Galetiya 2:21 - Loina Nuahuana

²¹ Coinega geya'abwa Yehoba 'ina helauina yalologwahate. Geya'abwa tanuwanuwatuhu 'abehega Mosese 'ina loinao 'adi hematamatana 'oinega Yehoba 'ida 'ahwa bwebwe'anegita. Beno gide Keliso 'ina 'amasaina 'iheginaula besobeso.

Galetiya 2:21 Referans Kwoze

Loma 11:6

Cetolihasaina 'alobeya, geya 'abehega 'ima paihowa 'oidiyega ma hesi Yehoba 'ina helau 'oinega, weyahina 'eguma helau ma'ana maisa, beno geya helau moisa.

Galetiya 3:21

Geya'abwa wanuwanuwatuhu 'abehega Mosese 'ina loina 'ilo'aleheya Yehoba 'ina gwae hemisa. Geya. Weyahina geya 'eta wete loina sawasawahina ma yawasida 'i'ebwaegita, bo 'ida mumugao 'ida 'abihe bwebwe'anedi. Geya.

Ibeliu 7:11

Libai tubunao taudi 'idi paihowa beno Yehoba 'ina loinao meIsileli tauda sihe'itegita, ta loinaina geya sawasawahina 'i'abihedumwalu bwaibwainigita, 'oinega nuwanuwada 'aigeda topwaoli hauhauna ma 'i'abihe dumwalugita, topwaoliina gide Melikisedeki, ma geya Eloni matubunao gide.

1 Kolinita 15:14

Coinega 'ima loguguyaedi tuwa ginaula bwagabwaga, eeta 'imi hemisaina Keliso 'oina beno hemisa bwagabwaga.

Galetiya 2:16

eeta tasanapuya 'abehega Yehoba sowasowana mabwaiyada 'i'ahwa bwebwe'anegita geya Mosese 'ina loina 'ana hematamatana 'oinega, ma hesi Yesu Keliso 'ana hemisa 'oinega. Weyahina tauda 'ida hemisa Yesu Keliso 'oina talaguya ma 'oinega Yehoba 'i'ahwa bwebwe'anegita. Ma hesi 'ida hemisa geya Mosese 'ina loina 'ana hematamatana 'oina talagulagu, weyahina Yehoba geya 'eta tomota 'i'ahwa'ahwa bwebwe'ane Mosese 'ina loina 'ana hematamatana 'oinega.

Loma 10:3

Cedaina sihemata hwadiyeya, 'oinega siboidimo 'idi nuwatuhu simuliyediya ma 'abehega 'oidiyega Yehoba 'i'ahwa dumwaluwedi, ta si'aipate 'asaya, weyahina Yehoba 'ina nuwatuhuina 'adi 'ahwadumwalu weyahina geya sihemise.

Galetiya 2:18

Taugu 'eguma yalohihila ta 'igu hemisa Mosese 'ina loinao 'oidiya yalagu, beno yagala.

Loma 8:31

Ma moisa Yehoba 'ina helau 'imadou hedadeya. Ta 'eguma Yehoba mahetedai, nata 'i'abihetegita, eeta geya sowana 'eta taiya 'ilolo'alehegita.

Maki 7:9

Ma wete 'igwaeya, “Cabehega 'omi tosanapu moisa, ma hesi geya; weyahina Yehoba 'ina loinao waguiguipailedi, ma hesi tubumiyao mumugadi wa'abi'abi yahidi.

1 Kolinita 15:17

Ta Kelisoina wete wahemisa bwagabwaga, ma 'oinega 'imi puiyao tuwa 'abwa simiyamiya 'oimiya.

Loma 4:25

Tauda tuwa 'ida pui weyahina Yesu 'i'amasa, ma Yehoba 'i'abihetoholo hileya, ta beno 'oinega 'ideuligita ma 'i'ahwa dumwaluwegita.