Galetiya 6:12 - Loina Nuahuana

¹² MeYudiya 'idi 'ila'ilala 'wapidiya 'ana to'upwao geya nuwadi 'igu loguguyaina bewa: 'ada 'abihebwebwe'ana taloba Keliso 'ina 'amasamo 'oinega, ma geya 'wapi 'upwa 'oinega. Coinega sihe'i'imigomiya ma 'idi 'wapi 'upwaina wa'ewa, ta 'adi boda 'ida hemadou, ma wete lo'aleha Keliso 'ina 'amasa kelose 'oina weyahina 'igumwala.

Galetiya 6:12 Referans Kwoze

Galetiya 5:11

Ciyagwao, geya'abwa wanuwanuwatuhu yaloguguya 'abehega 'wapimi si'upwadi ma 'ane meYudiya 'idi loina wamuliyedi, ma hesi 'igu loguguyaina Keliso 'ina 'amasa kelose 'oina weyahina. Cigu loguguya bewa weyahina meYudiya sinuwamwauwa ta silo'alehegauwa.

Kolose 2:23

Moisa, loinaedi 'adi 'ita gide sanapu moisa, weyahina 'adi tomuliyaowedi ma'idi he'asisi ta ma'idi nuwasulu sipaipaihowa, ta wete wahidi sihemuyedi; ma tuwa geya 'eta 'idi waiwaimo, ma hesi wahidi 'idi nuwatuhu dahwana 'iloinaedi.

2 Kolinita 11:13

Weyahina to'abowedi 'adi 'ita gide Keliso 'ana tohepwailao ma hesi galana sipaipaihowa.

Paihowa 15:1

Ma tupwadi loheloheya Yudiya 'oinega sisuluma, ta sihehe'ita tohekalesiyao meAnitioki 'oidiya, sigwaegwae, “Mosese mwalo 'iloinaemaiya 'wapima 'ana 'upwa weyahina. Ma 'eguma 'omi 'wapi 'upwaina geya wa'ewa, nata geya 'abihetena walobaloba.”

Galetiya 2:3

Ma Taito 'i'wayabumaiya ta 'ahaneya Yelusalema, tauna gwama Gilisi 'aigeda, geya gwama Yudiya, ma hesi tohanugetaowedi geya Taitoina siloinae ma 'abehega 'wapina si'upwa 'ana 'ila'ilala gidemusa meYudiya taudi.

Luke 16:15

Coinega Yesu Palisiyaowedi 'oidiya 'igwaeya, “Comi wanuwatuhuya 'abehega mumugami bwebwe'ana tomota matadiya, ma hesi galana mabwaiyana 'atemiya Yehoba 'isanasanapudi, weyahina ginaulaedi tomota nuwadi si'eweya, Yehoba 'ilogwahatediya.

Pilipai 3:18

Ma 'iyamo tomota tupwana baibaiwadi 'idi mumuga 'oinega Keliso silo'aleheya, tauna Kelisoina weyahida 'i'amasa kelose 'oina. Tolo'alehaowedi mwalo yahepwailediya 'oimiya, bewa tuwa wete ma'igu dou yalohila, ma galaedi 'oimiya yahepwailedi.

Pilipai 2:4

Ma geya'abwa waboi 'imi paihowa weyahina wanuwanuwa, ta hesi 'iyamiyao 'idi miya bwebwe'ana weyahina wanuwatuhu.

Pilipai 1:15

Tupwadi tologuguyao he'ipi'ipiyega silologuguya Keliso weyahina, ma tupwadi wete helauwega silologuguya,

Galetiya 6:13

Ma hesi wanuwatuhuyahi 'abehega 'wapi 'upwaina 'ana to'ewao 'ilobwainediya ma Mosese 'ina loinao mabwaiyana simuliyedi, ma hesi geya sida muliyediya. Beno tuwa nuwanuwadi 'wapimi wa'upwadi ma bewa 'idi 'ebe gagasa 'imi luhu 'adi boda 'alona weyahina.

Galetiya 2:14

Coinega taugu yasanapuya 'abehega Pita ma bodaedi Keliso tetelina geya simuliya moisa, eeta mabwaiyadi matadiya Pita yahesilaleya, yagwaeya, “Ciyagu, 'owa Yudiya gwamaina ma tupwana tuta meYudiya 'idi mumuga wa'ebe'ebesine, ma 'asa ganamuli mumugadi 'umulimuliyedi, 'oinega togidega ma taudi hali 'asa tomotaedi 'ugilohihili 'esedi 'abehega Yudiya mumugaina simuliye?”

2 Kolinita 10:12

Sahena yahehegwaegomi yagwae, “Taugu Paulo 'igu mumuga 'ausalana,” gide tupwana tomota sigwae, “Tauma 'ima mumuga bwebwe'ana hedada, ta 'iyamayao geya bwebwe'ana.” Cidi gwaeyedi gide tuwa yauyauledi 'idi gwae.

Paihowa 15:5

Ma tupwadi Yesu 'ana tohemisao Palisi bodaedi 'oidiyega sitoholowa, ma sigwaeya, “Ceguma 'asa ganamuli 'adi tomiyao sihemihemisa, 'ilobwainediya ma 'wapi 'upwa si'ewa, ma wete taloinedi ma Mosese 'ina loinao simuliya nugetedi, ta 'oinega sowasowana sihekalesiya moisa.”

Yoni 7:18

Ma hesi wanuwatuhuyahi 'eguma taiya 'iboimo 'ina nuwatuhu 'ihehe'ita, 'iboimo sanina weyahina 'ipaipaihowa. Ma hesi taugu nuwanuwagu ma tauna 'ihesumanegauma sanina ya'abi hemadou. Weyahina taugu 'igu gwaeyao moisa, ma wete geya 'igu puimo.

Luke 20:47

Ta wete tuta baibaiwana tomota matadiya Yehoba 'oina si'ahwa'ahwanoi dudulena, ma hesi 'idi 'ahwanoiina geya bwebwe'ana, weyahina 'atediya sinuwanuwatuhu togidega nata hiwahiwape si'abo 'esedi ma 'idi tobwatobwao si'ewadi. Coinega 'abwa Yehoba maisa galana 'i'ebwaedi.”

Madiu 23:28

Comi 'ami 'ita tomota matadiya 'abehega tohanugetao 'ausalami, ma 'alomiya 'abo ma gala baibaiwana simiyamiya.

Madiu 23:5

“Cidi paihowao mabwaiyana sipaipaihowadi ma 'abehega tomota si'itadi ma sihepwatuwedi, beno gwaeyao Buki He'asisi 'oinega leleleledi manidiya ma nimadiya si'abihe pa'inediya, ta 'adi 'ale'owao duduledi sisohasohadi,

Madiu 6:16

Wete 'eguma tutaina 'oina tapwalolo weyahina wahudi, beno geya sowana wa'ai, sahena manimi 'ilolonohunohu gide tuwa tonuwagala. Ma to'abo 'idi paihowa gide, weyahina taudi 'adi 'ita si'abihegaledi ma 'abehega 'idi hudi tomota sisanapu. Taudi 'adi hepwatu tuta bewamo silobaloba, ma 'abwa geya.

Madiu 6:2

Ma tutaina wahehelau towewelohe 'oidiya, sahena yoguli wamu'amu'a, gide taudi to'e'abo'abo hada tapwalolo nuwana 'asa 'oidiya yoguli simu'amu'adi ma 'abehega tomota 'idi helau si'itadi ma sihepwatuwedi. Hede 'adi maisa tuta bewamo 'oina silobaloba ma hesi tuta 'inaonaoma geya maisadimo.

Madiu 6:5

Cimi 'ahwanoi wete gide, 'eguma wa'ahwanoi Yehoba 'oina, sahena to'e'abo'abo gide wa'ahwa'ahwanoi, weyahina taudi nuwanuwadi ma tomota matadiya tapwalolo 'alona nuwana 'asai sitoholo ma si'ahwa'ahwanoi. Moisa 'adi hepwatu tuta bewa tuwa silobaloba, ma tuta 'inaonaoma geya.

Madiu 5:10

Ceguma 'omi 'imi paihowa bwebwe'ana weyahina tomota si'alehegomi, beno wayaliyaya weyahina Yehoba nimana wamiyamiya.

Madiu 23:27

“Comi loina 'ana tohe'itao ma Palisiyao 'atemuyamuyaimi weyahina 'omi to'abo, gide tuwa galiha wa'ewa'e'edi ma 'ausaladi, tabwana 'adi 'ita 'ausala hedade, ma hesi 'alodiya tomota hilihiliyadi ma ginaula bi'ibi'idi simiyamiya.