Galetiya 2:1 - Loina Nuahuana

¹ Coinega bolime potini sigumwala, Banaba mahetegu 'ahanehila Yelusalema, ta wete Taito yatoeya, ba'idamai 'ahaneya.

Galetiya 2:1 Referans Kwoze

Galetiya 2:3

Ma Taito 'i'wayabumaiya ta 'ahaneya Yelusalema, tauna gwama Gilisi 'aigeda, geya gwama Yudiya, ma hesi tohanugetaowedi geya Taitoina siloinae ma 'abehega 'wapina si'upwa 'ana 'ila'ilala gidemusa meYudiya taudi.

Taito 1:4

Taito, 'owa ya'ahwa natunegowa moisa 'ida hemisa 'aigeda, 'oinega Tamada Yehoba ma 'ada to'abihetena Yesu Keliso 'idi helauwega si'abihetego ma 'umiya daumwala.

Kolose 4:10

Alisitako ba'idagu deliya 'amiyamiya, ta 'ina loyauwedo 'oimiya bewa yahepwaileyawa. Ma wete Maki, tauna Banaba nibaina. (Mwalo yahenuwa laguwegomiya Maki weyahina, 'eguma 'itautauyawa wabwauwe 'imi hada.)

Galetiya 2:13

Coinega meYudiya baibaiwadi wete si'abowa, ta Banaba wete 'idi 'aboina 'imuliyeya, beno 'abehega tohekalesiyao taudi 'asa ganamuli 'oidiyega geya'abwa sida 'ai'ai mahetediyao.

Galetiya 1:18

Coinega bolime 'etoi mulina yahaneya Yelusalema ta Pita yahabo'eneya, eeta nobwa mahetegu sabwelo pipitini 'amiyamiya.

2 Kolinita 8:23

Taito wasanapuya 'abehega ba'idagu 'apaihowa mahemahetena 'ami lema weyahina, ma tasidaowedi taudi tohekalesiyao weyahidi sipaipaihowa, ta weyahina tomota Keliso sihepwatuweya.

2 Kolinita 8:16

Yehoba 'oina yaloyauwedo, weyahina Taito 'ina nuwatuhu madouna 'i'ebwae pwaiya, ma tauna 'i'abihetegomi, gide tauma wete 'ima nuwatuhu.

1 Kolinita 9:6

Taugu ma Banaba geya hesi 'oima gidemusa wada paihowa 'esa. Tauma 'aboi 'a'ita'ita yahimai, 'ima paihowa 'ana maisa 'oidiyega.

Paihowa 15:25

Ma tauma bewa 'a'eto'auta pwaima, ta 'ima nuwatuhu 'aigeda 'oinega tupwana 'ima loheloheyao 'ahesinuwediya, ta 'iyadao Banaba ma Paulo mahetediyao 'ahewasaediya 'oimiya.

Paihowa 14:12

Ma bodaedi Banaba sibwauweya Yupita ma Paulo sibwauweya Mekiuli, weyahina tauna 'idi togwae. Saniyedi bewa 'idi yehobao sanidiyao, beno Yupita ma Mekiuli.

Paihowa 13:50

Ta hesi meYudiya Paulo ma Banaba silo'alehedi, ma silolomugiyedi wahiwahine 'alawatao taudi totapwalolo 'oidiya, ma wete 'asa 'ana babadao 'oidiya, ta taudi wete silolo'aleha Paulo ma Banaba 'oidiya, ta sipa'idiya, ma tupwaina si'ebesineya.

Paihowa 13:2

Taudi sitapwatapwalolo ma'idi hudi Yehoba 'oina, ta Yaluyaluwa Tabuna 'ihegwaediya, 'igwae, “Nuwanuwagu Banaba ma Saulo 'igu paihowa 'aigeda weyahina, 'oinega 'omi watagwaledi paihowaina 'oina.”

Paihowa 12:25

Ta Banaba ma Saulo 'idi paihowa Yelusalema 'oina silohegumwaliya, ma sisulu hilama Anitioki 'oina, ta Yoni sitoeyama ba'idadiu. Yoniina sanina heluwena Maki.

Paihowa 11:30

Coinega si'ehele nugeta ta mane silobeya, ma tutaina gomale 'ilatuwa 'oina si'ebwaediya Banaba ma Saulo taudi sitauyeya Yelusalema 'oina, tohekelasiyao 'idi babadao 'oidiya.

Paihowa 11:25

Muliyetega Banaba 'itauya Tasisi ma Saulo 'i'ebeseya,

2 Kolinita 2:13

ma hesi yanuwatuhuya madouna weyahina tasigu Taito geya yaloba. Coinega meTilowasi ya'ebesinediya ma yatauya Masidoniya.

Galetiya 2:9

Coinega tohanugetaedi, Yemesa ma Pita ma Yoni, taudi Yehoba 'ina helau 'oiguwa si'ita lobeya, eeta sitagwala Banaba ma taugu 'oima, ta mahetemayao 'anima'abiya. Ee, sitetoiyedi tohekalesiyao si'ahwa tonugetaediya, sitetoiyedi sitagwala 'oima ma 'abehega taugu ma Banaba 'atauya tomiya ganamuli 'oidiya, ma taudi hesi sitauya meYudiya dimo 'oidiya.