Galetiya 5:11 - Loina Nuahuana

¹¹ Ciyagwao, geya'abwa wanuwanuwatuhu yaloguguya 'abehega 'wapimi si'upwadi ma 'ane meYudiya 'idi loina wamuliyedi, ma hesi 'igu loguguyaina Keliso 'ina 'amasa kelose 'oina weyahina. Cigu loguguya bewa weyahina meYudiya sinuwamwauwa ta silo'alehegauwa.

Galetiya 5:11 Referans Kwoze

1 Kolinita 1:23

Ma tauda hesiyage tetelinaina talohatotoweya, Keliso 'ina 'amasa kelosemo 'oina weyahina, eema meYudiya silogwahateya ma wete tomiya ganamuli si'ahwa ginaula bwagabwagaeya.

Galetiya 6:12

MeYudiya 'idi 'ila'ilala 'wapidiya 'ana to'upwao geya nuwadi 'igu loguguyaina bewa: 'ada 'abihebwebwe'ana taloba Keliso 'ina 'amasamo 'oinega, ma geya 'wapi 'upwa 'oinega. Coinega sihe'i'imigomiya ma 'idi 'wapi 'upwaina wa'ewa, ta 'adi boda 'ida hemadou, ma wete lo'aleha Keliso 'ina 'amasa kelose 'oina weyahina 'igumwala.

Galetiya 4:29

Ta Isimeli Aisake 'ilo'aleheya. Cebe'ita bewa, tauna mumuga bale'u 'oinega 'itoleya 'ilo'aleheya tauna gwae hemisa 'oinega 'itoleya. Mwalo taudi siteluwaedi gidemusa, eeta nige wete gidemusa tomota 'iyadiyao simumuga 'esedi.

Galetiya 2:3

Ma Taito 'i'wayabumaiya ta 'ahaneya Yelusalema, tauna gwama Gilisi 'aigeda, geya gwama Yudiya, ma hesi tohanugetaowedi geya Taitoina siloinae ma 'abehega 'wapina si'upwa 'ana 'ila'ilala gidemusa meYudiya taudi.

1 Kolinita 15:30

Ma wete togidega taugu? Ceguma gesowana 'amasega yatoholo hila to'aha weyahina 'ebe hesilae 'oina tuta mabwaiyana yapaipaihowa Keliso weyahina?

Paihowa 21:21

Ta wasau sihesagoheya 'abehega 'owa 'ino he'ita meYudiya 'oidiya, taudi 'asa ganamuli 'adi tomiyao ba'idadiyao simiyamiya 'abehega 'uhehe'itadi meYudiyaedi ma Mosese 'ina loina silogwahate, ma sahena natudiyao meloheyadi 'wapidi si'upwa'upwa, ma tubudao mumugadi sahena simulimuliye.

Galetiya 6:17

Bewa tuwa ma tuta 'inaonaoma 'oidiya geya'abwa wete 'eta taiya 'igihe 'wate'wategau, weyahina wahiguwa Yesu 'ina 'ila'ilala simiyamiya, beno weyaedi yalobediya 'ina paihowa 'oina.

1 Kolinita 1:18

Kelose tetelinaina tomota tupwadi si'ahwa 'abo'aboweya, taudi yaluyaluwadi 'ama'amasidi, ma hesi tauda tahemisaeya 'abehega Yehoba 'ina waiwai tetelaina 'oina 'imiyamiya, ma 'oinega 'ilemegita.

Paihowa 21:28

ta siwuiwui, sigwaegwae, “MeIsileli he, wanaoma ma loheya bewa wa'ita, tauna tomota tupwa mabwaiyana 'oidiya 'ihe'ita puidiya, 'abehega 'ida boda sisinasinaligita, ta 'ida loinao ma 'ida Hada He'asisi sisinalidi, ma wete Hada He'asisi bewa 'i'abihe ginaula bwagebwageya, weyahina tupwa ganamuliyega, taudi geya meYudiya, 'i'ewedima 'alona.”

Paihowa 16:3

ma Paulo nuwanuwana ma Timoti mahetediu sisakowasi, 'oinega 'ibwauweya ma 'wapina 'i'upweya Mosese 'ina loina gidemusa, ma 'abehega meYudiya Timotiina sihe'asisiyane, weyahina meYudiya tupwaina Lisitila 'oina sisanapuya 'abehega Timoti tamana gwama Gilisi.

Galetiya 3:1

Comi meGaletiya yauyauleimi! Taiya hede 'obega 'i'abihe 'wanigemiya? Mwalo 'ahe'itegomiya ta nuwami 'isabwalena moisa Yesu Keliso weyahina, 'abehega keloseya 'i'amasa, ma 'iyamo wanuwanaideya! Coinega wanuwanuwatuhu 'abehega Mosese 'ina loina 'ana hematamatanega 'abihetena waloba?