Galetiya 3:19 - Loina Nuahuana

¹⁹ Ma to'aha weyahina loina 'ilatuwa? Loinaina 'i'abilatuheya 'oida 'ida puiyao weyahidi, ma 'oida 'imiyamiya 'ana siga Ebalahamo 'ina susu tauna Yehoba 'igwae hemisaeya 'ilatuma. Ma loinaina aneloseyao 'oidiyega Yehoba Mosese 'i'ebwaeya, ta Mosese 'i'ebwaeya tomota 'oidiya.

Galetiya 3:19 Referans Kwoze

Paihowa 7:53

Ta 'omi mwalo aneloseyao Yehoba 'ina loina si'ebwaegomiya, ma hesi geya wada muliyeya.”

Ibeliu 2:2

Mwalo aneloseyao Yehoba 'ina gwae sihepwaileya tomota 'oidiya, ma gwaeina gwae moisa, 'eguma tomota geya sida muliyediya, beno 'idi pui, ta 'ana maisa silobeya.

Galetiya 3:16

Gidemusa wete Yehoba 'ina gwae Ebalahamo ma 'ina susu 'i'ebwaediya 'imiya hataya. Geya 'abehega Buki He'asisi 'igwaeya “Susuwao 'oidiya,” ma hesi 'ina susu 'aigeda tuwamo, beno Keliso.

Loma 4:15

Ma loina 'oinega Yehoba 'ina gamwasowala 'oida 'ilatuwa, weyahina loinaina taligehiya. Ma hesiyage 'eguma Mosese 'ina loinaedi geya 'ilagudi, geya sowana taligehidi.

Loma 2:13

Geya 'abehega loinaina 'ana hesagohamo 'oinega Yehoba 'i'ahwa dumwaluwegita, ma hesiyage 'ina loina 'ana paihowa 'oinega.

Paihowa 7:38

“Ma wete Moseseina yoho 'awawa tubudao mabwaiyadi ba'idanao 'oya Sainai 'oina simiyamiya, ma anelose Mosese loina bwebwe'ana yawasida weyahina 'i'ebwaeya.

Yoni 15:22

Ma 'eguma mwalona geya'abwa 'oidiya yatautauya ma 'oidiya yahehepwaila, geya'abwa wete 'idi pui 'oidiya sida miyamiya. Ma hesi yatauya pwaiya 'oidiya ta wete yagwae pwaiya 'oidiya. Coinega geya sowasowahidi ma 'idi puiyedi weyahidi sigwae hila.

Yoni 1:17

Yehoba 'ina loina Mosese 'oinega silatuwa. Ma hesi helau moisa ma mumuga bwebwe'adi Yesu Keliso 'oinega silatuma.

Ibeliu 2:5

Cahegwae pwaigomiya tupwaina 'abwa taloba weyahina, ta Yehoba aneloseyao sahena 'idi loina 'i'ebwa'ebwaedi tupwaina 'oina,

Luke 16:31

Ta Ebalahamo wete 'igwaeya, ‘Ceguma Mosese ma palopitao 'idi gwae geya sihemisaedi, geya'abwa wete 'aigeda taiya sihehemisae, bwagana 'eguma 'aigeda to'amasa 'itoholo hila ma 'itauya 'oidiya.’”