Ibeliu 11:26 - Loina Nuahuana

²⁶ Weyahina geya nuwana wasawasa bale'uwedi Itipita 'alona, ma hesi muyamuya Keliso weyahina 'ihesinuweya, weyahina 'isanapuya 'abehega 'abwa maisa bwebwe'ana 'iloba.

Ibeliu 11:26 Referans Kwoze

Ibeliu 11:6

Moisa, 'eguma sahena tahehemisa Yehoba 'oina, geya'abwa weyahida 'iyaliyaliyaya. Ceguma nuwanuwada ma Yehoba 'oina tatauya, tahemisa nugeta 'abehega Yehobaina 'imiyamiya, ta 'ana to'ebesao 'adi tohelau tauna, ma muliyetega tatauya 'oina.

Ibeliu 10:35

Coinega 'imi hemisaina wa'abiyahi momosi ma sahena walologwahate, weyahina 'abwa 'imi hemisaina 'ana maisa 'ausala hedade waloba.

Heꞌitaꞌita 3:18

Eeta yahenuwa laguwegomi ma 'oiguwega goula moisa wagimwane ma 'ane wahewasawasa, ma wete 'ale'o wa'ewa'e'edi wagimwanedi, ma wa'otedi. Geya'abwa mabubugewami watautauya. Wete mulamula wagimwane ma matamiya walagu, ma matami 'ilotayahala.

1 Pita 4:14

Ma 'eguma tomota si'ahwa galagalaegomi 'imi hemisa Keliso 'oina weyahina, wayaliyaya tuwa, weyahina Yehoba yaluyaluwana 'asi'asilalaina 'oimiya 'imiyamiya.

Ibeliu 2:2

Mwalo aneloseyao Yehoba 'ina gwae sihepwaileya tomota 'oidiya, ma gwaeina gwae moisa, 'eguma tomota geya sida muliyediya, beno 'idi pui, ta 'ana maisa silobeya.

2 Kolinita 6:10

Tauma ma'ima nuwagala ma hesi 'atema 'ayaliyaliyaya. Tauma gide wewelohe, ma hesi wasawasa 'aheheguyai tomota baibaiwadi 'oidiya. Geya wete 'ima tobwatobwamo ma hesiyage ginaula mabwaiyana 'oima simiyamiya.

Luke 14:14

ma 'oinega 'ahwa bwebwe'ana moisa 'uloba, weyahina bewa taudi geya sowasowahidi ma 'ino helauina sihemaisa. Ma hesi Yehoba 'oinega 'a maisa 'uloba, tutaina 'eguma tobwebwe'adi 'amasega 'i'abihe toholodi.”

Madiu 5:12

Moisa 'ilobwainegomiya ma wayaliyaya madouna, weyahina 'abwa 'ami maisa bwebwe'ana galewa waloba. Ma 'omi gide Yehoba 'ina palopitao mwalo. Weyahina taudi wete 'idi miya mwau silobeya tomota 'oidiyega.

Epeso 3:8

Ma taugu gide wewelohe tohekalesiyao 'alodiya, ma tuwa 'ina helauwega paihowa bewa 'i'ebwaegauwa, 'omi tomiya ganamuli 'oimiya Keliso tetelina yaloguguyae, ma 'oinega 'ina wasawasa madou hedade wada 'italoba,

2 Kolinita 12:10

Coinega Keliso weyahina yatagwatagwala mwau baibaiwana 'oidiya, gide we'a 'ahwa galagala, tuta mwau, 'aleha, hesilae. Weyahina 'eguma yawe'a bewa 'igu 'ebehewaiwai!

1 Pita 1:11

Ma Keliso Yaluyaluwana 'atediya 'ihe'ita nugetediya 'ina muyao ma 'ina wasawasa muliyetega weyahidi eeta palopitaowedi sanapu si'ebeseya to tuta 'oina ma togidega 'abihetenaina 'ida hapwesa 'esa.

Ibeliu 13:13

Tauda wete sowasowana tatauya 'asa tuluhana Yesu 'oina, ma 'ebe mwadina taloba tauna gide.

Ibeliu 10:33

tutaina tupwana tomota si'abihedeba mwadinegomiya ma si'abihe muyamuyagomiya ta tuta tupwana mwalo 'iyamiyao ba'idamiyao wamuyamuya mahemahetena.

Pilipai 3:7

Ma hesi saniguina madouna ya'ahwa ginaula besobesoweya, weyahina Keliso namo 'oina yatagwalegauwa.

Epeso 1:18

ma wete 'atemiyega ginaulaedi bwebwe'adi weyahidi 'ibwauwegomiya wada sanapudi, ma wahemisa 'abehega 'abwa walobadi, ma wada sanapu wete 'ina heguyai madouna 'ina tomotaiyao tauda 'oida, beno tauna 'ina wasawasa 'oinega,

Paihowa 5:41

Ma silihasidiya ma sihapwesa, ma sitauya taudi 'idi boda 'oidiya ma'idi yaliyaya, weyahina sowasowahidi ma muyaedi silobadi Yesu sanina weyahina.

Madiu 10:41

Ma 'eguma 'owa palopita 'utoe 'ina hepalopita weyahina, 'abwa palopita 'ana maisa 'uloba. Ma 'eguma 'owa loheya 'ausalana 'utoe 'ina mumuga bwebwe'ana weyahina, 'abwa loheya bwebwe'ana 'ana maisa 'uloba.

Madiu 6:1

Wete Yesu 'igwaeya: Ceguma tutaina nuwanuwami ma wahelau taudi towewelohe 'oidiya, sahena tomota matadiya wapaipaihowa. Ceguma gide wapaihowa 'ese, sahena hepwatu nuwana maisa walobaloba Tamamiu galewa 'oinega.

Heꞌitaꞌita 2:9

“Yasanapuya 'atemuyamuyaimi beno 'omi towewelohe, ma hesi wanuwatuhuyahi 'abehega 'omi ma'imi wasawasa ma wete yasanapu pwaiya 'abehega tupwadi Seitani 'ina bodao si'ahwa'ahwa galagalaegomi, ma sigwae 'abehega taudi meYudiya; ma geya. Taudi hesi tuwa Seitani 'ina bodao.

Luke 14:33

Coinega Yesu 'ina hemataluwa 'ilosalohiya, ma 'oidiya 'igwae, “Bewa gide wete 'agu muliya 'ana 'eda. Ceguma taiya 'owa nuwanuwau ma 'umuliyegau, nugeta 'ino 'ebeloina mabwaiyana 'u'ebesinedi.