Ibeliu 13:21 - Loina Nuahuana

²¹ Ma Yehoba sowasowana ginaula baibaiwadi 'ausaladi 'i'ebwaegomi ma 'oidiyega 'ina nuwatuhu wamuliye moisa, ma 'oinega Yesu Keliso 'ina paihowega Yehoba 'i'abihe bwebwe'anigomi to'aha gide 'ina nuwatuhu, ma weyahimi 'iyaliyaya. Coinega Kelisoina tada hepwatu hatae. Emeni.

Ibeliu 13:21 Referans Kwoze

Pilipai 2:13

weyahina Yehobaina 'atemiya 'ihetahetapewa, ta 'abehega tauna 'ina nuwatuhuwega 'omi wanuwanuwatuhu ma wapaipaihowa.

2 Tesalonaika 2:17

Yehoba tauna ta 'ida Bada Yesu Keliso sida 'abihe yaliyayegomi, ma sida 'abihe waiwaiyegomi, ma 'ane waguibiga 'imi paihowa 'oidiya, ta tuta mabwaiyana 'imi hegwaegwae sibwebwe'ana.

Pilipai 4:13

sawasawahigu miya mabwaiyana 'oidiya yada yaliyaya tuwa, weyahina tauna mahetegu 'igihe waiwaiyegauwa.

1 Pita 2:5

Coinega 'omi wete gide yowayowana mayawasina, yaluyaluwami watagwaledi, ma 'oimiyega Yehoba 'ina Hada 'ida 'abi, ma nage 'oina wahetopwaoli 'ehaumi, ma Yesu Keliso 'ilemegomi ma yaluyaluwamiyega wahetopwaoli bwebwe'ana Yehoba 'oina.

2 Timoti 4:18

Mwauwedi 'oidiyega Cinapwanaina nata 'i'abihetegau ma 'ina 'ebeloina galewa 'oina yaluhu, 'oinega tada hepwatuwe hataya. Emeni.

Pilipai 1:11

ma'imi paihowa bwebwe'adi Yesu Keliso 'ina waiwaiyega, ta weyahidi tomota Yehoba sihepwatuwe ma si'ahwa bwebwe'ane.

2 Kolinita 9:8

Ma Yehobaina sowasowahina ma 'ehele mabwaiyana 'ida losiwa 'oimiya, eema tuta baibaiwana sowasowahimi, ma wete ma'ana tupwa madouna 'imi 'ehele weyahina.

1 Pita 4:2

Coinega 'ida tuta mabwaiyana bale'uwa tamiyamiya tatagwalegita Yehoba 'oina ma tauna 'iloinaegita ma hesi 'ida nuwa'ubuna geya'abwa 'iloloinaegita.

Ibeliu 10:36

Ma 'ilobwainegomiya watoholo pa'ala ma Yehoba 'ina nuwatuhu wapaihowa, ma to'aha 'igwae hemisaeya wa'ewa.

1 Tesalonaika 5:23

Yehoba tauna daumwala huhuna, 'oinega yaluyaluwami ta nuwami ta wahimi 'i'abihe'ehau bwaibwainidi ma si'asilala, ma 'ane mumugami bwebwe'ana wamiyamiya 'ana siga Yesu Keliso 'ihilama.

Yude 1:25

Yehoba taunamo 'ada To'abihetena. Cabihetenaina 'ipaihoweya 'ida Bada Yesu Keliso 'ina paihowega. Coinega tahepwatuwe 'ina loina dumwadumwaluna ma waiwaina mwalohene ta nige ma tuta sinaonaoma 'oidiya. Emeni. Taugu Yude.

1 Yoni 2:17

Ma bale'u bewa 'i'iunamo 'isawala, ma nuwatuhu bale'u tobwatobwanao weyahidi 'ilolagu, ma taudi hesi 'eguma Yehoba 'ina nuwatuhu sipaipaihowa simiya hataya.

1 Timoti 1:17

Coinega Yehoba tahe'asisiyane ma tahepwatuwe hataya, weyahina tauna 'aigeda tuwa Yehoba moisa, geya sawasawahina ma 'ana 'ita ta'ita, geya 'ida 'amasa, ma hesi 'ina loina 'oida nata geya 'igumwagumwala. Emeni.

Epeso 2:10

Ma hesi Yehoba 'iboimo 'ina paihowa 'ateda 'i'atububudiya Yesu Keliso 'oinega, ma 'abehega tapaipaihowa paihowaedi bwebwe'adi Yehoba mwalo hene 'ihesinuwediya weyahida.

Heꞌitaꞌita 5:9

Ma wali 'ehauna siwaliyeya sigwae, “Moisa, 'owa sawasawahiu ma buki beno 'u'ewa, ma wete 'ana losipwa sawasawahiu ma 'ulihasi, weyahina silohe'amasigowa ta bweyahiuwega tomota 'uhemaisediya Yehoba weyahina, taudi bodaedi, 'enanaedi, susuwedi ma 'ebeloinaedi mabwaiyadi 'oidiyega.

1 Yoni 3:22

ma 'eguma to'aha ta'ahwanoiye 'oina 'i'ebwaegita weyahina tauna 'ina loinao tahematamatanediya, ma 'ida paihowao weyahidi 'iyaliyaya.

Ibeliu 13:16

Caigeda pwaoli wete Yehoba nuwanuwana madouna, beno helau tomota weyahidi ma'ida 'atemuyamuya.

1 Timoti 6:16

Yehoba 'iboimo miyamiya hatayana, ma geya 'eta taiya gide. Ma 'ina tupwa geya sawasawahida ma ta'ita, weyahina 'asilala hedada, ma geya sawasawahina Yehobaina ta'ita, ta 'ina wasawasa ta 'ina waiwai nata geya sigumwagumwala. Emeni.

1 Timoti 5:10

ma tomota matadiya mumugadi dumwaluna, weyahina natudiyao 'adi 'itayahina 'oina sipaihowa bwaibwaina ma wete taumanao ta tohekalesiyao 'adi 'abihetena 'oina, wete tomiya mwau silemedi ma si'atemuyamuyaedi, beno 'ilobwainediya ma tohekalesiya 'oidiya siluhu, ma tohekalesiyaowedi 'oidiyega 'adi lema, nana 'e'ahai, bo 'ale'o si'ewa.

1 Tesalonaika 3:13

Ma 'ane 'abwa tutaina 'ida Bada Yesu, ma 'ana tohemisao silatuma, 'omi ma'imi waiwai ta nuwami 'ehaudi, Tamada Yehoba matana watoholo.

Kolose 4:12

Epapila wete 'ina loyauwedo 'oimiya, tauna 'aigeda 'imi boda 'oimiyega. Ta 'ipaipaihowa To'abihetena Yesu weyahina, ma wete 'ina 'ahwanoi 'oidiya 'i'ahwa'ahwanoi waiwai ma 'ane watoholo pa'ala, ma'imi mumuga mabwaiyana bwebwe'ana, gide Yehoba nuwanuwana.

Kolose 3:17

Ma mumugami mabwaiyadi, beno 'imi gwaeyao nana 'imi paihowao mabwaiyadi 'ida Bada Yesu saninega wapaihowa ma'imi loyauwedo Yesu saninega, Tamada Yehoba 'oina.

Pilipai 4:18

Ma 'imi 'eheleina Epapilodito 'itauyeyama, mabwaiyana yalobeya 'imaha tasitasiwa, gide 'ane 'imi pwaoli bwebwe'ana Yehoba 'oina, wagabu pwaiya eeta mahaina bwebwe'ana Yehoba 'inisoya, ta weyahina 'iyaliyaya.

Epeso 2:18

Eeta tauna 'oinega, 'omi ma tauma Yaluyaluwa 'aigeda 'oinega 'itoegita Tamada 'oina.

Madiu 28:20

Loina mabwaiyana ya'ebwaegomiya ma wahe'itaedi, ma taudi wete sida muliyedi. Ma moisa, taugu ba'idamiu tamiyamiya sauga mabwaiyana 'oidiya, sauga bewa ma 'ana siga bale'u 'ana 'ebelosaloha 'oina.”

Madiu 6:13

Ma sahena 'utohotohomai, ma hesi togalaina 'oinega 'u'abihetemai.”

Heꞌitaꞌita 5:13

Ma wete Yehoba 'ana paipaihowao 'aigeda 'aigeda galewa ma bale'uwa ta bale'u dudunina ma holai, taudi Yehoba 'ana paipaihowao tupwa mabwaiyadi 'oidiyega, yahesagohediya siwaliwali sigwaegwae, “Tauna wagahata wasawasa 'oina 'imiyatoiya, ma lamiina ba'idana tahepwatuwedi, ma tahe'asisiyedi, ma ta'ahwa wasawasaedi, ma wete ta'ahwa tohewaiwaiyedi tuta mabwaiyana 'oidiya.”

Heꞌitaꞌita 4:6

Ma wagahata wasawasaina matana 'aigeda ginaula 'inamanamala gide daumwala 'asilalana hola debana, 'ana 'ita gide tuwa gelasi. Ma wete 'ebemiya wasawasaina deina hebai 'ehata sitoholo sakowasiyeya, ma 'wapidi mabwaiyadi 'oidiya matadi simiyamiya.

Ibeliu 12:23

ma wete wanaoma tomotaedi Yehoba 'i'ahwa natunediya, ta sanidiyao galewa 'ilelediya 'oidiya, ma wete tauna tauda ta ginaula mabwaiyana 'ada Toloina, beno Yehoba 'oina, ma wete taudi yaluyaluwadi Yehoba 'i'abihe dumwaludiya 'oidiya,

1 Tesalonaika 4:3

Yehoba nuwanuwana 'imi miya 'ausaladi, ma sahena wapuipui,

Kolose 3:20

Gwagwama 'omi wete sauga mabwaiyana tamamiyao ma sinamiyao 'enadi wamuliyedi, bewa 'ida Bada 'ina 'ebeyaliyaya.

Pilipai 2:11

ma ta'ahwa moisae 'abehega Yesu Keliso tauna Badaina, ta wete Tamada Yehoba tahepwatuwe.

Galetiya 1:5

Eeta weyahina Yehoba 'oina tada hepwatu hataya. Emeni.

Loma 11:36

Weyahina tauna ginaula mabwaiyana 'adi topaihowa, ma tauna wete 'ina waiwaiyega 'iboi weyahina 'ipaihowediya. Eeta Yehobaina tauna tahepwatu hatae. Emeni.

2 Pita 3:18

Ma hesi 'ida Bada, tauna 'ada To'abihetena Yesu Keliso, 'ana sanapu ma 'ina helau 'oimiya 'imadomadou, ma tauna tahepwatu sauga bewa ta sauga baibaiwana sinaonaoma 'oidiya. Emeni. Taugu Saimoni Pita.

Loma 16:27

Yehoba taunamo tosanapu moisa, 'oinega sawasawahina Yesu Keliso saninega tahepwatuwe tuta mabwaiyana 'oidiya. Emeni. Taugu Paulo.

Yoni 17:23

Taugu moisa 'oidiya yamiyamiya ma 'owa wete gide 'oiguwa 'umiyamiya, ma 'oinega sida heboda 'aigeda bwaibwaina. Ma 'oinega mebale'u si'itadi ma sida sanapugau 'abehega 'owa moisa 'uhesumanegauma. Ma wete sisanapugo 'abehega moisa 'uhelauwediya gidemusa 'uhelauwegauwa.

Yoni 7:17

Taiyawedi 'omi 'eguma Yehoba 'ina nuwatuhu wapaipaihowa, 'omi nata wasanapugau 'abehega 'igu he'itaina Yehoba 'oinega, ma geya yaboi 'igu nuwatuhuwega.

Madiu 21:31

Coinega siteluwaedi 'oidiyega taiya tamana 'ina gwae 'ihematamataneya?” Ma sigwae, “Tautuwa.” Coinega Yesu 'ihegwaediya, 'igwae, “Cehe, moisa tuwa, togala taudi takesi 'ana to'ewao ma toganawalao wete gide siluhu nugeta Yehoba 'ina 'ebeloina 'oina, ma 'omi mulidiyega.

Madiu 7:21

Baibaiwadi 'oiguwa si'ahwa'ahwa bada ma 'abwa sahena siluhuluhu Yehoba 'ina 'ebeloina 'oina, beno namo taudi Tamagu galewa 'ana tohematamatanao.

Madiu 12:50

“Weyahina 'eguma taiyawedi Tamagu galewa 'ina nuwatuhu simulimuliye, taudi tasigwao, nuwana nuhugwao, nuwana sinagwao.”

2 Timoti 3:17

ta 'ida waiwai talobalobadi Yehoba 'ina paihowao weyahidi, weyahina Buki He'asisi 'ina gwae 'oidiyega Yehoba 'i'atububugita, ta 'ina paihowao bwebwe'adi mabwaiyana sawasawahida.

Ibeliu 12:28

Bewa 'ida tupwa hauhauna 'oina taluhuluhu, waiwaina ma miyamiya hatayana, 'oinega sowasowana Yehoba 'oina taloyauwedo, ma talotapwalolo to'aha 'ina nuwatuhu 'ana lobwaina gide, ta wete tada he'asisiyane ma'ida matauta,