Ibeliu 1:6 - Loina Nuahuana

⁶ Ma tutaina 'ina tautuwa 'ihesumaneyama bale'uwa, 'igwaeya, “Aneloseyao galewa sawasawahidi ma tauna 'oina si'etuluha.”

Ibeliu 1:6 Referans Kwoze

Kolose 1:18

Tauda tohekalesiyao gide tuwa yahunao ma tauna debada, ma tauna 'ebehegaina, ta tauna wete totoholo hila nugenugetaina 'amasega. Ma 'oinega ginaula mabwaiyadi 'ilohane sinediya.

Kolose 1:15

Tauda geya sawasawahida ma Yehoba ta'ita, ma hesi 'ana 'ita tuwa Natunaina, ma Yehoba 'ana paipaihowa mabwaiyadi Natunaina 'ihane sinediya.

1 Pita 3:22

tauna 'ihane pwaiya galewa, eeta bewa tuwa Yehoba 'ina 'ebeulega 'imiyamiya, ma aneloseyao ma toloinao mabwaiyadi galewa 'oina 'iloiloinaedi.

Yoni 1:14

Ma Gwae huhuna 'iheloheya, ma bewa tuwa mahetedai tamiyamiya. Ma 'ina wasawasa madou hedadena 'i'abi hemaedaneya 'oima ta 'a'iteya, 'oinega 'asanapuya 'abehega tauna tuwa Yehoba natuna moisa, ma wete tauna tohelau moisa, wete mumugana mabwaiyana bwebwe'ana.

Heꞌitaꞌita 1:5

Yesu Keliso tauna tohepwaila moisa, ma wete tauna 'amasega 'itoholo nugeta, ta bale'u 'ana toloinao 'idi kini. Yesu tauna 'i'atemuyamuyaegita, 'ida puiyao bweyahinega 'ideulidiya.

Loma 8:29

Eeta taiyawedi tauda 'ibwauwe pwaigita, beno 'igwae hemisegita ta tauda natunao, gide tuwa natunaina, eeta tauna 'ada tautuwa ma tauda 'ana 'alomauwao.

1 Yoni 4:9

ta 'ina helau 'igihe hapweseya 'oida Natuna 'oinega, weyahina Natunaina 'iboimo 'ihetuneyama, ta bale'uwa 'itauyama, ma 'abehega yawasida moisa 'i'ebwaegita.

Yoni 1:18

Yehoba 'ana 'ita geya 'eta taiya 'ida 'iteya, ma hesi natuna moisa 'iboi 'isanasanapu Tamana 'ana 'ita. Weyahina tauna Tamana deina 'imiyamiya, 'oinega tauna Tamana 'ana 'ita 'ihe'itegita.”

Ibeliu 10:5

Coinega tutaina Keliso bale'uwa 'idobima, Kelisoina Yehoba 'oina 'igwaeya, “Pwaoliyao ma 'ehele geya nuwau, 'oinega wahigu 'u'ebwaegauwa 'ino paihowa weyahina.

Yoni 3:16

Comi tomiya bale'u Yehoba 'ihelauwegomiya sinabwana, 'oinega taugu natunaina 'aigeda tuwa 'itagwalegauwa 'oimiya, ma 'oinega taiyawedi 'omi 'eguma wahemisaegau, geya'abwa wahehesilae, ma hesi yawasimi miyamiya hatayana waloba.

Ibeliu 1:5

Weyahina geya 'eta tuta Yehoba anelose 'eta 'oina 'ida gwae, “Cowa natugu, nige bo'i ya'ahwa natunegowa.” Geya wete anelose 'eta weyahina 'ida gwae, “Taugu 'oiguwa 'ida 'ahwatamana, ma tauna 'oina yada 'ahwanatuna.” Gwaeyedi bewa natunamo weyahina 'igwaenediya.

Madiu 24:14

“Ma Yehoba 'ina loina tetelina 'i'edadana nugeta tupwa mabwaiyana 'oidiya, ma boda mabwaiyadi 'ana loguguya sihesagohe, ma muliyetega tuta 'ana 'ebelosaloha 'ilatu.