Galetiya 3:2 - Loina Nuahuana

² Coinega 'aigeda hesilala yahesilalegomi, “To 'eda 'oinega Yaluyaluwa Tabuna wa'eweya? Mosese 'ina loina 'ana paihowao 'oinega? bo Keliso tetelina wahesagoheya ta wahemisaeya?”

Galetiya 3:2 Referans Kwoze

Galetiya 3:14

Ma Yesu Keliso 'oinega taudi hali boda 'asa ganamuli tomotaedi yaliyaya siloba, gidemusa yaliyayaina Yehoba 'igwae hemisaeya Ebalahamo 'oina, 'abehega mabwaiyada 'ida hemisega to'aha Yehoba 'igwae hemisaeya 'i'ebwaegita, beno Yaluyaluwa Tabuna.

Paihowa 15:8

Ta Yehoba to'aha 'ateda simiyamiya 'isanasanapudi, ma taudi tomiya ganamuli 'oidiya 'itagwala pwaiya, ma Yaluyaluwa Tabuna 'i'ebwaediya gidemusa tauda meYudiya 'i'ebwaya 'esegita,

Galetiya 3:5

Caigeda wete hesilala: Yehoba tauna Yaluyaluwa Tabuna 'i'ebwa'ebwaya 'oimiya ta 'ina waiwaiyega 'imi paihowa waiwaidi wapaipaihowadi. Togidega 'ina 'ebwayaedi 'oimiya Mosese 'ina loinao 'adi paihowa 'oinega bo Keliso tetelina 'ana hemisa 'oinega?

Ibeliu 2:4

Ma Yehoba wete 'ihe'ita 'abehega gwaeina gwae moisa, beno 'ila'ilala ma hedehedede ma paihowa waiwaidi 'oidiyega, ta wete Yaluyaluwa Tabuna 'ina heguyai 'oida 'oinega. Ma 'ina 'eheleyedi Yehoba 'ina nuwatuhu gide, ta Yaluyaluwa Tabuna ginaulaedi 'oida 'iheguyaiyediya.

Paihowa 8:15

ta siteluwaedi sisuluwa Sameliya 'oina, ma tohemisao hauhaudi weyahidi si'ahwa'ahwanoi ma 'abehega Yaluyaluwa Tabuna 'iluhu 'oidiya.

Paihowa 2:38

Coinega Pita 'igwaeya, “Cimi paihowa galana 'oidiyega wanuwabui, ma mabwaiyami To'abihetena Yesu saninega 'ada 'abihe babitaisogomi, ma wete 'imi puiyao 'inuwasamudi, ta wete Yaluyaluwa Tabuna 'i'ebwaegomi.

Ibeliu 6:4

Weyahina taiyawedi mwalo Yehoba weyahina nuwadi 'isabwalena, ta helauina galewega silotohoya, ta Yaluyaluwa Tabuna 'ina 'abihetena 'oidiya silotohoya,

Loma 1:17

Ta moisa tuwa tetela bewa 'ihe'itegita 'abehega 'ida hemisamo tuwa 'oinega Yehoba 'i'ahwa bwebwe'anegita. Weyahina Yehoba 'ina buki 'ihepwaila, 'igwaeya, “Todumwalu 'idi hemisega yawasidi siloba.”

1 Pita 1:12

Ma Yehoba palopitaowedi 'ihe'itediya 'abehega gwae hemisaedi sihepwaila nugetediya geya taudi siboi weyahidi ma 'omi hesi weyahimi, ma nuwatuhuwedi mwalo weyahidi sigwae pwaiya bewa wahesagohediya wasa bwebwe'ana 'ana tohepwailao 'oidiyega, beno Yaluyaluwa Tabuna galewega 'ina waiwaiyega. Ma nuwatuhuwedi sihegwaegomiya, aneloseyao galewa nuwanuwadi ma taudi wete sida sanapu, ma hesi geya si'ita.

2 Kolinita 11:4

Coinega 'eguma taiya 'itautauyawa ma Yesu tetelina 'oimiya 'ilohatotowe ma geya tauma 'ima lohatoto gide, tauna 'oina watagwa tagwalegomi. Comi wasa bwebwe'ana 'oina watagwala pwaiyegomiya ta Yaluyaluwa Tabuna 'oimiya walotohoya, ma tuwa hali tetela ma hali yaluyaluwa 'oidiya watagwa tagwalegomi.

1 Kolinita 9:21

Ta wete taudi Mosese 'ina loinao geya 'oidiya 'eguma ba'idagwao 'amiyamiya yamumuga 'esa taudi gidemusa ma 'abehega yalemedi. Ta hesi geya'abwa 'agu loina Keliso 'oinega yaligeligehi.

Galetiya 3:3

Yauyauleimi! Cimi tapwalolo 'ina hegaina wasanapuya 'abehega Yaluyaluwa Tabuna 'oinega, 'oinega geya'abwa watohotoho ma 'imi tapwalolo wada losalohi waboi 'imi paihowamo 'oinega!

Ibeliu 4:2

Moisa, wasaina 'i'ebwaegita, taudi wete mwalohene 'i'ebwaediya, ta wasaina geya 'ilemedi, weyahina sihesagoheya ta geya sihemise.