Epeso 6:9 - Loina Nuahuana

⁹ Comi babadao wete wamumuga bwaibwaina 'imi topaihowao 'oidiya, ma geya'abwa waheheliyedi, ma wanuwatuhuyahi 'abehega mabwaiyami 'omi ma taudi 'imi Bada galewa 'imiyamiya, eeta 'ina loina 'oimiya mahemahetena mabwaiyami weyahimi, geya hagana ma hagana.

Epeso 6:9 Referans Kwoze

Kolose 3:25

Ma hesi taudi togalaedi nata 'ihemaisedi ginaula galadi 'oidiyega, weyahina 'ina loina 'aigeda tuwa tomota mabwaiyada 'oida.

Paihowa 10:34

Ta Pita 'ihegwaediya 'igwae, “Moisa! Bewa nuwagu 'isabwalena 'abehega tomota mabwaiyadi Yehoba matana mahemahetena, ma geya meYudiyamo 'ihelauwedi,

Loma 2:11

Yehoba nata mabwaiyada 'iloinaegita mahemahetena.

Luke 6:31

Ma 'eguma to'aha nuwanuwami ma tomota 'oimiya sipaihowe, 'omi wete gide 'oidiya wapaihowa 'ese.

Madiu 7:12

Ma 'eguma nuwanuwami to'aha ma tomota 'oimiya sipaihowa, beno 'omi wete gide 'oidiya wapaihowa 'ese, weyahina bewa Mosese ma palopitao 'idi loina 'ana bwagila.

Yemesa 2:13

Weyahina 'eguma taiya geya 'iyanao 'i'atemuyamuyaedi, Yehoba gidemusa gesowana loheyaina 'i'atemuyamuyae. Ta 'eguma taiya to'atemuyamuya geya'abwa Yehoba 'ina bwa'omatana 'imatamataute.

Yemesa 2:8

Ta 'ida Bada 'ina loina madouna Buki He'asisi 'oina 'igwaeya, “Ciyamwao 'uhelauwedi gidemusa 'owa 'uhehelauwego.” Loina bewa 'eguma 'umuliya bwaibwaini, beno mumuga bwebwe'ana.

Yoni 13:13

Comi wabwauwegauwa 'abehega taugu Tohe'ita ma wete 'imi Cinapwana. Ta beno moisa, geya wa'abo.

Yemesa 5:4

Ma 'imi tanoha 'adi topaihowao geya wahemaisa bwaibwainidi, 'oinega topaihowaedi 'idi lomugi ta 'idi dou Yehoba Tohewaiwai tauna 'ihesagoheya.

1 Kolinita 7:22

Moisa, topaihowa bale'uwa 'eguma Keliso 'oina sihemihemisa, Yehoba sawasawahina 'idi puiyao 'oidiyega 'ilihasidi, ta wete loheya madoudi 'eguma Keliso 'oina sihemisa, sihe'ali'e tauna weyahina.

Madiu 24:51

nata hadega 'ipa'i ma maisa galana 'i'ebwae to'abowao 'idi tupwa, nage 'oina sidou ma sihesala'i'ita, muya 'oinega”.

Madiu 24:48

“Ma hesi 'eguma topaihowa 'imumuga galana ma 'iboinamo 'oina 'igwae, ‘Cigu bada 'abwa 'iheheboi,’

Madiu 22:10

“Coinega silatuwa 'edai ma tomota baibaiwadi sihe'autedima, tupwadi togala ma tupwadi tobwebwe'adi, ma 'oinega hai 'ana hadaina silohemaheya.

Madiu 22:8

“Ma kiniina 'ina topaihowao 'oidiya 'igwaeya, ‘Hai 'e'ahaina 'atu'atububuina, ma hesi taudi yahenuwa laguwediya geya sawasawahina ma sinaoma.

Kolose 4:1

Ma 'omi babadao waloina dumwalu 'imi topaihowao 'aigeda 'aigeda 'oidiya, weyahina wanuwatuhuyahi 'abehega 'omi 'imi Bada 'imiyamiya galewa.