Ibeliu 12:22 - Loina Nuahuana

²² Ta 'omi hesiyage wanao pwaima Saiyoni 'oyana 'oina, beno Yehoba tauna mayawasina 'ina 'asa, Yelusalemaina galewa 'oina, aneloseyao baibaiwa hedade simiyamiya ta siyaliyaliyaya gide guyai 'oina,

Ibeliu 12:22 Referans Kwoze

Pilipai 3:20

Ma tauda hesi 'ida tupwa galewa, eema nage 'oinega 'ada To'abihetena, tauna 'ida Bada Yesu Keliso, 'abwa 'ihilama, ta tauna weyahina tayamwayamwa.

Galetiya 4:26

Ma hesi tauda geya paipaida, eeta 'ida 'asa Yelusalema galewa, gide sinadai 'ihenatunegita Yehoba 'ina gwae hemisa 'oinega.

Heꞌitaꞌita 14:1

Ma ya'e'ebubuna, ta lami ya'iteya 'oya Saiyoni debana 'itotoholo, ma wete tomota 144 tausani ma'iyanao simiyamiya, taudi beno sanina ma wete Tamana sanina debadiya silelediya.

Heꞌitaꞌita 21:2

Ma 'asa 'asi'asilalana ya'iteya tauna Yelusalema hauhauna galewega 'isulusuluma Yehoba 'oinega, 'ihepaseya gide tohai mewahinena 'ipasa ma mwanena ba'idana sihelobaloba.

Heꞌitaꞌita 22:19

Ta wete geya'abwa 'aigeda gwae buki bewa 'oinega wa'ewa'ewa yahule, 'amuge Yehoba wete 'ami heguheguyai yawasi 'aiwena 'oinega 'i'ewa yahule, ma wete 'imi 'ebemiya 'asaina 'asi'asilalana 'alona, ta ginaula baibaiwadi bwebwe'adi buki bewa 'oina 'ihepwailediya, 'oimiyega 'i'ewa yahuledi.

Heꞌitaꞌita 3:12

Ma 'eguma 'oimiyega taiya 'ihewaiwai, yaloinae ma 'ihelogidi Yehoba 'ina Hada He'asisi weyahina, ma geya'abwa wete 'i'ebe'ebesine, ma 'oimiya Yehoba sanina 'abwa yalele, ma wete Yehoba 'ina 'asa sanina yalele, beno Yelusalema hauhaunaina, 'abwa galewega 'isuluma 'igu Yehoba 'oinega. Ma wete 'oimiya sanigu hauhauna yalele.

Ibeliu 13:14

Weyahina 'ebwa bale'uwa geya 'aigeda 'ida 'asa miyamiya hatayana, 'oinega 'ilobwainegita ma 'asa miyamiya hatayana tuta 'inaonaoma weyahina ta'ebese.

Ibeliu 11:10

Ma hesi Ebalahamo 'inuwatuhu yahiya 'abehega 'asaina 'ana wahuwahu pa'alina 'oina 'iluhu, beno Yehoba tauna 'ina nuwatuhu gide ma 'i'abiya.

Heꞌitaꞌita 21:10

Ta Yaluyaluwa Tabuna 'itoegauwa 'oya saliyana tabwanina, ma 'asa 'ausalana 'ihe'itegauwa, sanina Yelusalema, galewega 'isulusuluma Yehoba 'oinega.

Heꞌitaꞌita 7:2

weyahina Yehoba 'ina tagwala ma 'abehega yaumaiyedi bale'u ta hola sisuba hegaladi. Coinega anelose wete 'aigeda ya'iteya sinala 'ina 'ebe saehaneyega 'inaonaoma, ma ma'ina 'ebe lagu 'ila'ilala, gide basilili, ma 'abehega Yehoba miyamiya hatayaina 'ana 'ila'ilalaina 'ilagu tomota debadiya. Aneloseina 'ibwau anelose 'ehataedi 'oidiya,

Yude 1:14

Mwalohene Inoke togalaedi weyahidi 'iloguguya, ma Inokeina 'eguma yasoyao tahasilidi Adama 'oinega ma 'itauya yaso sikisi sigumwala, ma yaso hesebenina beno Inoke 'ina yaso. Eeta Inokeina 'ina loguguya 'oina 'igwaeya, “Wa'ita! Bada 'ina aneloseyao 'asi'asilalaidi ma mabwaiyadi mahetenao sinaonaoma,

Ibeliu 10:31

Sowasowana Yehobaina mayawasina tamataute 'amuge 'iloinaegita.

Ibeliu 9:14

Ta hesi Keliso bweyahina 'ebe 'abihe'ehau bwebwe'ana hedade, weyahina 'ateda 'i'abihe'ehaudi ma 'oinega paihowa besobeso talogwahatedi, ta Yehobaina mayawasina 'ina paihowao tapaihowadi. Weyahina Yaluyaluwa Tabuna miyamiya hatayana Keliso 'i'abihe waiwaiya, ta tauna ma'ina mumuga mabwaiyana dumwaluna ta geya 'aigeda wete galana 'oina, 'oinega tauna 'ipwaoliyeya Yehoba 'oina, beno 'i'amasa tauda 'ada 'ehau weyahina.

Ibeliu 3:12

Ciyagwao, wa'itayahigomi ma sahena wadebadeba pa'ala nuwana walolopui, 'amuge ta Yehoba mayawasina wamiyasine.

1 Tesalonaika 1:9

weyahina taudi 'oima sihegwaegwaeya, 'omi 'imi tagwala mwalo 'oima weyahina, 'abehega 'imi 'ebe hemisaedi miyamiyaidi walogwahatediya, ma Yehoba 'iboi 'oina watagwalegomiya, weyahina tauna tuwa 'iboi Yehoba moisa ma mayawasina, 'oinega tauna weyahina wapaipaihowa,

Loma 11:26

Ma 'ane meIsileli mabwaiyadi 'abihetena 'abwa siloba. Weyahina Yehoba 'ina buki 'oina 'ihepwaila, 'igwaeya, “To'abihetenaina, gwama Saiyoni, 'abwa 'ilatuma, ma susu Yakobo 'idi puiyedi 'i'ewayahuledi.

Loma 9:26

Mwalo Yehoba 'ihegwaediya, 'igwaeya, ‘Comi geya 'igu bodao’, nata bewa sibuihila ta sibwauwedi, sigwae, ‘Taudi Yehoba miyamiya hatayana natunao.’”

Madiu 5:35

Sahena bale'u weyahina wa'e'eta'wata'walulu, weyahina 'ahena 'ana 'ebelagu, wete sahena Yelusalema weyahina wa'e'eta'wata'walulu, weyahina toloina madouna 'ina 'asa.

Madiu 16:16

Coinega Saimoni Pita 'ihemaiseya 'igwae. “Cowa To'abihetena, Yehoba mayawasina Natuna.”

Epeso 2:19

Comi mwalo taumanao wamiyawasiya, ma sauga bewa hesi wahetoni'asa pwaiya Yehoba 'ina bodao mahetemiyao, ta waheboda 'aigeda Yehoba 'ina susu 'oina.

2 Timoti 4:18

Mwauwedi 'oidiyega Cinapwanaina nata 'i'abihetegau ma 'ina 'ebeloina galewa 'oina yaluhu, 'oinega tada hepwatuwe hataya. Emeni.

Ibeliu 11:16

ma hesi geya sihila, weyahina nuwanuwadi 'asa bwebwe'ana hedade, beno galewa. Coinega geya'abwa Yehoba 'imwadi mwadinedi, ta hesi 'abehega tauna 'idi Yehoba, ta 'idi 'asa 'ihemasaleheya.