Heꞌitaꞌita 3:7 - Loina Nuahuana

⁷ Aneloseina totapwalolowedi Piladelipiya 'oina 'i'ita'itayahidi 'ina leta 'ulele mePiladelipiya weyahidi ma 'ugwae: Tetela bewa 'itauyama tauna bwebwe'ana ma dumwaluna 'oinega, ma wete tauna nimana kihiina mwalo Debida 'ina 'ebeso'eina 'i'abi'abiyahi, ma 'eguma 'ahwa'eda 'iso'e, geya 'eta taiya sawasawahina ma 'igudu, ma wete 'eguma 'igudu, geya 'eta taiya sawasawahina ma 'iso'e.

Heꞌitaꞌita 3:7 Referans Kwoze

Madiu 16:19

Ma wete 'ebeloina galewa 'ana 'ebeso'e ya'ebwaego, ma to'aha bale'uwa 'u'ausiya, galewa wete si'ausi, ma wete 'eguma to'aha bale'uwa 'uso'e galewa wete siso'e.”

Heꞌitaꞌita 1:18

Mayawasigu yamiyamiya. Mwalo ya'amasa, ma 'u'ita taugu yamiyamiya ta geya'abwa yagumwagumwala. Eeta nimaguwa 'amasa ma Bwebweso 'adi kihi ma sowasowahigu yaso'edi.

Heꞌitaꞌita 6:10

Ma yaluyaluwaedi 'enadi madounega sibwaubwau, sigwaeya, “Bada tohewaiwai hedade, 'owa 'ausalau ma todumwalu, to tuta 'oina eema 'ama tolohe'amasao bale'uwa 'uloinaedi 'idi puiyao weyahidi?”

Yoni 14:6

Coinega Yesu Tomasi 'ihegwaeya 'igwae, “Taugu 'eda, ma gwae moisa, ma wete yawasimi huhudi. Weyahina geya 'eta taiya sowasowahina ma Tamagu 'oina 'itauya 'eguma loheyainaina geya 'oiguwega 'itauya.

Luke 1:32

Tauna nata 'aigeda tohewaiwai madouna, weyahina 'abwa nata tomota si'ita ma weyahina sigwae 'abehega tauna Tomiya Tabwana Natuna, ma Bada Yehoba loina waiwai 'i'ebwae, gide tubuna Debida 'ina loina,

1 Yoni 5:20

Ma wete tasanapuya 'abehega Yehoba Natuna 'itauya pwaima, ta 'igihenuwa sabwalenigita ma Yehoba tasanapu 'abehega tauna Todumwalu, ta 'oina tamiyamiya, weyahina tauda Yehoba Natuna Yesu Keliso mahetenao. Yesuina Yehoba moisa, ma yawasida miyamiya hatayana huhuna tauna.

Heꞌitaꞌita 19:11

Ta ya'iteya galewa 'i'eso'eya, ma hosi wa'ewa'e'ena 'ihapwesa, ta 'ana togeluina sihesaniyeya Toguibiga Dumwaluna. Ma 'ina loina dumwaluna 'oinega 'iyatala ta wete 'ilolo'aleha.

Heꞌitaꞌita 3:14

Aneloseina totapwalolowedi Leodisiya 'oina 'i'ita'itayahidi, 'ina leta 'ulele meLeodisiya weyahidi, ma 'ugwae: Tetela bewa 'itauyama Todumwalu 'oinega, tauna Tohepwaila moisa, ma wete tauna Yehoba 'ina paihowao lamuna 'ina hepwaila 'oimiya 'igwaeya,

Heꞌitaꞌita 5:9

Ma wali 'ehauna siwaliyeya sigwae, “Moisa, 'owa sawasawahiu ma buki beno 'u'ewa, ma wete 'ana losipwa sawasawahiu ma 'ulihasi, weyahina silohe'amasigowa ta bweyahiuwega tomota 'uhemaisediya Yehoba weyahina, taudi bodaedi, 'enanaedi, susuwedi ma 'ebeloinaedi mabwaiyadi 'oidiyega.

Heꞌitaꞌita 1:11

'igwaeya, “Ginauledi 'abwa 'u'itadi weyahidi 'uleledi buki 'oina, ma bukiina 'uhetune boda hekalesiya sebeni 'oidiya, beno Epeso, ma Simulina, ma Peligamo, ma Tayataila, ma Salidisa, ma Piladelipiya, ma wete Leodisiya 'oina.”

Paihowa 3:14

“Moisa tuwa, Yesu tauna loheya dumwaluna ma bwebwe'ana, ma hesi walogwahateya, ta tomota 'adi tolohe'amasa 'aigeda nuwanuwami, ta weyahina Pailato 'oina wa'ahwanoiyeya.

Madiu 24:35

Cabwa galewa ma bale'u sisawala, ma 'igu gwaeyao geya'abwa tuwa sisawasawala.

Heꞌitaꞌita 1:5

Yesu Keliso tauna tohepwaila moisa, ma wete tauna 'amasega 'itoholo nugeta, ta bale'u 'ana toloinao 'idi kini. Yesu tauna 'i'atemuyamuyaegita, 'ida puiyao bweyahinega 'ideulidiya.

Luke 4:34

“Ya! Yesu 'owa gwama Nasaleta, to'aha lamuna ta 'unaoma 'oima? Nuwanuwau 'abehega 'umutumai, 'awa? Ma 'owa hesi yasanapugowa, 'owa tuwa Yehoba Natuna.”

Heꞌitaꞌita 15:3

ta mabwaiyadi Mosese walina siwaliwaliye, tauna Yehoba 'ina topaihowa. Ma wete lami walina siwaliwaliye, sigwae, “Bada Yehoba Tohewaiwai 'ino paihowao madoudi ma 'ebe henainaida, ta 'ino mumuga mabwaiyana 'ausaladi ma dumwaludi, ma 'ebeloina mabwaiyadi 'uloinaedi.

Heꞌitaꞌita 21:5

Eeta wagahata wasawasa 'ana tomiyaina 'igwaeya, “Ginaula mabwaiyana yagihe'ehaudi,” ma wete 'igwaeya, “Gwae bewa 'uleledi, weyahina gwae moisa ma dumwaluna.”

Heꞌitaꞌita 19:2

Ma 'ina loina mabwaiyana dumwaluna ma bwebwe'ana, weyahina tohemata ganawalina 'ina ganawalega bale'u mabwaiyana 'i'abihegaleya, ta 'ana maisa 'ilobeya. Ma wete 'asaina 'oina Yehoba 'ina tomota silohe'amasidiya, 'oinega 'i'abi hegaleya.”

Heꞌitaꞌita 16:7

Ma 'enana 'aigeda wete yahesagoheya 'ebe pwaoli 'oinega 'igwaeya, “Bada yo, 'owa Yehoba Tohewaiwai hedada 'ino loina bewa 'ausaladi ma dumwaludi.”

Heꞌitaꞌita 4:8

Ma 'aigeda 'aigeda pepediyao 'adi baibaiwa sikisi, ma pepediyaowedi mabwaiyadi matadi 'ebe 'ebubuna baibaiwadi 'atamanega ma 'alonega. Ma tuta mabwaiyana, sabwelo ma nihuwana 'oidiya, siwaliwali, sigwaegwae, “Casilala, 'asilala, 'asilala, Bada Yehoba Tohewaiwai. Tauna tuta mwalo ta bewa ta tuta 'inaonaoma 'oidiya 'imiyamiya.”

Heꞌitaꞌita 2:1

Aneloseina totapwalolowedi Epeso 'oina 'i'ita'itayahidi 'ina leta 'ulele meEpesowedi weyahidi, ma 'ugwae: Tetela bewa 'itauyama tauna 'ipwalaedi sebeni nima 'ebeulanega 'i'abi yahidiya, ma mayale sebeni gamwagamwanidiya 'itautauya. Tauna bewa 'ina hepwaila 'oimiya, 'igwaeya,