Ibeliu 12:14 - Loina Nuahuana

¹⁴ Watoho waiwai ma wamiya daumwala tomota ba'idamiyao, ta wete watoho ma 'imi mumuga 'ibwebwe'ana mabwaiyana, weyahina 'eguma taiya geya 'ina mumuga bwebwe'ana geya'abwa Bada 'i'ita'ita.

Ibeliu 12:14 Referans Kwoze

2 Kolinita 7:1

Ciyagwao, Yehoba 'ina gwae hemisaedi tahesagohediya, 'oinega wahida ma yaluyaluwada ta'abihe 'asilaladi ginaula bi'ibi'idi 'oidiyega, ma tahe'ehau moisa ta ma'ida he'asisi Yehoba 'oina.

1 Tesalonaika 4:7

Weyahina Yehoba 'ihesinuwegita geya mumuga galana weyahina, ma hesi mumuga 'ehauna weyahina.

1 Pita 3:11

Wete paihowa galadi 'ilogwahatedi ma 'ipaihowa bwebwe'ana hali tomota 'oidiya, ma wete 'ihetapewa waiwai nuwadaumwala weyahina.

Loma 12:18

Eema wete watoho waiwai ma mumuga bwebwe'ana 'oinega tomota mabwaiyadi mahetemiyao wamiya daumwala.

Loma 14:19

Eeta tatoho ma tamiya daumwala eema 'ane tahe'abi 'abihetena mahetedao.

1 Tesalonaika 3:13

Ma 'ane 'abwa tutaina 'ida Bada Yesu, ma 'ana tohemisao silatuma, 'omi ma'imi waiwai ta nuwami 'ehaudi, Tamada Yehoba matana watoholo.

Loma 6:22

Eeta bewa tutaina pui 'ina loina 'oimiyega 'igumwala, ta 'omi bewa tutaina Yehoba 'ina topaihowao. Coinega maisa bwebwe'ana walobeya, beno mumuga bwebwe'ana ma muliyetega yawasimi miyamiya hatayana.

3 Yoni 1:11

Ciyagu, geya'abwa mumuga galana 'umulimuliye, ma mumuga 'ausalana hesi. Tobwebwe'anao taudi Yehoba 'ina bodao, ma topuiyao geya Yehoba sida sanapuya.

Epeso 5:5

Moisa, togalaedi geya'abwa wete silugulugu Keliso ma Yehoba 'idi 'ebeloina 'oina taudi gidemusa topuiyao bo tosogala bo tobwatobwa 'adi tohamwao, weyahina tobwatobwa 'ana hamwa 'ana sanapu 'abehega 'ida hemisa talagu tobwatobwa 'oina, ma geya Yehoba 'oina.

Ibeliu 12:10

Weyahina tamadao bale'uwa taudimo 'idi nuwatuhu 'oidiyega sisapisapigita ma si'abi'abi hedumwalugita tuta to'uto'upanamo weyahina, ma hesi Yehoba 'isapisapigita 'ada lema weyahina ma 'abehega 'i'abihe 'ehaugita ma tada mumuga 'ausalana, tauna 'ina mumuga gide.

1 Timoti 6:11

Timoti, 'owa hesi Yehoba 'ina topaihowa, 'oinega bewa mumugaina 'oinega 'u'itayahigo, ma mumuga dumwaluna 'umuliye, bewa gide 'eda'eda bwebwe'ana ma hemisa ma helau ma 'alama'i'ita ma wete hohobiga.

1 Pita 3:13

Moisa tuwa, geya sawasawahina 'eta taiya 'i'ehemuyegomi, 'eguma ginaula bwebwe'ana nuwami 'i'ewa'ewa, ma tuta mabwaiyana 'oina wapaipaihowa.

Maki 9:50

Hola ginaula bwebwe'ana, ma 'eguma 'ana 'amna 'igumwala geya sawasawahina ma 'i'amna hila. Coinega 'ilobwainegomiya ma mumugami waboi walotoho, 'ana lotohona gidemusa wahehelau hilegomi.”

2 Pita 3:11

Ceguma ginaulaedi mabwaiyana 'abwa sisawala, 'ilobwaineya ma'imi mumuga 'ehauna ma ma'imi he'asisi Yehoba 'oina wapaihowa.

1 Kolinita 1:10

Tasigwao, bewa 'igu lohatoto 'oimiya 'ida Bada Yesu Keliso saninega ma 'abehega wanuwatuhu hegogona ma wagwae hegogona, ma hesi sahena wahehe'ohe'ohe nuwana wawatawatahigomi.

Luke 1:75

ma wete sabwelo 'aigeda 'aigeda 'oidiya ma'ida mumuga bwebwe'ana tadumwalu tauna matana.

2 Timoti 2:22

Coinega hewahewali 'idi henuhenuwa 'ulogwahatedi ma mumuga dumwaluna ta hemisa ta helau ta miya daumwala 'umuliyedi, taudi Yesu si'ahwa badaeya ma'ate 'ehaudi ba'idamwao.

1 Tesalonaika 5:15

Wa'itayahigomi, sahena 'eta 'oimiyega galana 'ihehemaise galana 'oinega, ma hesi tuta mabwaiyana wahelau hilegomi ma wa'abihetena ma wete tomota hagadi wa'abihetedi.

2 Pita 3:18

Ma hesi 'ida Bada, tauna 'ada To'abihetena Yesu Keliso, 'ana sanapu ma 'ina helau 'oimiya 'imadomadou, ma tauna tahepwatu sauga bewa ta sauga baibaiwana sinaonaoma 'oidiya. Emeni. Taugu Saimoni Pita.

Pilipai 3:12

Geya 'abehega toholo hila yalobeya, geya wete 'igu mumuga mabwaiyana sibwebwe'ana, ta hesi bewa 'igu 'ebe masiina, ma 'abehega ya'abiyahi, weyahina nuwatuhu bewa weyahina Yesu Keliso 'i'abiyahi pwaigauwa.

2 Kolinita 6:17

Coinega Yehoba wete 'igwaeya, ‘Hali boda 'oidiyega walatu ma wa'ebesinedi, ma sahena ginaula bi'ibi'idi wa'abi'abitohodi, ma yatoegomi 'igu tupwa,

1 Kolinita 13:12

Bewa tuwa 'ida sanapu geya madouna, gide 'alu'aluwa nuwana 'ainuwadawada gidemusa, ma hesi 'abwa 'ana moisa 'ida hapwesa 'oida. Ma taugu sanapu tupwana tuwa yasanapuya, hesi 'abwa mabwaiyana yasanapu, gidemusa bewa tuwa Yehoba 'isanapu bwaibwainigauwa.

Galetiya 3:21

Geya'abwa wanuwanuwatuhu 'abehega Mosese 'ina loina 'ilo'aleheya Yehoba 'ina gwae hemisa. Geya. Weyahina geya 'eta wete loina sawasawahina ma yawasida 'i'ebwaegita, bo 'ida mumugao 'ida 'abihe bwebwe'anedi. Geya.

Ibeliu 9:28

Wete gide Keliso 'ina 'amasega tauna 'ipwaoliyeya ma'aigedamo tuwa, ma baibaiwada mumugada galadi 'i'ewa yahulediya, ma 'abwa 'ihilama, ma geya 'abehega mumuga galadi 'i'ewayahule hiladi, ta hesi sabi 'abihetegita, 'eguma ma'ida nuwa'ewa tayamwayamwa.