Ibeliu 12:9 - Loina Nuahuana

⁹ Wanuwatuhuyahi 'eguma tamadao bale'uwa sisapigita ma 'oinega tahe'asisiyanedi, wete 'ilobwainegita ma yaluyaluwada Tamadiu galewa tahe'asisiyane, ma 'oinega yawasida 'ausalana 'i'ebwaegita.

Ibeliu 12:9 Referans Kwoze

Yoni 3:6

Tomota natudiyao sili'u tomota moisa. Ma Yehoba Yaluyaluwana 'oinega yaluyaluwamo 'ihenatune.

1 Pita 5:6

Coinega wanuwadobi ma watagwalegomi Yehoba Tohewaiwai moisa nimana, ma 'oinega muliyetega tauna 'ina tuta bwebwe'ana 'oina 'igihanehegomi.

Yemesa 4:7

Coinega Yehoba 'oina watagwalegomi, ma Tomudulele walogwahate ma tauna 'i'ebesinegomi.

Yemesa 4:10

ta wanuwasulu Bada matana, ma 'oinega tauna 'igilagasigomi.

Loma 9:3

Ma weyahidi yanuwanuwatuhu madouna 'eguma togidega ma Yehoba 'ina helauina 'i'ebwaegauwa, beno Yesu Keliso, 'oiguwega 'i'ewa ma 'i'ebwaedi 'igu bodaedi, ma taugu 'ana mwau yaloba, taudi weyahidi.

Loma 1:3

Tetelaina beno Yehoba natuna Yesu Keliso he'ote'otetelina. Tauna 'iheloheya masiha Debida 'ina susu 'alonega,

Paihowa 2:30

Ma Debidaina palopita 'aigeda, ma Yehoba 'ina gwae hemisa waiwaina 'oina 'inuwatuhu yahiya 'abehega 'abwa Debida tubuna 'aigeda Debidaina 'ina 'ebeloina 'i'ewa Yehoba 'oinega.

Luke 18:2

Bewa gidemusa 'igwaeya, “Caigeda 'asa 'oina toloina 'aigeda madouna 'imiyamiya, tauna Yehoba geya 'ida matauteya ta wete loheloheya geya 'ida he'asisiyediya.

Luke 18:4

“Tuta 'aigeda 'aigeda gide 'ina paihowa, ma toloinaina genuwana ma 'ileme. Ta 'aigeda tuta 'oina toloinaina 'ilowahi'wata, 'oinega 'iboinamo 'oina 'igwaeya, ‘Tuwa Yehoba geya yamataute ta wete loheloheya geya yada he'asisiyanediya,

Heꞌitaꞌita 22:6

Ta aneloseina 'ihegwaegauwa, 'igwaeya, “Gwae bewa moisa ma dumwaluna. Bada Yehoba tauna tuwa yaluyaluwa 'ana to'ebwaya palopitao 'oidiya, ma 'ina anelose 'ihetuneyama topaihowao 'oidiya 'ihe'ita to'aha nata 'ilatuma.”