Ibeliu 12:15 - Loina Nuahuana

¹⁵ Wa'itayahigomi 'amuge nata 'oimiyega taiya Yehoba 'ina helau geya'abwa 'ilobaloba. Ma sahena 'aigeda taiya 'oimiyega 'ihegaina ma 'imumuga galana, 'amuge ta baibaiwadi simuliye.

Ibeliu 12:15 Referans Kwoze

Ibeliu 3:12

Ciyagwao, wa'itayahigomi ma sahena wadebadeba pa'ala nuwana walolopui, 'amuge ta Yehoba mayawasina wamiyasine.

Galetiya 5:4

ma 'eguma taiya 'owa nuwanuwau ma Mosese 'ina loinao 'adi hematamatana 'oinega 'ahwa bwebwe'ana 'uloba, beno Keliso 'ina helau 'oiuwa 'uhebe'u pwaiya, eeta tauna 'u'ebesineya.

2 Kolinita 6:1

Coinega Yehoba ba'idamai 'apaipaihowa, ta 'oimiya 'a'ahwanoi ma sahena 'ina helau wa'ahwa ginaula bwagabwagae,

2 Yoni 1:8

Coinega to'abowedi 'oidiyega wa'itayahigomi, ma 'imi paihowa 'ana maisa geya'abwa wauleule, ma hesi mabwaiyana wa'ewa.

1 Kolinita 15:33

Ta hesi gwaeyedi beno 'abo tuwa, 'oinega sahena 'oidiyega si'abowegomi, tabu ta mumugadi galana wahe'au'aunaowedi.

2 Pita 3:14

Ciyagwao, 'imi yamwana 'ana tuta watoho waiwai eeta 'eguma 'itauyama 'ilobwainegomiya ma 'imi mumuga bwebwe'ana mabwaiyana, ma nuwadaumwalega wamiyamiya.

Ibeliu 4:1

Cina gwae hemisaina 'abwa 'imiyamiya 'abehega 'ina 'ebe 'aiyawasi tauna 'oinega taloba, eeta 'ilobwainegita ma tamatauta 'amuge ta tupwami wabe'u ma sahena walobaloba.

1 Kolinita 5:6

Ma sahena wanuwanuwahane, ma hesi wanuwatuhuyahi 'abehega 'eguma puiina muhemuhena 'oimiya 'imiyamiya nata mabwaiyami 'i'abihe galegomi.

Ibeliu 4:11

Ma 'ilobwainegita ma tatoho waiwai 'abehega 'ebe 'aiyawasiina taloba, ma sahena 'aigeda taiya 'ilologwahata, 'amuge ta 'ibe'u, taudi gide mwalo sibe'u 'esa.

2 Kolinita 13:5

Coinega waboi watohogemi, togidega Keliso 'ana hemisa wa'abiyahiya, bo geya. Togidega, wasanapuya 'abehega Keliso 'atemiya 'imiyamiya, ma 'eguma geya, beno weyahina geya 'imi hemisamo.

1 Kolinita 10:12

Ceguma taiya 'owa 'unuwatuhuya 'abehega ma'ino waiwai 'utotoholo, 'u'itayahigo ma sahena 'uwe'awe'a.

Ibeliu 6:11

Coinega nuwanuwagu ma 'omi 'aigeda 'aigeda wahetapewa ta 'abehega 'abwa muliyetega 'imi hemisa huwaina mabwaiyana waloba.

2 Pita 2:18

Tohe'itaowedi 'idi mumuga galadi ma'idi gwae gagasa sihe'ote'oteli, ma wete nuwa'ubuna galadi 'oidiyega tonuwabui hauhau silisidi ma sihila 'idi mumuga nugenugetana 'oina.

Kolose 3:5

Coinega gogo gabulena mumugana 'oimiya walohe'amasidi, beno logwali, pui, ma henuhenuwa galadi ma hewasawasa, beno hali 'ebehemisao 'adi tuluha.

Epeso 5:3

Comi Yehoba 'ana tohemisao, 'oinega 'ilobwaineya pui ma ganawala ma wasawasa 'ana hamwa wa'ebesinedi, ma geya'abwa weyahidi to'aha 'eta wagwaegwaene.

Galetiya 2:13

Coinega meYudiya baibaiwadi wete si'abowa, ta Banaba wete 'idi 'aboina 'imuliyeya, beno 'abehega tohekalesiyao taudi 'asa ganamuli 'oidiyega geya'abwa sida 'ai'ai mahetediyao.

1 Kolinita 13:8

Helau sahena 'igumwagumwala, ta hesi taudi Yehoba 'ina palopitao 'abwa 'idi hepwailao sigumwala. Wete taudi hali 'enana ma hali 'enana 'oidiyega sigwaegwae, 'abwa 'enadiyedi sigumwala. Ma tosanapuwao 'abwa 'idi sanapu sisawala.

2 Pita 3:11

Ceguma ginaulaedi mabwaiyana 'abwa sisawala, 'ilobwaineya ma'imi mumuga 'ehauna ma ma'imi he'asisi Yehoba 'oina wapaihowa.

2 Pita 1:10

Coinega 'iyagwao, watoho waiwai ma geya'abwa Yehoba 'ana hesihesinuwao bodaedi 'oidiyega wamiyamiya latu. Ma 'eguma 'igu gwae bewa wahematamatanedi geya'abwa wabe'ube'u,

Luke 22:32

ma sahena 'ebetohoina 'oina 'uwe'awe'a, weyahina weyahiu ya'ahwanoi waiwaiya 'ino toholo pa'ala weyahina. Coinega 'eguma to tuta ma 'unuwahilama 'eda 'ausalana 'oina, tasimwao wete 'u'abihe waiwaiyedi.”

Taito 1:15

Taudi mumugadi 'ehauna 'oidiya ginaula mabwaiyana 'ehauna, ma hesi taudi wasa bwebwe'ana 'ana tolowahi'wata, ma mumugadi galadi, taudi 'oidiya geya 'eta to'aha 'ehauna, weyahina 'idi nuwatuhu galadi mabwaiyadi.