Epeso 5:21 - Loina Nuahuana

²¹ Cimi he'asisi Keliso 'oina gidemusa wete 'omi waboi wahe'asisi hilegomi, ma loina wahematamatanedi.

Epeso 5:21 Referans Kwoze

Pilipai 2:3

Geya'abwa wanuwanuwa hane, nuwana wahehe'ipi'ipi, ma hesi wanuwasulu ma 'iyamiyao sanidiyao wagilagasidi.

Epeso 5:24

eeta tohekalesiyao tauda Keliso 'ina gwae tahematamatanedi, 'oinega gide wete wahiwahine 'ilobwainediya ma mwanediyao 'idi gwae ginaula mabwaiyadi weyahidi sida hematamatanedi.

Epeso 5:22

Comi wahiwahine haihainimi mwanemiyao 'idi gwae wahematamatanedi, gidemusa 'imi hematamatana Keliso 'oina,

1 Pita 5:5

Coinega wete 'omi tubu hanehaneyao sowasowana babadao wahe'asisiyanedi, ma mabwaiyami wanuwadobi ma 'aigeda 'aigeda 'oimiya wahelemalema hilegomi. Gidemusa tuwa Buki He'asisi 'ina gwae gide, 'igwaeya, “Yehoba tonuwahane 'i'ausidi, ma hesi tonuwadobi 'ihelauwedi.”

Ibeliu 13:17

Cimi tohanugetao 'oidiya wahematamatana ma watagwalegomi 'idi loinao 'oidiya, weyahina yaluyaluwami si'ita'ita yahidi, ma 'oinega tuta 'inaonaoma 'oina 'imi mumuga weyahina sihepwaila Yehoba 'oina. Coinega 'ilobwainegomiya watoho ma wasami weyahina ma'idi yaliyaya Yehoba 'oina sihepwailegomi, ma hesi sahena ma'idi mwadina, 'amuge ma loina mwauna waloba.

1 Pita 2:17

Coinega tomota mabwaiyadi wahe'asisiyanedi, ma taudi Yesu 'ana tohemisao wahelauwedi. Yehoba 'oina wahe'asisi madouna, ma wete toloinaina kini wahe'asisiyane.

1 Timoti 3:4

Cilobwaineya tauna 'ina hada 'adi tomiyanao 'ihanugete bwaibwainidi, ma 'ane natunao 'ina gwae sihesagohe ma'idi he'asisi.

Galetiya 5:13

Ciyagwao, Yehoba 'ihesinuwa pwaigomiya ta lihalihasimi. Lihalihasimi ma hesi geya'abwa mumuga bale'u wamulimuliyedi. Mumugami hesi helau 'ina loinega watauya, ma waboimo wahelemalema hilegomi.

1 Timoti 2:11

Ma wete tapwalolo 'alona ma 'idi nuwatagwala he'ita sihesagohe, ma sahena sigwaegwae.

1 Kolinita 16:16

'oinega yahenuwa lagugomi ma 'idi gwaeyao wamuliyedi, ma taiyawedi wete mahetediyao Keliso weyahina sipaipaihowa taudi wete wamuliyedi.

1 Pita 2:13

Comi Badaina 'ina boda, 'oinega 'ilobwainegomiya ma loina mabwaiyana bale'uwa wahe'asisiyanedi, gidemusa kini 'ina loina 'oina watagwalegomi, weyahina tauna toloina madouna,

2 Kolinita 7:1

Ciyagwao, Yehoba 'ina gwae hemisaedi tahesagohediya, 'oinega wahida ma yaluyaluwada ta'abihe 'asilaladi ginaula bi'ibi'idi 'oidiyega, ma tahe'ehau moisa ta ma'ida he'asisi Yehoba 'oina.

2 Kolinita 5:11

Bewa weyahina tauna Badaina 'amatauteya ta tomota 'oidiya 'alohatotowa. Yehoba 'ima mumuga 'isanasanapu ma yanuwatuhu yahiya 'omi wete wasanasanapumai 'abehega bwebwe'ama.