Galetiya 3:22 - Loina Nuahuana

²² Ma hesi Buki He'asisi mabwaiyada 'i'ahwa galaegita, 'oinega Yesu Keliso 'ana tohemisaomo Yehoba 'ina gwae hemisa siloba.

Galetiya 3:22 Referans Kwoze

Loma 11:32

Eema tologuipaila mabwaiyada bewa gide Yehoba 'imumuga 'esegita ma 'abehega 'ina 'atemuyamuya 'ihe'itegita.

Ibeliu 9:15

Eeta Kelisoina loina hauhauna 'i'eweyama ta 'oinega tanaoma Yehoba ba'idadai tahe'iya'iyagu, weyahina 'eguma 'ihesinuwegita nata yawasida hataya 'igwae hemisaeya 'i'ebwaegita. Weyahina tauda loina nugenugetana taligehiya, 'oinega 'ilobwaineya ma ta'amasa, ta hesi Keliso weyahida 'i'amasa pwaiya sabi 'abihetegita.

Galetiya 3:23

Mwalo tutaina 'oina hemisa geya tasanapu, tauda Mosese 'ina loina 'ipaigita eeta tamiyamwauwa, ma 'ana siga Yehoba hemisa 'igihelatuheya 'oida.

1 Yoni 2:25

Ma yawasidaina 'igwae hemiseya 'ida 'ebwaegomi, beno yawasida miyamiya hatayaina.

Yoni 3:36

Coinega taiyawedi 'omi 'eguma Yehoba natunaina wahemisae, nata yawasi hataya waloba. Ma hesi taiyawedi 'omi 'eguma Yehoba natunaina geya wahemisae, nata geya'abwa yawasi hataya walobaloba, ma hesi 'omi nata Yehoba 'ina gamwasowala 'oimiya geya'abwa 'igumwagumwala.”

Yoni 12:46

Taugu bewa maedanaina yatauyama bale'uwa ma 'oinega taiyawedi 'omi 'eguma wahemisaegau, nata geya'abwa guguyou 'oina watautauya.

Yoni 5:24

“Coinega yahegwae bwaibwainigomi 'eguma taiyawedi 'omi 'igu gwae wahesagohedi ma wete 'agu Tohesumaneina wahemisae, nata yawasi miyamiya hatayaina waloba. Ma 'oinega heyatala 'ana tuta 'oina 'omi geya'abwa loina walobaloba. Weyahina 'omi 'amasa 'ina tupwa wa'ebesineya ma wahabala yawasi hauhauna 'ina tupwa.

2 Pita 3:13

ma tauda tayamwayamwa ma galewa ta bale'u hauhaudi ta'itadi, gidemusa Yehoba mwalo 'igwae hemisa pwaiya, ta tupwainaina 'oina mumuga bwebwe'anamo 'imiyamiya.

2 Pita 1:4

Ma wete 'ina gwae hemisa bwebwe'adi ma waiwaidi 'oidiyega mumuga bale'u 'ana nuwa'ubunao galadi wahasinedi, eema Yehoba 'ina mumuga bwebwe'ana waloba.

2 Timoti 1:1

Yauwedo Timoti 'owa natugu moisa, 'ino leta bewa taugu Paulo 'oiguwega. Taugu Yesu Keliso 'ana tohepwaila, Yehoba 'ina nuwatuhu gide ta yahepwaila yawasida bwebwe'ana weyahina, beno Yesu Keliso 'oinega. Tamada Yehoba ma 'ida Bada Yesu Keliso sihelauwego ta si'atemuyamuyaego ma 'oinega 'umiya daumwala.

Galetiya 3:29

ma mabwaiyada Ebalahamo 'ina susuwao, weyahina mabwaiyada Keliso 'ina bodao, 'oinega ta'eweya Yehoba 'ina gwae hemisa, beno Ebalahamo 'oina mwalo 'i'ebwaeya.

Loma 10:9

ma 'abehega Yehoba 'i'etolemegita 'eguma 'ahwadega tatagwatagwala ma tagwae, “Yesu 'owa 'igu Bada”, ma 'atedega tahemisae 'abehega Yehoba Yesu 'i'abihe toholohileya 'amasega.

Loma 5:12

Mwalo heneyage pui bale'uwa 'ilatuma loheya 'aigeda 'oinega, ta mumuga galana 'amasa 'itoeyama ee 'oinega 'amasa 'iyada tomota mabwaiyada 'oida, weyahina tomota mabwaiyada togala.

Loma 3:23

Weyahina mabwaiyada togala, ma tamiya bwagabwaga Yehoba 'ina 'asilala 'oinega.

Paihowa 16:31

Ma Paulo ma Sailasa sigwaeya, “Ceguma Bada Yesu 'oina 'uhemisa, nata 'owa ma'ino susuwao wete 'abihetena waloba.”

Yoni 20:31

Ma hesiyage hisadimo tuwa bewa yalelediya ma 'oinega wahasilidi ma Yesu wasanapu ma wahemisae 'abehega tauna moisa To'abihetena Yehoba natuna. Ma 'oinega Yesu saninega yawasimi miyamiya hatayana waloba.

Yoni 6:40

Tamagu bewa gide wete 'ina nuwatuhu ma 'abehega taiyawedi 'eguma taugu natunaina si'itegauwa ma sihemisaegauwa, nata yawasidi miyamiya hatayana siloba. Ma wete tuta 'ana 'ebe losaloha 'oina 'amasa 'oinega ya'abi hetoholo hiladi.”

Galetiya 3:17

Cana sanapu bewa Yehoba 'ina gwae hemisa 'ilagu nugeteya Ebalahamo 'oina, 'oinega bolime powa handeledi ma teti muliyetega Mosese 'ina loina 'ilatuwa. Ma geya sawasawahina ma gwae hemisaina 'iligehi bo nuwana 'ibui loinaina 'oinega, ma hesi gwae hemisaina 'ina waiwai 'abwa 'imiyamiya.

Galetiya 3:14

Ma Yesu Keliso 'oinega taudi hali boda 'asa ganamuli tomotaedi yaliyaya siloba, gidemusa yaliyayaina Yehoba 'igwae hemisaeya Ebalahamo 'oina, 'abehega mabwaiyada 'ida hemisega to'aha Yehoba 'igwae hemisaeya 'i'ebwaegita, beno Yaluyaluwa Tabuna.

Maki 16:16

Eema taiyewedi sihemisaegauwa wa'abihe babitaisowedi ma lema bwebwe'ana siloba, ma 'eguma taiyewedi geya sihemisaegau 'abwa loina galana siloba.

Loma 3:22

'abehega Yehoba mabwaiyada 'i'ahwa dumwaluwegita Yesu Keliso 'ana hemisa 'oinega, ma geya sowana 'eta taiya wete wataha 'i'abi'abihelatu tauda meYudiya ma tomiya ganamuli gamwagamwanida.