi 'oidiya 'utoho ma 'uhewaiwai, ma yawasiu miyamiya hatayana wete 'u'abiyahi, weyahina mwalo Yehoba 'ihesinuwegowa, beno tutaina 'ino hemisa 'uhepwaila latuwa tomota mabwaiyadi matadiya.


Ma wanuwatuhuyahi 'abehega Keliso wete meYudiya 'oidiya 'ihetopaihowa, 'abehega Yehoba 'ina gwae hemisaedi babada nugenugetadi 'oidiya 'igwaeneya, 'adi moisa 'ida latu,


Yesuina 'ada To'abihetena ma tauda 'i'abi 'ehaugita, ta tauna ma tauda Yehoba 'oinega tanaoma, 'oinega geya'abwa Yesu 'ihemwadimwadina weyahida, ta hesi 'i'ahwa'ahwa tasinegita,


Coinega Yesu wete 'ana tomuliyaedi 'ihegwae hilediya 'igwae, “Wa'ate patu, sahena 'ateyoho. Weyahina Tamagu tauna 'ihesumanegauma, 'oinega taugu wete gidemusa 'omi yahesumanegemi.”


Taugu Yude, Yesu Keliso 'ina topaihowa, Yemesa tauna tasigu. Bewa 'imi leta yaleleyawa, 'omi Tamadai Yehoba 'ana hesihesinuwao, weyahina 'ihelauwegomiya ma Yesu Keliso 'i'ita'ita yahigomi.


Tauda mwalo 'ida hemisa Keliso 'oina talaguya, ma 'eguma 'ida hemisaina ta'abiyahi bwaibwaini ma 'ana siga tuta 'ana 'ebelosaloha 'oina, Keliso ba'idadai tayaliyaya mahemahetena.


Wete topaihowaowedi 'eguma 'idi babadaedi ba'idadiyao si'ahwa tasina Keliso 'ana hemisa 'oina, ma 'ane sahena 'idi babadaowedi 'adi he'asisi silololagu, ma hesi sowasowana sihetapewa waiwai weyahidi, ma 'ane 'idi paihowa bwebwe'ana 'ihemadou, weyahina 'idi babadaedi taudi Keliso 'ana tohemisao, 'oinega 'idi helauwega ma sida paihowa 'oidiya. Loinaedi 'uhe'itaedi tomota 'oidiya.


Tetelina mwalo 'aguguyaeya 'oimiya ta wahemiseya, ma bewa 'oinega 'ida Bada Yesu Keliso 'ina 'asilala 'i'ebwaegomiya.


Mwalo Yehoba 'ihesinuwegomiya ta 'ibwauwegomiya, ta 'oinega wahemiseya. Bewa weyahina tauma tuta mabwaiyana 'a'ahwa'ahwanoi weyahimi ma 'ane wamuliya moisa, weyahina 'omi nuwanuwami hemisa moisega wamumuga dumwalu, 'oinega 'ima 'ahwanoi Yehoba 'oina ma 'i'abihe waiwaiyegomi eema paihowaedi wapaihowadi.


Ta yaloinaegomi Yehoba saninega leta bewa wahasili 'iyadao matadiya.


Ta 'omi Yehoba 'ina helauwega 'ihesinuwanegomiya tauna weyahina, 'oinega 'ilobwainegomiya ma wa'atemuyamuya, ma wahehelau hilegomi ma wanuwasulu ma'imi hohobiga ta wete ma'imi 'alama'i'ita.


Ta Yesu wahina 'ina 'amasa 'oinega 'i'ewegomiya ma 'oinega Yehoba ba'idamiu wahe'iya'iyagu hila, ma'imi mumuga bwebwe'ana ma dumwaluna matana.


waloyauwedo Tamadai 'oina, weyahina tauna 'ina tagwalega tupwa 'asi'asilalaina 'oina tamiyamiya, 'ina tomotaiyao ba'idadao.


Coinega 'ima hemisa 'omi weyahimi 'ihewaiwai pwaiya, weyahina 'asanapugomiya 'abehega wamuyamuya tauma gide, ma wete wa'atepatu gide tauma.


Weyahina bewa 'idi nuwatuhu madouna. Ta moisa tuwa lemaina sawasawahina meYelusalema siloba meEsiya 'oidiyega, weyahina nugeta meYelusalema 'oidiyega Esiyaedi Keliso tetelina sihesagoheya, yaluyaluwadi 'ana lema weyahina, ee 'oinega taudi wete bale'u tobwatobwaidi 'oidiyega si'e'ehele meYelusalema 'oidiya.


Eeta taudi meYudiya gide tuwa Yehoba 'ina 'aiwe lahanao tupwadi silotalasa, ta 'omi 'oimiyega 'ihemiyalaenediya, weyahina 'omi hali 'aiwe lahanao ma 'ihesinuwegomiya, ta 'ina 'aiweina 'oina 'ilagu hepa'igomiya, ma 'ina 'aiweina 'oinega 'ana we'ahega wanumanuma, beno Yehoba 'ina helau walobeya.


Coinega boda 'eluwa 'oidiyega 'ibwauwegita, tauma boda Yudiya ma 'omi tomiya ganamuli.


Eeta Yesu Tomasi 'ihegwaeya 'igwae, “Nimagu bewa 'u'itadi, ma nima 'uyamosiu 'ebwa 'ulagu ma 'agu 'ila'ilala bewa 'u'abi tohodi. Ma wete nimau 'uyasi 'ebwa 'agu badi lisulisuguina 'oina 'ulagu luhuwe, ma 'uhemisaegau. Ma sahena 'ahwa 'abo'abo.”


Wayaliyaya 'omi galewa Yehoba 'ina loheloheyao, ma wete palopitao, ma 'ana tohepwailao wayaliyaya, weyahina mwalo 'imi muyamuya 'asaina 'oinega walobeya, ma bewa tuwa Yehoba muya 'oinega 'ihemaisediya.


Ma 'abwa Lami 'oina silo'aleha, ma Lamiina 'ihewaiwai sinedi, weyahina tauna babadaowedi 'idi Bada, ma kiniyao 'idi Kini, ma wete taudi 'ina hesinuwega 'ibwauwedima, taudi 'ana tomuliyao moisa ba'idanao.”


Tauna 'a'iteya ma 'ahesagoheya ma 'oimiya 'ahepwaila, 'oinega 'omi mahetemao tahe'iya'iyagu mahemahetena, ta wete Tamada ma Natuna Yesu Keliso mahetedao ta'ahwa 'iya'iyagu mahemahetena.


Yehoba tauna 'atemuyamuya huhuna ma 'ibwau pwaigita ma 'abehega 'ina wasawasa miyamiya hatayana 'oina tamiyamiya Keliso mahetedai. Ma 'imi muya tuta 'i'iunamo ma sigumwala, ma muliyetega Yehoba 'igihe 'ehaugomi ma 'igihepa'aligomi ma 'igihe waiwaiyegomi ma 'abehega wamiya bwebwe'ana.


Tohekalesiyao 'adi babadao 'omi, 'abehega yagihenuwa yahigomi 'imi paihowa weyahina. Weyahina taugu 'aigeda wete tohekalesiyao 'idi bada, eema taugu mataguwega Keliso 'ina muya ya'iteya, ma 'abwa 'ina wasawasa 'asi'asilalana 'oina yamiyamiya to tuta 'eguma 'ina wasawasaina 'igihe hapwese.


Gidemusa mwalo taudi wahiwahine totapwalolo Yehoba sihemisaeya eeta 'atedi sihe'ahupaseya mumuga nuhana ma nuwadobi 'oidiyega eeta mwanediyao sihe'asisiyanediya.


Weyahina 'iboi 'ina pwaoliyega miya bwebwe'ana hedade 'i'ebwaegita, ta hali Hada He'asisi 'oina 'iluhuwa, ta hadaina madouna ta bwebwe'ana, beno tomota geya si'abi bale'u 'oina.


Nage 'oina Yesu 'iluhu nugeta pwaiya weyahida, ta 'ihetopwaoli madouna ma miyamiya hatayana weyahida, gide Melikisedeki mwalo hene.


'abehega 'omi geya meYudiya sawasawahina ma Yehoba 'ina 'abihetena waloba, tauma meYudiya gidemusa. Cina 'abihetenaina mwalo 'igwae hemisaeya, eeta Yesu Keliso tetelina 'oinega talobeya, ta taheboda 'aigeda.


Belediina 'aigeda 'oinega mabwaiyada ta'ai'ai, 'oinega Keliso wahina 'oina taheboda 'aigeda.


Yawasiina miyamiya hatayana bewa gidemusa 'ina 'eda: Ceguma tomota sisanapugo 'abehega 'owa moisa Yehoba, ma wete 'eguma sisanapugau 'abehega taugu To'abiheteguina 'owa 'uhesumanegauma.


Bodaedi 'adi baibaiwa gidemusa wani handeledi ma tuweniti, ma 'aigeda sabwelo 'oina Pita gamwagamwanidiya 'itoholowa ma 'ihegwaediya, 'igwae:


Ma toweweloheyedi sida yaliyaya 'adi lema weyahina, ma hali boda wete 'adi lema 'ausaladi 'oimiyega weyahina, ma 'imi hematamatana Keliso wasana 'oina weyahina sida 'ahwa moisa, ma wete Yehoba sida hepwatuwe,


Ciyagwao, wa'itayahigomi ma sahena wadebadeba pa'ala nuwana walolopui, 'amuge ta Yehoba mayawasina wamiyasine.


Tuta nugenugetaidi 'oidiya Mosese 'ina loinega tomota we'awe'adi sihetopwaoli madouna, ta muliyetega Yehoba 'ina gwae hemisa 'oinega Natuna 'ihetopwaoli, ma tauna mumugana bwebwe'ana miyamiya hatayana.


Eeta Kelisoina loina hauhauna 'i'eweyama ta 'oinega tanaoma Yehoba ba'idadai tahe'iya'iyagu, weyahina 'eguma 'ihesinuwegita nata yawasida hataya 'igwae hemisaeya 'i'ebwaegita. Weyahina tauda loina nugenugetana taligehiya, 'oinega 'ilobwaineya ma ta'amasa, ta hesi Keliso weyahida 'i'amasa pwaiya sabi 'abihetegita.


Ciyagwao Yesu bweyahina 'idau pwaiya weyahida, 'oinega ma'ida 'atepatu taluhu Yehoba 'ina Tupwa He'asisi Hedade 'oina,


Coinega tatoholo pa'ala ma 'ida hemisa Yesu 'oina ta'abi'abiyahi, ma tahepwaila latuwe tomota 'oidiya, weyahina Togwae hemisaina geya 'i'abo, ta hesi 'ina gwaeyedi gide 'ipaipaihowa 'esedi.


Ciyagwao, 'imi leta bewa to'uto'upana tuwa, ma ya'ahwanoi 'oimiya ta ma'imi 'alama'i'ita 'igu lohatoto bewa wada hesagohe.


Swiv nou:

Piblisite


Piblisite