Heꞌitaꞌita 1:1 - Loina Nuahuana

¹ Buki bewa 'oina Yesu Keliso 'ina he'ita tetelina. Yehoba 'i'ebwaeya ma 'abehega Yesu 'ihe'itae 'ina topaihowao 'oidiya, ma sisanapu to'aha nata 'ilatu. He'itaina bewa Yesu Keliso 'ina anelose 'ihetuneya, ma 'abehega Yoni 'oina 'ihepwaila.

Heꞌitaꞌita 1:1 Referans Kwoze

Heꞌitaꞌita 22:16

“Taugu Yesu, ta 'igu anelose yahetune pwaiyawa 'oimiya, ta 'abehega ginaulaedi bewa 'ihepwailedi tohekalesiyao 'oimiya. Taugu Debida 'ina susu 'aigeda, ma taugu wete tomodaba 'asilalana.”

Heꞌitaꞌita 22:6

Ta aneloseina 'ihegwaegauwa, 'igwaeya, “Gwae bewa moisa ma dumwaluna. Bada Yehoba tauna tuwa yaluyaluwa 'ana to'ebwaya palopitao 'oidiya, ma 'ina anelose 'ihetuneyama topaihowao 'oidiya 'ihe'ita to'aha nata 'ilatuma.”

Galetiya 1:12

weyahina geya tomota 'idi hepwailao, nuwana 'idi he'itao 'oidiyega, ma hesi Yesu Keliso 'ina he'ita 'oiguwa 'oinega.

Epeso 3:3

Ma 'igu paihowa bewa sanapu mwalo dahwadahwaina weyahina, ma hesi 'ana sanapu Yehoba 'ihe'ita pwaigauwa, gidemusa yaleleyawa 'imi leta to'uto'upana bewa 'oina,

Heꞌitaꞌita 1:19

Causala. Ginaulaedi bewa 'u'itediya 'uleledi. Cebe'ita beno tuta bewa weyahina, ma wete tuta 'inaonaoma weyahidi.

Heꞌitaꞌita 1:9

Taugu tasimiu Yoni. Taheboda 'aigeda pwaiya Yesu ba'idada, ta 'ina 'ebeloina 'alona 'omi ma taugu tahe'alama'i'itanegita, muyamuya ma mwau 'oidiya. Taugu mwalo sipaigauwa ma silagugauwa bwanabwana Patimo 'oina, weyahina yaguguya Yehoba 'ina gwae ma Yesu 'ina tetela.

Yoni 3:32

To'aha gide 'inonodiya ta 'i'itediya weyahidi 'ihehegwaegwae. Ma hesi 'ina gwaeyedi geya 'eta taiya 'ida 'abi yahidiya.

Yoni 15:15

Sauga bewa 'oinega ma 'ilagalaga geya'abwa wete ya'ahwa'ahwa topaihowaegomi. Weyahina topaihowa geya 'ilobwainedi ma 'idi 'inapwanao 'idi nuwatuhu sisanapudi. Ma hesi 'ilobwainegomiya bewa tuwa ya'ahwa 'iyaguwegomi, Weyahina to'aha gidemusa Tamagu 'oinega yahesagohediya, bo'iyage yahepwaila pwaidiwa 'oimiya.

Heꞌitaꞌita 4:1

Ginaulaedi bewa sigumwala pwaiya ma ya'e'ebubuna, 'oinega 'aigeda 'ahwa'eda ya'iteya galewega 'i'eso'eya. Ma wete 'aigeda 'enana gide yoguli, tauna tuwa mwalo yahesagoheya, 'oiguwa 'ilolohatoto 'igwaeya, “Cuhanema ma yahe'itago to'aha 'abwa 'ilatu.”

Yoni 12:49

Weyahina gwaeyedi taugu geya 'igu nuwatuhu 'oidiyega, ma hesi to'aha gide tauna 'ihesumanegauma 'ina nuwatuhu 'oidiyega 'ilohatotogauwa, wete gide 'oimiya yahehepwailediwa.

Yoni 8:26

Ma wete 'ihegwae hilediya 'igwae, “Sowasowahigu ma ginaula baibaiwadi weyahidi yahegwaegwae ma wete weyahidi yaloina, ma hesiyage tauna 'ihesumanegauma mumugana mabwaiyana bwebwe'ana. To'aha gidemusa 'oinega yahesagohediya, beno tuwa taudi weyahidi yahehegwaegwae mebale'u 'oimiya.”

Heꞌitaꞌita 21:2

Ma 'asa 'asi'asilalana ya'iteya tauna Yelusalema hauhauna galewega 'isulusuluma Yehoba 'oinega, 'ihepaseya gide tohai mewahinena 'ipasa ma mwanena ba'idana sihelobaloba.

Loma 16:25

Coinega tuta bewa Yehoba tahepwatuwe, weyahina tauna sawasawahina 'i'abihe waiwaiyegomi, 'igu loguguyaina 'oinega, Yesu Keliso tetelina weyahina. Mwalona tetelaina dahwadahwaina,

Yoni 17:8

Weyahina gwaeyedi 'u'ebwaegauwa yahe'ita pwaidiya ma wete sihemiseya. Coinega sisanapu bwaibwainigauwa 'abehega 'owa moisa 'oiuwega yatauyama ma wete sihemisaegauwa 'abehega 'owa 'uhesumanegauma.

Taito 1:1

Natugu Taito, 'ino leta bewa taugu Paulo 'oiguwega, taugu Yehoba 'ina topaihowa ta Yesu Keliso 'ana tohepwaila. Cigu paihowaina 'i'ebwaegauwa ma taudi Yehoba 'ana hesihesinuwao ya'abihe waiwaiyedi ma sihemisa moisa ma nuwadi 'isabwalena, ta 'oinega sanapu moisega sipaihowa dumwalu.

Heꞌitaꞌita 5:7

Ta lamiina 'inaowa ta pepaina 'i'eweya tauna wagahata wasawasaina 'oina 'imiyamiya 'ina 'ebeulega.

Heꞌitaꞌita 17:1

Eeta aneloseyedi sebeni ma'idi biyo sebeni Yehoba 'i'ebwaediya, 'aigeda 'oidiyega 'inaoma ma 'ihegwaegauwa, 'igwae, “Cunaoma ma yahe'itago Yehoba 'ina loina mwauna toganawala moisa wahineina 'oina, ma toganawalaina 'ana nuwasabwalena beno 'asa madouna si'abiya we'aha baibaiwadi papalidiya.

Heꞌitaꞌita 19:9

Ma aneloseina 'oiguwa 'igwaeya, “Gwae bewa 'ulele 'abehega, ‘Taiyawedi 'omi Yehoba 'ibwauwegomiya Lamiina 'ina hai guyaina 'oina, wayaliyaya.’” Ma wete aneloseina 'igwae hila, ta 'igwaeya, “Bewa Yehoba 'ina gwae moisa.”

Heꞌitaꞌita 19:10

Ma 'ahena yabe'u talutalubu'iya ta ya'e'etuluha 'oina, ma 'oinega 'igwaeya, “Geya'abwa gide. Taugu tuwa Yesu 'ina topaihowa 'owa gide, ma wete gide tasimwao taudi Yesu 'ana tohepwailao. Yehoba hesi 'oina 'u'etuluha.” Weyahina Yesu 'ana tohepwailao 'adi lotohona gide palopitao 'adi lotohona Yehoba yaluyaluwana 'oinega.

Heꞌitaꞌita 21:9

Coinega aneloseyedi sebeni, mwalo muya biyodi sebeni 'adi to'ahalao, 'aigeda 'oidiyega 'inaoma, ma 'ihegwaegauwa, 'igwaeya, “Cunaoma ma Lami mwanena yahe'itago.”

Heꞌitaꞌita 22:1

Eeta aneloseina yawasida we'ahina 'ihe'itegauwa, we'ahinaina matana maemaedanina moisa, Yehoba ma Lami 'idi wagahata wasawasaina 'oinega 'idaudauma.

Heꞌitaꞌita 22:8

Taugu Yoni ginaula bewa mabwaiyadi yahesagohediya ta ya'itediya. Ma ginaula bewa sigumwala, ma aneloseina 'ahena yabe'u talutalubu'iya, tauna ginauledi 'ana tohe'ita 'oiguwa, ta 'oina ya'etuluha.

Heꞌitaꞌita 22:9

Coinega tauna 'ihegwaegauwa, 'igwaeya, “Geya'abwa gide, weyahina taugu topaihowa tuwa gide 'owa, ma tasidao taudi palopitao, ta wete taudi buki bewa 'ana tohematamatanao. Ma hesi Yehoba 'iboi namo 'oina 'u'etuluha.”