Epeso 6:23 - Loina Nuahuana

²³ Helau ma hemisa ma yaliyaya Tamada Yehoba ma Bada Yesu Keliso 'oidiyega, 'omi 'iyagwao moisa 'oimiya.

Epeso 6:23 Referans Kwoze

Galetiya 6:16

Ma mabwaiyada 'eguma loina bewa tamulimuliye, eema Yaluyaluwa Tabuna 'igihe'ehaugita, tauda Yehoba 'ina susu meIsileli moisa, ta 'ina helauwega tamiya daumwala.

1 Pita 5:14

Coinega wahelau hilegomi 'aigeda 'aigeda 'oina, ma wa'atusapwali hilegomi helau moisega. Ma 'omi Keliso 'ina tomotaiyao wamiya yaliyaya. Taugu Pita.

Galetiya 5:6

Moisa, Yesu Keliso 'oina meYudiya 'adi 'ila'ilala geya 'i'abihe dumwaluwegita, beno 'wapidi si'upwa'upwa, ma wete 'eguma 'wapi 'upwaina talogwahate geya'abwa 'ada 'ahwadumwalu talobaloba. Beno tuwa 'eguma Yesu tahemise ma tahelauwe, tauna 'ada to'abihedumwalu.

1 Timoti 1:14

Ma 'ida Badaina 'ihelauwegauwa madouna ma hemisa ma helau Yesu Keliso 'oinega 'i'ebwaegauwa.

Heꞌitaꞌita 1:4

Taugu Yoni 'imi leta yaleleyawa 'omi boda hekalesiya tupwa sebeni Esiya 'alona. Helau ma nuwadaumwala 'oimiya Yehoba 'oinega, wete yaluyaluwa sebeni 'oidiyega, wete Yesu Keliso 'oinega. Tauna Yehoba mwalo hene, ta tuta bewa, eema tuta 'inaonaoma 'oidiya 'imiyamiya, ma yaluyaluwaedi sebeni taudi Yehoba 'ina wagahata wasawasaina matana simiyamiya.

1 Timoti 1:3

Mwalo 'ane tutenina ya'ebesinegowa ma yatauya Masidoniya, ma yahenuwa lagugowa, yagwaeya, “Sahena 'utautauya. Cebwa tuwa Epeso 'oina 'umiyamiya, ma 'ane tomota tupwadi 'u'ausidi ma sahena he'itao hagana ma hagana sihehe'itadi.

2 Tesalonaika 3:16

Cida Bada tauna nuwadaumwala huhuna ma 'i'abihenuwa bwebwe'anigomi, ma 'i'abihe yaliyayegomi tuta mabwaiyana, ma ba'idamiu wamiya hataya.

2 Tesalonaika 1:3

Ciyamayao, 'ilobwainemaiya tuta mabwaiyana 'aloyauwedo Yehoba 'oina, 'imi hemisao ma 'imi helauwao waboi 'oimiya 'adi madou weyahina.

1 Tesalonaika 5:8

Ma tauda hesi gide 'asi'asilalada, 'oinega taboi ta'itayahigita, ma yaluyaluwada tahabodebode, Yehoba 'ana hemisa ma 'ana helau 'oidiyega, ma wete 'ida nuwatuhuyahi 'ada 'abihetena 'abwa taloba 'oinega.

1 Kolinita 1:3

Cida Badaina Yesu Keliso ma Tamada Yehoba 'idi helauwega tuwa wamiya daumwala.

Loma 1:7

Tamadai Yehoba ma 'ida Bada Yesu Keliso 'idi helauwega tuwa wamiya daumwala.

Yoni 14:27

“Ma hesi taugu sauga 'i'iunamo ma ya'ebesinegomi, 'oinega taugu tuwa 'igu nuwadaumwala 'oinega nuwadaumwala ya'ebwaegomi. Nuwadaumwala bewa geya gidemusa mebale'u 'oidiyega, 'oinega sahena nuwami sihehelahalaha bo 'atemi siyohoyoho.

1 Timoti 5:8

Ma 'eguma taiya 'ina susuwao bo natunao geya 'ida 'itayahidiya, beno tauna Yehoba 'ina he'ita 'ilogwahateya, ma tauna togala hedada 'abwa taudi Yehoba 'ana touhalao.

Loma 15:33

Yehoba mahetemiu, tauna nuwadaumwala moisa lamuna. Emeni.

2 Kolinita 13:11

Ciyagwao kaiyoni. Cigu lohatoto wada hesagohe ma wanuwabui. Wete 'imi nuwatuhu 'aigeda 'oinega wada miya siwaloha, ma Yehoba tauna helau ma nuwadaumwala huhudi ba'idamiu wada miya yaliyaya.

Epeso 6:24

Ta wete taiyawedi ba'idamiyao, 'eguma 'ida Bada Yesu Keliso sihelau hataeya, tauna 'ina 'atemuyemuyega 'ida helauwedi wete. Taugu Paulo.

3 Yoni 1:14

ma tuwa, weyahina yanuwatuhu yahiya 'abehega 'abwa yatauyawa ma 'owa mahetegu tahegwaegwae.