Galetiya 5:2 - Loina Nuahuana

² Taugu Paulo yaloguguya 'oimiya, ma 'eguma Mosese 'ina loinao 'oidiya watagwalegomi, nuwana 'eguma meYudiya 'idi 'ila'ilala 'wapimiya si'upwa, beno Keliso 'ina lema 'oimiya walohe'wadaleleya.

Galetiya 5:2 Referans Kwoze

Galetiya 5:6

Moisa, Yesu Keliso 'oina meYudiya 'adi 'ila'ilala geya 'i'abihe dumwaluwegita, beno 'wapidi si'upwa'upwa, ma wete 'eguma 'wapi 'upwaina talogwahate geya'abwa 'ada 'ahwadumwalu talobaloba. Beno tuwa 'eguma Yesu tahemise ma tahelauwe, tauna 'ada to'abihedumwalu.

Paihowa 15:1

Ma tupwadi loheloheya Yudiya 'oinega sisuluma, ta sihehe'ita tohekalesiyao meAnitioki 'oidiya, sigwaegwae, “Mosese mwalo 'iloinaemaiya 'wapima 'ana 'upwa weyahina. Ma 'eguma 'omi 'wapi 'upwaina geya wa'ewa, nata geya 'abihetena walobaloba.”

Ibeliu 4:2

Moisa, wasaina 'i'ebwaegita, taudi wete mwalohene 'i'ebwaediya, ta wasaina geya 'ilemedi, weyahina sihesagoheya ta geya sihemise.

Galetiya 5:11

Ciyagwao, geya'abwa wanuwanuwatuhu yaloguguya 'abehega 'wapimi si'upwadi ma 'ane meYudiya 'idi loina wamuliyedi, ma hesi 'igu loguguyaina Keliso 'ina 'amasa kelose 'oina weyahina. Cigu loguguya bewa weyahina meYudiya sinuwamwauwa ta silo'alehegauwa.

2 Kolinita 10:1

Taugu Paulo ya'ahwa'ahwanoi 'oimiya, gide Keliso 'ina mumuga nuhana 'oinega, weyahina 'omi wagwaeya, “Paulo 'ina mumuga nuhana 'eguma ba'idadai tada hegwaegwae, ma hesi bwagega 'iheliyegita.”

Paihowa 15:24

Mwalo tetelimi 'ahesagoheya 'abehega tupwadi loheloheya tauma 'oimega sinaowa ma hali tetela 'oinega si'abihe 'wanigomiya, beno siboi 'idi nuwatuhuwega, ta geya tauma 'ima hemataluwa.

1 Tesalonaika 2:18

Moisa, taugu Paulo yatohotoho waiwai ma 'abehega 'atauyawa ma 'abo'enegomi, ta yatoho'asaya, weyahina Seitani 'ima 'eda 'igibodeya.

1 Kolinita 16:21

Bewa 'igu loyauwedo 'oimiya taugu nimaguwega yaleleyawa.

Paihowa 15:5

Ma tupwadi Yesu 'ana tohemisao Palisi bodaedi 'oidiyega sitoholowa, ma sigwaeya, “Ceguma 'asa ganamuli 'adi tomiyao sihemihemisa, 'ilobwainediya ma 'wapi 'upwa si'ewa, ma wete taloinedi ma Mosese 'ina loinao simuliya nugetedi, ta 'oinega sowasowana sihekalesiya moisa.”

Pilimoni 1:19

Taugu Paulo bewa nimaguwega yalelelele 'abehega mabwaiyana yahemaise hegumwali. Ma hesi sahena 'a haga 'oiguwa weyahina yagwaegwae, beno mwalo taugu 'igu paihowega ta yaluyaluwau 'i'ehau pwaiya.