Heꞌitaꞌita 1:16 - Loina Nuahuana

¹⁶ ma wete 'ipwala sebeni 'ina 'ebeulega 'i'abi hanehediya, ma wete 'ahwanega 'elepa 'aleha mamata tupwa luwaluwaina 'ilatulatu, ma manina gide tuwa sinala 'ina ganinisa 'asudiladila.

Heꞌitaꞌita 1:16 Referans Kwoze

Ibeliu 4:12

Moisa, Yehoba 'ina gwae mayawasina ta waiwaina gide 'elepa 'aleha 'ina matamatagi matupwa luwaluwana, ta sawasawahina 'ibadigita 'aloda moisa, beno nuwatuhu ta mumuga dahwanedi simiyamiya.

Heꞌitaꞌita 2:16

Coinega tuta bewa mumuga galadiyedi 'oidiyega wanuwabui. Ma 'eguma geya, tuta 'i'iuna 'oina ma yatauyawa, yalo'alehegomi 'elepa 'alehaina 'ahwaguwega 'ilatulatu 'oinega.

Heꞌitaꞌita 19:15

Ta 'idi tohanugetaina 'ahwanega 'elepa 'aleha mamatana 'ilatulatu, tauna 'abwa 'elepaina 'oinega tupwa baibaiwadi 'ihewaiwai sinedi ma 'oidiya 'iloina pa'ala, ma wete waini 'ebe hida 'oina 'ihidadi, beno Yehoba Tohewaiwai hedade 'ina gamwasowala madouna.

Heꞌitaꞌita 2:12

Aneloseina totapwalolowedi Peligamo 'oina 'i'ita'itayahidi 'ina leta 'ulele mePeligamowedi weyahidi, ma 'ugwae: Tetela bewa 'itauyama tauna ma'ina 'elepa 'aleha mamata tupwa luwaluwaina 'oinega. Tauna bewa 'ina hepwaila 'oimiya 'igwaeya,

Epeso 6:17

Wete 'ami 'abihetena wa'ewa 'abehega debami 'adi 'ahubodaboda, ma Yaluyaluwa Tabuna 'ina 'elepa 'aleha wa'ewa, beno Yehoba 'ina gwae.

Heꞌitaꞌita 19:21

Ma 'elepaina hosiina 'ana togelu 'ahwanega 'ilatulatuma, 'oinega hebaiina ma'ina palopita 'abo'abo 'idi tolo'alehao 'ilohe'amasidiya. Eeta bwasumo baibaiwadi sinaoma ta to'amasaedi wahidi si'aidiya, ta gamwadi 'i'otuwa.

Madiu 17:2

Tutaina taudimo simiyamiya 'oyai Yesu maninina si'iteya 'inamanamala gide sinala 'ana 'ita, ma 'ana 'ale'o 'ana wa'ewa'e'eina gide 'asilala 'isaesaehane.

Heꞌitaꞌita 1:20

Bewa 'ipwala sebeniyedi nimagu 'ebeulega, wete mayale sebeniyedi 'adi nuwasabwalena dahwadahwanidi 'oiuwa, 'oinega ya'abi he'asilala. Cipwala sebeniyedi, beno anelose sebeni, taudi hekalesiyao sebeniyedi weyahidi, wete mayale sebeniyedi beno taudi boda hekalesiya sebeni.”

Heꞌitaꞌita 3:1

Aneloseina totapwalolowedi Salidisa 'oina 'i'ita'itayahidi, 'ina leta 'ulele meSalidisa weyahidi, ma 'ugwae: Wasa bewa 'itauyama loheyaina 'oinega, tauna loheyaina Yehoba Yaluyaluwana sebeni ma wete 'ipwala sebeni 'oina simiyamiya. Tauna bewa 'ina hepwaila 'oimiya 'igwaeya, “Cimi paihowao yasanapu pwaidiya, ta tetelimi yahesagoheya 'abehega mayawasimi wamiyamiya, ma geya, weyahina yaluyaluwami bo'i si'amasa.

Paihowa 26:13

Ta kini 'u'ita, sabweloina yatautau Damasiko, 'asudibwalala ta galewega 'asilala madou hedada 'isaema, ta geya gidemusa hala maedanina, ta ya'iteya ba'idagwao 'isae sakowasiyemaiya.

Heꞌitaꞌita 12:1

Ma galewa 'ebe henainaida madouna 'ilatuwa, beno wahine 'aigeda, 'ana 'ale'o sinala gide, ma wai'ena 'oina 'itotoholo, ma debana 'ana pasa 'ipwala tuwelo.

Heꞌitaꞌita 10:1

Ta wete ya'iteya anelose waiwaina 'aigeda galewega 'isuluma, ma yalohega 'i'wama, ma hulele debana 'itoholo sakowasiyeya, ma manina 'ana 'ita gide sinala, ta wete 'ahena sinamanamala tuwa gide 'aiwe 'ininininima.

Heꞌitaꞌita 2:1

Aneloseina totapwalolowedi Epeso 'oina 'i'ita'itayahidi 'ina leta 'ulele meEpesowedi weyahidi, ma 'ugwae: Tetela bewa 'itauyama tauna 'ipwalaedi sebeni nima 'ebeulanega 'i'abi yahidiya, ma mayale sebeni gamwagamwanidiya 'itautauya. Tauna bewa 'ina hepwaila 'oimiya, 'igwaeya,