Galetiya 4:18 - Loina Nuahuana

¹⁸ Cigu loina bewa 'eguma taugu mahetemiu tamiyamiya, bo 'eguma bwaga yamiya 'oimiyega, loinaina 'aigeda tuwa, beno 'ilobwainegomiya ma wahetapewa waiwai paihowa 'ausala weyahina.

Galetiya 4:18 Referans Kwoze

Pilipai 2:12

Ciyagwao 'omi hematamatana lamuna. Mwalo mataguwa wahematamatana, ta bewa tuwa 'oimiyega yamiya bwaga, ma tuwa 'abwa wahematamatana moisa. Coinega 'ilobwainegomiya ma Yehoba wamataute ta wete watoho waiwai ma 'ina 'abihetena waloba,

Heꞌitaꞌita 3:19

“Ma wanuwatuhuyahi 'abehega taiyawedi 'omi ya'atemuya muyaegomi, gwae pa'alinega ma loinega yagihe dumwaluwegomi. Coinega wahewaiwai ma 'imi puiyega wanuwabui.

Taito 2:14

Tauna 'itagwaleya weyahida, ta 'i'amasa sabi 'abihetegita 'ida pui mabwaiyana 'oidiyega, ta 'i'abihe 'ehaugita, ta 'iboi 'ina boda 'oina 'ilagugita, ta 'ane 'ina paihowa bwebwe'adi 'oidiya taguibiga.

Pilipai 1:27

Ta hesi wa'itayahigomi ma 'ane 'imi paihowao 'oidiyega tomota Keliso tetelina si'ahwa bwebwe'ane, eema 'eguma yahabo'enegomi, bo nuwana 'eguma yamiya hila, tuwa wasami bwebwe'ana yahesagohe 'abehega ma'imi 'atetagwala watoholo pa'ala, ta ma'imi nuwatuhu mahemahetena eema 'oinega wahetahetapewa wasa bwebwe'ana 'ana hemisa weyahina,

Galetiya 4:13

Ma wanuwatuhuyahi 'abehega mwalo yatauya nugetawa 'oimiya ma'igu lohala, ma tuwa tetela bwebwe'ana yaloguguyaeya 'oimiya.

1 Kolinita 15:58

Ma wete 'iyagwao yaloyauwedo madouna 'oimiya ta yaguguyegomi ma watoholo pa'ala ma tuta mabwaiyana wada hetapewa Bada 'ina paihowa 'oina, weyahina 'abwa Bada 'ina paihowaina 'oinega huwaina taloba.

Yoni 2:17

Cana tomuliyao si'e'ebubu ma Yehoba 'ina buki 'ina hepwaila sinuwatuhu yahiya beno 'igwaeya, “Yehoba yo, 'ino hada tobwebwe'ana 'iya, ma nuwagu 'i'eweya.”

Galetiya 4:20

Ceguma 'omi mahetegwao tamiya, ma 'oinega wanuwabui ma 'agu lotohona 'ibwebwe'ana, ma hesi yanuwanuwatuhu madouna 'imi pui weyahina.

Galetiya 4:17

Cimi nuwabui lamuna 'imi tohe'itao hauhaudi bo'i sipaipaihowa waiwai weyahimi, ma hesi si'abo'abowegomi. Taudi nuwanuwadi ma 'igu loina walogwahatedi ta 'idi loina nuwami si'ewa.