Ibeliu 12:3 - Loina Nuahuana

³ Yesuina wanuwatuhuyahi 'abehega 'i'alama'i'ita madouna togala 'idi lo'aleha 'oinega, ta 'oinega 'omi wete gide 'abehega sahena wahesabulolo nuwana wawe'awe'a.

Ibeliu 12:3 Referans Kwoze

Galetiya 6:9

Geya'abwa 'ida paihowa bwebwe'adi 'oidiyega ta'ala'ala 'i'iwasa, weyahina 'eguma geya'abwa tawe'a, 'abwa 'eli'eli bwebwe'ana taloba.

2 Kolinita 4:16

Coinega geya 'awe'a. Bwagana wahida siwe'awe'a, ma hesi tuwa 'aloda tahehe'ehau sabwelo 'aigeda 'aigeda 'oidiya.

Heꞌitaꞌita 2:3

Ma wete 'alama'i'ita sanigu weyahina wasanapuya, eeta paihowa mwaudi ta madoudi 'oidiyega geya wada we'a.

1 Kolinita 15:58

Ma wete 'iyagwao yaloyauwedo madouna 'oimiya ta yaguguyegomi ma watoholo pa'ala ma tuta mabwaiyana wada hetapewa Bada 'ina paihowa 'oina, weyahina 'abwa Bada 'ina paihowaina 'oinega huwaina taloba.

Ibeliu 12:2

Ma wete Yesu 'oina talolo'italaga, weyahina Yesuina 'ida hemisa 'ana 'ebehegaina ta 'ana 'ebelosaloha. Tutaina Yesu bale'uwa 'imiyamiya 'isanapuya 'abehega 'abwa 'ebeyaliyaya madouna 'iloba, 'oinega kelose 'ina muyamuya 'i'alama'i'itaneya, mwadina wete geya weyahina 'inuwatuhu, ta 'ebelosaloha 'oina 'ihaneya galewa ta Yehoba 'ina 'ebeulega 'imiyatoiya.

Ibeliu 3:1

Ciyagwao, 'omi ma taugu Yehoba 'ihesinuwegita 'ina tupwa weyahina, 'ilobwaineya ma Yesu tanuwatuhuyahi, weyahina tauna 'ida tapwalolo 'ana tohepwaila ta wete 'ida topwaoli madouna,

2 Kolinita 4:1

Cima paihowa bewa Yehoba 'ina 'atemuyemuyega 'i'ebwaemaiya, 'oinega sahena 'awe'awe'a.

Yoni 5:16

Beno huhuna 'oinega meYudiyaedi Yesu sihe'aleheya, weyahina ginaula bewa Sabati 'oina 'ipaihoweya.

Ibeliu 12:5

Nuwana guguya wanuwanaideya, guguyaina 'oina 'i'ahwa natunegomiya 'igwaeya, “Natugu, 'eguma tutaina Bada 'ihemata sabuwego sabi 'abihe dumwalugo, bewa weyahina 'unuwanuwatuhu ma sahena wete 'uwe'awe'a.

Luke 14:1

Sabati 'aigeda 'oina Yesu 'itauya sabi 'ai Palisi 'idi bada 'aigeda 'ina hada. Hadaina 'oina 'iluhuwa ma boda si'e'ebubu,

2 Tesalonaika 3:13

Ciyamayao, paihowa bwebwe'adi weyahidi sahena wahewahi we'awe'a.

Yoni 18:22

Yesu 'ina hemaisao 'ihepwailediya 'igumwala, 'oinega 'aigeda tolo'aleha deina 'itoholo ma nimana 'oinega Yesu 'i'ahu nahenaheya, ma 'ihegwaeya, 'igwae, “Taiya 'owa nige Topwaoli Madouna 'oina bewa gidemusa 'ugwae 'esa?”

Yoni 8:52

Coinega meYudiyaedi wete sihegwaeya sigwae, “Cabwa hesi 'asanapu bwaibwainigowa, tomada 'abe hi'ahi'a 'oiuwa 'imiyamiya. Weyahina Ebalahamo 'asanapuya 'i'amasa pwaiya ma wete palopitao 'asanapudiya si'amasa pwaiya. Ma 'ugwaeya 'abehega taiyawedi 'eguma 'ino gwae sihegwahu bigadi, geya'abwa si'ama'amasa.

Yoni 8:59

Coinega meYudiyaedi da'ule si'ewediya ma 'abehega si'ahu yamate, ma Yesu 'oidiyega 'iha'waiha ma Hada He'asisi 'oinega 'ilatuwa ma 'itauya.

Yoni 8:13

Ma hesi Palisiyedi Yesu sihegwaeya sigwae, “Cowa hene 'uboi weyahiu 'uhehegwaegwae, 'oinega geya wete 'ahemisamo.”

Yoni 7:12

Tomota baibaiwadi siboidimo 'oidiya sihehe'ahwa henahena Yesu weyahina. Tupwadi tomota sigwae, “Tauna loheya bwebwe'ana.” Ma tupwadi tomota sigwae, “Tauna wete to'e'abo'abo 'aigeda, tomota 'i'waya'wayamidi.”

Luke 16:14

Saugaina Palisiyao gwaeina sihesagoheya ta Yesu silotuyaneya, weyahina taudi mane nuwanuwadi madouna.

Luke 15:2

Coinega Palisiyao ta loina 'ana tohe'itao silomugiyeya, sigwae, “Loheya bewa togalao 'i'ahwa 'iya'iyaguwediya ma wete mahetenao si'ai'ai.”

Luke 5:21

Ma hesi loina 'ana tohe'itao ma Palisiyao Yesu 'ina gwaeyedi sihesagohediya ta siboidimo 'oidiya sihehesilaladi, sigwaeya, “Yesu bewa togidega ta Yehoba 'oina 'ihohopa'ala? Weyahina geya 'aigeda taiya sowasowahina ma tomota 'idi puiyao 'inuwasamudi, beno tuwa Yehoba sowasowahina.”

Luke 2:34

Coinega Simioni 'igwae helauwediya, ta 'igwae Meli 'oina, tauna Yesu sinana, ma 'igwaeya, “Cu'ita gwama bewa Yehoba 'ihesinuweya ma 'oinega 'abwa meIsileli tupwana baibaiwadi 'i'abihe be'udi, ma tupwana baibaiwadi 'i'abihe toholodi, ma tauna tuwa 'abwa 'ihe'ila'ilala tomota 'oidiya, ma tupwadi si'ahwa 'abo'abowe,

Madiu 22:15

Ma Palisiyao siboidimo si'eto'autama, ta siloina togidega ma hesilalega si'abowe, ma Yesu 'ina pui siloba.

Madiu 21:46

Coinega 'idi nuwatuhu si'ebe'ebese ma 'abehega Yesu si'abiyahi, ma hesi geya sawasawahina ma si'abiyahi, weyahina boda simatautediya, weyahina bodaedi Yesu si'ahwa palopitaeya.

Madiu 21:23

Coinega Hada He'asisi 'oina 'iluhu ta 'ihe'ihe'ita, ma topwaoli madoudi ma babadao sinaoma ma Yesu sihesilaleya, sigwaeya, “Loheya, taiya 'ina loinega ta bewa gide 'upaipaihowa 'ese?”

Madiu 15:2

“To'aha weyahina 'a tomuliyao 'eguma muliya 'abwa 'ai geya nimadi sida buyoya, beno tubudao 'idi loina siligeligehi?”

Madiu 12:24

Ma hesi Palisiyao paihowa bewa wasana sihesagoheya ma sigwae, “Geya, ma hesi welabanao 'iyadi sanina Tomudulele 'ina waiwaiyega hi'ahi'a 'iula latuhediya.”

Madiu 11:19

Ma taugu Loheyaiguina yanaoma ma ya'ai'ai ma yanumanuma, ma wete weyahigu walolomugi, wagwaegwae, ‘Loheyaina to'ai ma tonuma hedahedade, ma topui takesi 'ana to'ewao ma topui baibaiwadi 'ihe'iya'iyaguwedi.’ “Ma taudi tosanapu moisa 'abwa 'idi paihowa bwebwe'adi 'oidiyega sanapu moisa 'ilatulatu.”

Yoni 9:40

Ta Palisiyedi Yesu deina sitotoholo 'ina gwaeina sihesagoheya ma sigwae, “Togidega ma tauma 'abehega wete mata gibugibuima, 'awa?”

Yoni 10:20

Nage 'oina tomota baibaiwa hedade sigwae, “Loheya beno hi'ahi'a 'oina 'imiyamiya, 'oinega 'i'abi'abi heyauyaule. Sahena 'ina gwae wahehesagohedi.”

1 Pita 2:23

Ma tutaina si'ahwa galagalaeya geya wete 'oidiya 'ihe'isa, ma wete si'ehemuyeya, geya wete 'igamwasowaledi, ma hesi Yehoba 'ihemiseya moisa, weyahina tauna Toloina dumwadumwaluna.