Ibeliu 10:34 - Loina Nuahuana

³⁴ Ta wete tupwadi deliya silagudiya weyahidi wa'atemuyamuya, ta wa'abihetediya. Ta wete tutaina mwalo tomota 'imi tobwatobwao siyagahidiya wayaliyaya moisa, weyahina wasanapuya 'abehega galewa 'imi tobwatobwao 'ausala hedadedi ma miyamiya hatayadi simiyamiya.

Ibeliu 10:34 Referans Kwoze

1 Pita 1:4

Nage 'oina helauwedi 'ilagu bwaibwainidi weyahimi, ma geya'abwa silamilamida bo sigalagala bo sitalatala sawala.

2 Timoti 1:16

Ma Onesipolo hesi geya weyahigu 'ideba mwadina 'igu miyamiya deliya weyahina, ma tauna tuta mabwaiyana 'i'abi'abihetegau, 'oinega 'agu lotohona 'i'abi'abihe bwebwe'ani, 'oinega Yehoba 'oina ya'ahwa'ahwanoi ma 'ane Onesipolo ma 'iyanao 'i'atemuyamuyaedi.

Yemesa 1:2

Tasigwao, tuta sinaonaoma 'oidiya 'eguma 'ebe tohona baibaiwadi ma wete mwaudi walobadi, weyahidi wayaliyaya,

Ibeliu 13:3

Wete 'iyamiyao wanuwatuhu yahidi taudi deliya simiyamiya, ma wa'abihetedi gide tuwa 'omi ba'idamiyao deliya wamiyamiya. Ma wete 'iyamiyao taudi simiya mwauwa wanuwatuhu yahidi ma wa'abihetedi, weyahina 'omi tomota tuwa, gide taudi!

Epeso 6:20

Tetelaina bewa 'ana paihowa weyahina deliya silagu luhuwegauwa, 'oinega wa'ahwanoi Yehoba 'oina ma 'ane tetelaina yada gwae latuhe ma'igu 'atepatu, weyahina bewa gidemusa 'ana lobwaina.

Luke 12:33

“Coinega 'imi tobwatobwao wahegimwaneyedi ma maneyedi waheguyaiyedi towewelohe 'oidiya, ma 'oinega galewa 'imi wasawasa 'imiya hataya. Wasawasaina galewa 'imiyamiya geya wete 'ina 'ebegumwalamo, weyahina geya 'aigeda wete toyagaha tupwaina 'oina, ma wete geya sohusohu.

1 Yoni 3:2

Ciyagwao, bewa tuwa Yehoba 'i'ahwa natunegita ma muliyega to'aha 'ihapwesa 'oida? Beno tuwa tasanapu 'abehega 'ina hilama 'oina 'abwa 'ana 'ita tauna ta'ita, ma tauda 'ada 'ita 'ilagu buidi ma tauna gidemusa.

Ibeliu 11:16

ma hesi geya sihila, weyahina nuwanuwadi 'asa bwebwe'ana hedade, beno galewa. Coinega geya'abwa Yehoba 'imwadi mwadinedi, ta hesi 'abehega tauna 'idi Yehoba, ta 'idi 'asa 'ihemasaleheya.

1 Timoti 6:19

Bewa 'oinega 'adi maisa bwebwe'ana tuta 'inaonaoma 'oina siloba, beno yawasidi moisa.

Kolose 1:5

Weyahina wanuwatuhu yahiya 'abehega 'imi 'ebe yaliyaya 'abwa waloba galewa, gide wasaina moisa mwalo wahesagoheya.

Pilipai 1:7

Moisa tuwa, 'ilobwaineya ma to'aha gidemusa weyahimi yalolotoho, eema nuwagu wete wa'eweya, weyahina 'omi mahetegwao Yehoba 'ilemelemegita bewa tuwa deliya yamiyamiya, ma 'ilemelemegita wete wasa bwebwe'ana 'ana he'ita ma 'ana 'abihewaiwai 'oidiya.

Epeso 4:1

Coinega ya'ahwanoi 'oimiya ma mumugami wa'itayahi, bewa tuwa taugu deliya silagugauwa Badaina 'ina paihowa weyahina, ma 'omi Badaina 'ibwauwegomiya tauna 'ina paihowa weyahina, 'oinega 'ilobwainegomiya ma to'aha 'ina paihowaina 'ana lobwaina wamuliye,

Epeso 3:1

Bewa weyahina taugu Paulo ya'e'etuluha ma ya'ahwa'ahwanoi Yehoba 'oina, tauna 'igu paihowa 'i'ebwaegauwa 'omi tomiya ganamuli 'oimiya, ma bewa tuwa Keliso 'ina paihowa weyahina deliya silagu luhuwegauwa ta yamiyamiya.

Paihowa 21:33

Coinega boda 'aleha 'ana toloinaina 'idobima ma Paulo 'i'abiyahiya, ta 'iloina ma balae seni 'eluwa 'oidiyega sipaiya, ma 'ihesilala boda 'oidiya, 'igwaeya, “Taiya tauna? Ma to'aha 'ipaihoweya?”

Paihowa 5:41

Ma silihasidiya ma sihapwesa, ma sitauya taudi 'idi boda 'oidiya ma'idi yaliyaya, weyahina sowasowahidi ma muyaedi silobadi Yesu sanina weyahina.

Luke 10:42

ma hesi 'aigedamo ginaula madouna weyahina 'unuwatuhu, gidemusa tasiu Meli 'ina hesinuwa. Meli nuwanuwana ma 'igu gwae 'ida hesagohedi, 'oinega geya sowahina 'aigeda taiya 'i'ausi.”

Madiu 19:21

Ta Yesu 'igwaeya, “Ceguma nuwanuwau ma mumugau mabwaiyana bwebwe'ana, 'uhila 'ino 'asa, ma 'ino tobwatobwa mabwaiyadi 'uhegimwaneyedi, ma 'adi maisa 'uheguyaiye towewelohe 'oidiya, ma 'oinega 'unaoma ma 'umuliyegau, ma 'oinega 'abwa wasawasa galewa 'uloba.”

2 Timoti 2:9

Cigu guguyaina weyahina taugu miyamwau bo'i yalobeya 'oinega deliya sipaigauwa, gide 'abwa taugu topui 'aigeda. Ma hesi Yehoba 'ina gwaeina gesowana 'eta taiya 'i'etobode.

2 Kolinita 5:1

Wahida gide 'ida hada bale'uwa, tasanapuya 'eguma 'ilotaligeha, 'ida hada hauhauna taloba galewa, geya tomota nimadiyega sipaipaihowa, ma hesi miyamiya hatayana Yehoba tauna 'oinega.

Paihowa 28:20

Ma hesi taudi 'idi he'ewa 'oiguwa weyahina yabwauwegomiya ma 'ane tahegwaegwae. Moisa tuwa tauda meIsileli tahehemisa 'abehega 'ada lema Yehoba 'oinega 'ilatuma, ta hemisaina bewa weyahina deliya silagugauwa.”

2 Timoti 4:8

Coinega 'abwa 'ida Bada 'agu maisa, mumuga dumwaluna weyahina, 'i'ebwaegau. Ta maisaina weyahigu 'igibubu pwaiya ta 'imiyamiya. Badaina 'ina loina dumwaluna, ma 'eguma to sauga 'ilatuma, tauda ma wete taiyawedi 'ina hilama weyahina siyamwayamwana, mabwaiyada nata 'ada maisa 'i'ebwaegita.

Luke 9:25

Ceguma 'ida wasawasao madou hedada talobadi beno ginaula bwagabwaga, ma hesi ginaula madouna beno yawasida bwebwe'ana. Weyahina 'eguma yawasida bwebwe'ana tahe'waihi, beno mwau hedada.

Ibeliu 9:15

Eeta Kelisoina loina hauhauna 'i'eweyama ta 'oinega tanaoma Yehoba ba'idadai tahe'iya'iyagu, weyahina 'eguma 'ihesinuwegita nata yawasida hataya 'igwae hemisaeya 'i'ebwaegita. Weyahina tauda loina nugenugetana taligehiya, 'oinega 'ilobwaineya ma ta'amasa, ta hesi Keliso weyahida 'i'amasa pwaiya sabi 'abihetegita.

Ibeliu 13:14

Weyahina 'ebwa bale'uwa geya 'aigeda 'ida 'asa miyamiya hatayana, 'oinega 'ilobwainegita ma 'asa miyamiya hatayana tuta 'inaonaoma weyahina ta'ebese.