Ibeliu 12:23 - Loina Nuahuana

²³ ma wete wanaoma tomotaedi Yehoba 'i'ahwa natunediya, ta sanidiyao galewa 'ilelediya 'oidiya, ma wete tauna tauda ta ginaula mabwaiyana 'ada Toloina, beno Yehoba 'oina, ma wete taudi yaluyaluwadi Yehoba 'i'abihe dumwaludiya 'oidiya,

Ibeliu 12:23 Referans Kwoze

Yemesa 1:18

Hesi tauna 'ina nuwatuhuwega, ta wete 'ina gwae moisa 'oinega 'ipaihowa nugetegita ma 'abehega tauda 'ana paipaihowao 'oidiyega tahemadou sinediya.

Ibeliu 11:40

ma 'iyamo 'ebe yaliyaya tauda weyahida Yehoba 'ihepwaila nugeteya, 'abehega taudi ba'idadao 'abwa tamiya bwebwe'ana.

Luke 10:20

Ta wete 'ihegwaediya, “Moisa 'imi paihowa hi'ahi'a 'oidiya waiwaina, ta weyahina wayaliyaya, ma beno geya ginaula madouna, ma hesi 'imi 'ebeyaliyaya madouna 'eguma sanimi galewa silele pwaidiya.”

Heꞌitaꞌita 14:4

Ma taudi loheloheyaedi geya sipui wahiwahine mahetediyao 'idi tuta sedasedega ma 'itautauya, ma hesi lami simuliya bwaibwaini 'eguma ta'eha 'itauya. Taudi Yehoba 'igimwane nugetediya tomota 'oidiyega, beno Yehoba ma lami 'idi 'etahi nugenugetana.

Heꞌitaꞌita 20:15

Ma 'eguma taiyewedi geya sanidi 'ilobaloba yawasida bukina 'oina 'iuledi 'asa 'ala'alata 'oina.

Ibeliu 9:27

Tomota tauda 'ada loina 'imiyamiya 'abehega ma'aigeda ta'amasa ta muliyetega bwa'omatana.

Heꞌitaꞌita 13:8

Ma mebale'u mabwaiyadi 'abwa 'oina si'etuluha, beno taudi 'eguma geya sanidi simiyamiya yawasi bukiina 'alona, bukina lamiina silohe'amasiya 'ina buki. Buki bewa 'alona taudi sanidi mwalo hene 'ilele nugetediya, eema muliyetega bale'u 'ihemasaleheya.

1 Pita 2:23

Ma tutaina si'ahwa galagalaeya geya wete 'oidiya 'ihe'isa, ma wete si'ehemuyeya, geya wete 'igamwasowaledi, ma hesi Yehoba 'ihemiseya moisa, weyahina tauna Toloina dumwadumwaluna.

Ibeliu 11:4

Coinega Ebeli wete ma'ina hemisa 'ipwaoli Yehoba 'oina, 'oinega 'ina pwaoliina Keni 'ina pwaoli 'ibwebwe'ana sineya, ta Yehoba 'iyaliyaya Ebeli 'ina pwaoli weyahina ta 'i'ahwa dumwaluweya. Ebeliina bale'u 'i'ebesine pwaiya, ma hesi 'ina hemisega 'oida 'ihehe'ita.

1 Timoti 3:5

Ceguma loheya geya natunao 'iloina hedumwaludi, tauna geya sawasawahina ma Yehoba 'ina tohekalesiyao 'iloina hedumwaludi, 'awa?

Pilipai 4:3

Cowa wete tohanugeta, 'owa 'iyagu moisa ya'ahwanoi 'oiuwa ma wahiwahineyedi 'ulemedi, weyahina mwalo taudi mahetegwao 'apaihowa mahemahetena, wasa bwebwe'ana 'ana hepwaila 'oina, ta wete Kelemeniti ma tupwadi wete 'agu tolemao mahetemayao 'apaihowa, taudi sanidi yawasi bukiina 'alona leleleina.

Epeso 1:22

Weyahina Yehoba Keliso 'ina 'ebeloina 'i'ebwaeya ginaula mabwaiyadi 'abehega 'iloinaedi, ma tohekalesiyao tauda wete mabwaiyada 'iloiloina 'oida,

Paihowa 20:28

“Coinega tohanugetao 'omi waboi wa'itayahigomi, ta 'imi sipiyao wete wa'itayahidi, weyahina Yaluyaluwa Tabuna 'imi paihowaina 'i'ebwaegomiya ma tohekalesiyao walomata yahidi, weyahina 'ida Bada Yesu tomotaiyedi taudi bweyahinega 'igimwanediya.

Yoni 5:27

ma wete heyatalaina 'ana loina 'i'ebwaegauwa ma taugu heyatala yapaihowadi, taugu tuwa Loheyaiguina moisa.

Kolose 1:24

Coinega sauga bewa 'agu muya yalobaloba 'omi weyahimi, ma tuwa ma'igu yaliyaya. Taugu wahigu 'ina muya ma Keliso 'ina muya 'ilohegogoneya ta 'imadouwa, tohekalesiyao weyahidi, beno taudi Keliso wahina.

Kolose 1:12

waloyauwedo Tamadai 'oina, weyahina tauna 'ina tagwalega tupwa 'asi'asilalaina 'oina tamiyamiya, 'ina tomotaiyao ba'idadao.

2 Kolinita 5:8

Coinega ta'ate'atepatu, ma nuwanuwada ta'amasa ta wahida ta'ebesinedi, ma Bada 'ina tupwa talatu.

1 Kolinita 15:54

Ma 'abwa tuta nage 'oina Buki He'asisi 'ana 'ahwa moisa 'ilatu, beno 'igwaeya, “Tauna 'abwa 'ihewaiwai moisa ma 'amasa 'igumwala.

1 Kolinita 13:12

Bewa tuwa 'ida sanapu geya madouna, gide 'alu'aluwa nuwana 'ainuwadawada gidemusa, ma hesi 'abwa 'ana moisa 'ida hapwesa 'oida. Ma taugu sanapu tupwana tuwa yasanapuya, hesi 'abwa mabwaiyana yasanapu, gidemusa bewa tuwa Yehoba 'isanapu bwaibwainigauwa.

Ibeliu 2:12

weyahina 'ina gwae tamana 'oina, 'igwaeya, “Saniu nata yahepwaile tasigwao 'oidiya, ma 'eto'auta 'alona yahepwatuwego.”

Heꞌitaꞌita 6:9

Ma wete lamiina losipwa henimana 'ilihasiya, ta Yehoba 'ina 'ebepwaoli gabulena 'ana tohepwailao yaluyaluwadi ya'itediya, taudi mwalo bale'uwa Yehoba 'ina gwae 'ana tohepwailao bwebwe'adi, bewa tauna weyahina tomota silo'alehediya ta silohe'amasidiya.

Heꞌitaꞌita 6:11

Coinega yaluyaluwaedi 'adi 'ale'o wa'ewa'e'edi 'i'ebwaediya, ta 'ihegwaediya ma tuta 'i'iunamo si'aiyawasi, 'ana siga tupwadi wete 'iyadiyao mebale'u silohe'amasidi, gide tuwa mwalo taudi silohe'amasidiya Yehoba 'ina paihowa weyahina, ma 'eguma 'adi hasihasila sawasawahina, 'oinega Yehoba mebale'u tolohe'amasaedi 'iloinaedi.