Ibeliu 12:25 - Loina Nuahuana

²⁵ Coinega wa'ita yahigomi ma tauna galewega 'igwaegwae 'oida sahena 'enana walologwahate. Weyahina mwalo tomota tupwadi bale'uwa Mosese 'ina lohatoto 'oidiya silogwahateya, ta mwau silobeya. Ma bewa sauga Yehoba galewega 'ilologuguya 'oida, ta 'eguma 'enana talogwahate mwau madou hedade taloba.

Ibeliu 12:25 Referans Kwoze

Ibeliu 8:5

Ma 'idi 'ebe pwaoliina Hada He'asisi 'alona, Yelusalema 'oina. Ma Hada He'asisiina 'ebe'ita bo ma'ama'ayau tuwa, ta hesi Hada He'asisi moisana galewa 'imiyamiya. Weyahina mwalohene Mosese geya Hada He'asisi nugenugetana 'i'abiya ta muliyetega Yehoba 'ihenuwa laguweya 'igwaeya, “Mosese, 'unuwatuhuyahi hadaina 'ana 'ita mabwaiyana yahe'ita pwaigowa 'oyai, mabwaiyana 'uhe'au'aunawe, ta 'igu Hada He'asisiina 'u'abi.”

Ibeliu 11:7

Nowa wete Yehoba 'ihe'iteya 'abehega to'aha 'abwa 'ilatu 'oidiya, 'oinega Nowaina 'imatauta ma 'ina hemisega 'ina waga sanina 'aki 'igoheya, 'itagiya, ta tauna ma'ina susuwao 'i'abihetediya. Nage 'oina 'ihe'itaeya 'abehega tomota mabwaiyadi togala, ma tauna loheya dumwaluna 'ina hemisa weyahina.

Madiu 8:4

Coinega Yesu 'ihegwaeya, “Cutauya ma sahena 'eta taiya 'oina 'uhehepwailegau, ma hesi dumwadumwaluna 'utauya topwaoli 'oina ma 'i'itago, ma 'oinega 'upwaoli Yehoba 'oina to'aha gide 'ada loina Mosese 'oinega, ma tomota sisanapugo 'abehega 'ubwebwe'ana pwaiya.”

2 Timoti 4:4

Ma he'ita hagadi 'adi muliya 'oidiyega he'ita moisa si'ebesine.

1 Tesalonaika 5:15

Wa'itayahigomi, sahena 'eta 'oimiyega galana 'ihehemaise galana 'oinega, ma hesi tuta mabwaiyana wahelau hilegomi ma wa'abihetena ma wete tomota hagadi wa'abihetedi.

Paihowa 7:35

“Moisa, Moseseina mwalo silogwahateya, sigwaeya, 'Cowa hene taiya ma 'utoho ma 'uhetoloina 'oima?” Ma hesi tauna Yehoba 'ihesinuweya ma 'abehega 'iloinedi, ma wete 'ilemedi, anelose 'ina lemega, tutaina 'aiwe 'ala'alata 'oina 'ilatuwa 'oina.

Ibeliu 3:17

Taudi weteyage bolime poti 'oidiya 'idi mumuga galadi weyahidi Yehoba 'i'ala'i'iwasa, 'oinega togalaedi yoho 'awawa si'ama'amasa hegumwala.

Madiu 17:5

Pita 'ina gwae 'abwa geya 'ilosalohi ma yaloyaloha 'asilalana 'i'ahuhe taluhidiya, ma yaloyaloha 'oinega 'enana 'aigeda sihesagoheya, 'igwae, “Bewa Natugu bwebwe'ana hedade, tauna weyahina yayaliyaya madouna, 'oinega 'ina gwaeyao wahesagohedi.”

Heꞌitaꞌita 22:9

Coinega tauna 'ihegwaegauwa, 'igwaeya, “Geya'abwa gide, weyahina taugu topaihowa tuwa gide 'owa, ma tasidao taudi palopitao, ta wete taudi buki bewa 'ana tohematamatanao. Ma hesi Yehoba 'iboi namo 'oina 'u'etuluha.”

Heꞌitaꞌita 19:10

Ma 'ahena yabe'u talutalubu'iya ta ya'e'etuluha 'oina, ma 'oinega 'igwaeya, “Geya'abwa gide. Taugu tuwa Yesu 'ina topaihowa 'owa gide, ma wete gide tasimwao taudi Yesu 'ana tohepwailao. Yehoba hesi 'oina 'u'etuluha.” Weyahina Yesu 'ana tohepwailao 'adi lotohona gide palopitao 'adi lotohona Yehoba yaluyaluwana 'oinega.

1 Pita 1:22

Coinega 'eda dumwadumwaluna wamuliya bwaibwainiya, beno 'oinega 'imi 'ehauhila walobeya, ma wete taudi 'iyamiyao wahelauwedi 'atemi mabwaiyana 'oinega, eeta sowasowana 'omi wete wahelau hilegomi 'aigeda 'aigeda, helau moisa 'oinega.

Ibeliu 1:1

Mwalohene hali tuta ma hali tuta 'oidiya, ta nuwatuhu baibaiwana 'oidiyega Yehoba 'ina gwae palopitao 'i'ebwaediya, ta taudi sihepwaileya tubudao 'oidiya.

Ibeliu 3:12

Ciyagwao, wa'itayahigomi ma sahena wadebadeba pa'ala nuwana walolopui, 'amuge ta Yehoba mayawasina wamiyasine.

Ibeliu 12:19

ma yoguli 'enana ma wete loheya 'enana 'oyaina 'oina, 'oinega meIsileli simatauta madouna, ta si'ahwa'ahwanoi ta 'abehega sahena 'enanaina sihehesagoha hila,