Ibeliu 11:13 - Loina Nuahuana

¹³ Tomota nugenugetadiyedi ma'idi hemisa, ma hesi si'amasa ta gwae hemisaedi huwaidi geya sida lobeya, ta hesi tuwa bwagebwagega si'iteya ta siloyauwedowa weyahina, ma wete taudimo si'ahwa taumanaediya gide taumana tuwa tupwa bewa bale'u 'oina.

Ibeliu 11:13 Referans Kwoze

Ibeliu 11:27

Coinega 'ina hemisega Itipita 'i'ebesineya, ta geya kini Peloina 'ina gamwasowala 'imataute, ma hesi 'i'atepatuwa 'abehega Yehoba 'i'iteya matana 'imiyamiya.

Yoni 8:56

Tamamiuina Ebalahamo ma'ina yaliyaya ma 'abehega 'igu sabwelo 'i'ita, 'oinega 'igu sabweloina 'i'iteya ma 'iyaliyaya madouna.”

Ibeliu 11:39

Ta tohemisaowedi wasadi bwebwe'ana tahesagoha pwaiya, ma hesi Yehoba 'ina gwae hemisa huwaina moisa geya siloba, tuta nage 'oina,

Epeso 2:19

Comi mwalo taumanao wamiyawasiya, ma sauga bewa hesi wahetoni'asa pwaiya Yehoba 'ina bodao mahetemiyao, ta waheboda 'aigeda Yehoba 'ina susu 'oina.

Loma 8:24

Ma 'abihetenaina hemisega talobaloba, weyahina bewa tuta wahida 'idi 'ehau geya tada lobeya, eeta ma'ida hemisa tayamwayamwa 'ana siga 'ida hemisaina huwaina taloba, ma 'ane 'ida hemisaina 'ilolagu.

1 Pita 2:11

Ciyagwao 'oimiya yahepwaila 'abehega tauda bale'u bewa 'oina tohetautaumana, 'oinega 'imi nuwa'ubunaowedi 'atemiya simiyamiya walogwahatedi, weyahina yaluyaluwami silo'alehedi.

1 Pita 1:17

Cabwa Yehoba 'ina loina 'aigeda dumwadumwaluna 'oinega tomota mabwaiyadi 'iloinaedi, gide 'ida paihowa, bwebwe'ana, bo nuwana galana. Tauna Yehobaina wahesaniyeya Tamamiu 'imi 'ahwanoi 'oidiya, sowasowana wahe'asisiyane tuta mabwaiyana bale'u bewa 'oina wamiyamiya.

Loma 4:21

Weyahina 'isanapuya moisa Yehoba sowasowahina 'ina gwae hemisaedi 'ipaihowadi.

1 Yoni 3:19

Ceguma 'ida paihowega tahelau, bewa 'oina tasanapuya 'abehega he'ita moisa 'oina tamiyamiya, ma geya sowana tamatauta Yehoba matana.

Madiu 13:17

Moisa, ginaula bewa wa'ebubudi ta wahesagohedi mwalo palopitao ma todumwaluwao nuwanuwadi madouna ma si'itadi bo sihesagohedi, ta geya silobadi.

Yoni 12:41

Aiseya gwae bewa 'i'inaneya weyahina Yesu 'ina hewaiwai 'isanapu nugeteya 'oinega weyahina 'ihepwaila nugeta.

2 Kolinita 4:18

Weyahina 'ida 'ebemasi ginaulaedi geya ta'ita'itadi 'oidiya. Moisa, ginauledi ta'ita'itadi sawasawalidi tuwa, ma hesi ginaulaedi geya tada 'itediya taudi ginaula miyamiya hatayadi.

2 Kolinita 5:6

Coinega tuta mabwaiyana 'oidiya ta'ate'atepatu, ma tasanapuya 'abehega 'eguma 'ida hada bale'uwa 'oina tamiyamiya beno geya Bada 'ina tupwa,

Ibeliu 11:14

Moisa, 'eguma ta'ahwa taumanaegita, beno gide tahepwaila latuwe 'abehega 'ida 'asa moisa ta'ebe'ebese.

Ibeliu 11:17

Ebalahamo wete ma'ina hemisa tutaina 'ebetohona 'ilobeya Yehoba 'oinega, 'abehega natuna moisa Aisake 'ipwaoliye Yehoba 'oina. Mwalo Yehoba 'ina gwae hemisao 'i'ebwaeya Ebalahamoina 'oina, ta wete 'igwaeya, “Cabwa Aisake 'oinega 'ino boda 'ilatu,” 'oinega Ebalahamo natunaina 'itagwaleya ma 'ilohe'amasi,

1 Pita 1:1

Taugu Pita, Yesu Keliso 'ana tohepwaila, bewa 'igu leta 'oimiya 'omi Yehoba 'ina tomotaiyao wahetautaumana ma wahe'asa hali tupwa 'oidiya, gide Ponitio ma Galetiya ma Kapadosiya ma Esiya, ma wete Bitiniya 'asaidiyao 'oidiya.