Ibeliu 10:24 - Loina Nuahuana

²⁴ Cilobwainegita wete ma tauda tada he'abi'abihetena, ma 'ane tahe'iya'iyagu moisa, ma wete paihowa 'ausaladi tapaihowadi.

Ibeliu 10:24 Referans Kwoze

1 Tesalonaika 5:11

Coinega 'ilobwainegomiya ma waboi wa'abihepa'ali hilegomi ma wete wahelemalema hilegomi, beno paihowaedi gide sauga bewa wapaipaihowa 'esedi.

1 Yoni 3:18

Natugwao, geya'abwa 'ida helau gwaenamo 'oinega, ma hesi 'ida paihowega ma tada helau moisa.

Ibeliu 13:1

Coinega wahelau hilegomi taumimo 'oimiya.

Galetiya 5:13

Ciyagwao, Yehoba 'ihesinuwa pwaigomiya ta lihalihasimi. Lihalihasimi ma hesi geya'abwa mumuga bale'u wamulimuliyedi. Mumugami hesi helau 'ina loinega watauya, ma waboimo wahelemalema hilegomi.

Kolose 3:16

Wete Kelisoina 'ina gwae bwebwe'adi 'atemiya sibwala moisa, ma 'aigeda 'aigeda 'oimiya wahehe'ita ma walolohatoto sanapu moisa 'oinega, ta wete 'ami wali ma Same walinao 'oidiyega, wete walibui 'oidiyega, Yaluyaluwa Tabuna 'oinega, ma'imi loyauwedo Yehoba 'oina 'atemiyega.

Taito 3:8

Gwae bewa mabwaiyana gwae moisa, 'oinega 'uhewaiwai 'adi lohatoto 'oidiya, ma 'ane taudi Yehoba 'ana tohemisao gwaeyedi sihemisedi ma simuliyedi, ma paihowa bwebwe'adi sipaihowadi, bewa ginaula bwebwe'ana ta tomota 'adi 'ebelema.

1 Timoti 6:18

Ma wete wasawasaedi 'uhemataluwedi ma paihowa bwebwe'adi ta helau ta 'ebwaya 'oidiyega sihewasawasa moisa.

Ibeliu 13:3

Wete 'iyamiyao wanuwatuhu yahidi taudi deliya simiyamiya, ma wa'abihetedi gide tuwa 'omi ba'idamiyao deliya wamiyamiya. Ma wete 'iyamiyao taudi simiya mwauwa wanuwatuhu yahidi ma wa'abihetedi, weyahina 'omi tomota tuwa, gide taudi!

Galetiya 6:1

Ciyagwao, 'eguma tasidai 'aigeda 'ina pui 'oinega 'ibe'u, 'omi yaluyaluwami pa'alidi watoho ma tasidaina wa'abihedumwalu hila, ma hesi ma'imi mumuga nuhana, ma waboimo wa'itayahigomi nata gide 'omi wete wabe'u.

1 Kolinita 10:33

Gidemusa taugu yatohotoho ma 'abehega sahena taugu 'igu nuwatuhuwega yapaipaihowa, ma hesi to'aha tomota 'idi nuwatuhu gide tuwa yapaihowa 'esa, ma siyaliyaya, ta 'oinega 'adi lema siloba Yehoba 'oinega.

Galetiya 5:6

Moisa, Yesu Keliso 'oina meYudiya 'adi 'ila'ilala geya 'i'abihe dumwaluwegita, beno 'wapidi si'upwa'upwa, ma wete 'eguma 'wapi 'upwaina talogwahate geya'abwa 'ada 'ahwadumwalu talobaloba. Beno tuwa 'eguma Yesu tahemise ma tahelauwe, tauna 'ada to'abihedumwalu.

2 Kolinita 8:8

Bewa 'igu gwae tuwa ma geya 'abehega yaloinegomi, ma yanuwatuhuya tohekalesiyao tupwana sihehetapewa 'ehele 'awawa weyahina, 'oinega 'ebetohona bewa yalaguya ma ta'ita nuwana wa'ehele bwaibwaina, bo geya.

Paihowa 11:29

Ta tutaina Yesu 'ana tomuliyao Agabu 'ina hepwailaina sihesagoheya taudimo siloina ma 'abehega 'aigeda 'aigeda sitoho ma si'ehele ma lema mane sihewasae 'iyadiyaowedi tupwa Yudiya 'oina simiyamiya.

2 Tesalonaika 3:9

Ma 'iyamo loina 'imiyamiya 'abehega 'omi wahe'aimai, ma tuwa taumamo 'amega 'ahehetapewa, ma 'ane 'omi 'ima paihowa wahe'au'aunawemai.

Galetiya 5:22

Ma 'iyamo Yaluyaluwa Tabuna huwaina bwebwe'ana 'ateda bewa: helau, yaliyaya, miya daumwala, toholo pa'ala, lema, mumuga dumwaluna, hemisa,

2 Kolinita 9:2

ma wete yasanapugomiya 'abehega 'eheleina weyahina wayaliyaya, 'oinega 'omi ya'ahwa bwebwe'anegomiya meMasidoniya 'oidiya, yagwaeya, “Tupwa Akaya 'oina taudi meKolinita sihetapewa pwaiya ta 'idi helau si'atububuya bolime 'igumwala 'oina.” Coinega baibaiwadi 'oidiyega wete gide sipaipaihowa 'ese.

Loma 12:15

Ma 'eguma toyaliyaya wa'itadi, mahetemiyao wayaliyaya. Wete gide 'eguma tohedoudou wa'itadi, mahetemiyao wahedoudou,

Taito 2:4

ma 'ane mwanediyao ta natudiyao sihelau bwaibwainidi.

1 Kolinita 9:22

Ma wete 'eguma taudi 'idi hemisa we'awe'ana ba'idagwao 'amiyamiya, yamumuga 'esa taudi gidemusa ma 'abehega ya'abihetedi. Coinega tomota mabwaiyadi ba'idagwao weyahidi yatoho waiwai ma yamanasamwedi, ma 'oinega tupwadi 'oidiyega 'abihetena siloba Keliso 'oinega.

1 Tesalonaika 1:3

Cimi hemisa ma 'imi paihowa bwebwe'adi 'anuwatuhu yahidi, ma wete 'imi paihowao helauwega, ma'imi 'alama'i'ita, wete ma'imi hemisa ma 'ane 'ida Bada Yesu Keliso 'i'abihetegomi.

Loma 11:4

Ma Yehoba Ilaitiya 'ihegwaeya, “Geya 'abehega 'uboimo 'umiyamiya, beno wete 'igu bodao site sebeni tausani simiyamiya, taudi Ba'ala* 'oinega yahahegagaledi, eeta geya 'oina sida tuluha.”

Ibeliu 3:13

Ma bewa tuwa waboimimo wahelemalema sabwelo 'aigeda 'aigeda 'oidiya, ta 'oinega sahena mumuga galana 'i'abowegomi ta Yehoba 'enana walogwahate.