Epeso 4:12 - Loina Nuahuana

¹² Ma mabwaiyada 'ida paihowa 'aigeda 'aigeda beno tohekalesiyao 'adi lema ma sihewaiwai, beno Keliso wahina 'ina sinasinabwa weyahina,

Epeso 4:12 Referans Kwoze

Epeso 4:16

Weyahina tauda Keliso wahina yahunao ma 'igihewaiwaiyegita gide wahinaina 'ana walowalowao, ma 'ana tubweyao mabwaiyadi 'idi paihowega sihelemalema ma helauwega simadomadou ta sihewaiwai.

1 Kolinita 12:27

Coinega 'aigeda 'aigeda tauda Keliso yahunao,

Loma 15:14

Ciyagwao, yasanapu bwaibwainigomiya 'omi tomota bwebwe'ami ma sanasanapumi, sawasawahimi wete 'iyamiyao 'oidiya 'eda'eda bwebwe'ana wahe'ita.

1 Kolinita 14:26

Ciyagwao, 'eguma tapwalolo weyahina waluhuluhu, 'aigeda tomota wali 'i'ahala lagasi, 'aigeda 'ihe'ita, 'aigeda lotohona hauhauna 'ihepwaila hapwese; ma 'aigeda hali 'enana 'oinega 'igwae, ma 'aigeda gwaeina 'igibui, eeta paihowaedi 'oidiyega boda silemedi.

Loma 14:19

Eeta tatoho ma tamiya daumwala eema 'ane tahe'abi 'abihetena mahetedao.

1 Timoti 1:12

Ma wete 'ida Bada Yesu Keliso 'i'abihewaiwai yegauwa 'igu paihowa bewa weyahina, 'oinega yaloyauwedo, weyahina 'ihemisaegauwa, ma paihowaina 'i'ebwaegauwa.

1 Kolinita 14:12

Yauwedo 'iyagwao, nuwanuwami ma Yehoba Yaluyaluwana 'ina heguyai 'oimiya wa'ewadi, 'oinega 'ilobwainegomiya ma watoho ma 'ami heguheguyaiyedi 'oidiyega tohekalesiyao wa'abihe waiwaiyedi.

Ibeliu 13:17

Cimi tohanugetao 'oidiya wahematamatana ma watagwalegomi 'idi loinao 'oidiya, weyahina yaluyaluwami si'ita'ita yahidi, ma 'oinega tuta 'inaonaoma 'oina 'imi mumuga weyahina sihepwaila Yehoba 'oina. Coinega 'ilobwainegomiya watoho ma wasami weyahina ma'idi yaliyaya Yehoba 'oina sihepwailegomi, ma hesi sahena ma'idi mwadina, 'amuge ma loina mwauna waloba.

Ibeliu 6:1

He'ita nugenugetana Keliso weyahina wahesagoha pwaidiya ta wasanapudiya, 'oinega nuwanuwagu sanapu hauhaudi Keliso weyahina yahe'itegomi ta 'imi nuwatuhu 'oidiya waheloheya. He'itaedi tahesagoha pwaidiya ta tasanapudiya sahena talolohilahiladi. He'itaedi bewa: 'ida mumuga mwalo galadi 'adi logwahata, 'ida hemisa Yehoba 'oina,

2 Kolinita 6:3

Cabihetena bewa tomota mabwaiyadi weyahidi, genuwama ma 'aigeda taiya 'ilolomugiyemai 'ima paihowao weyahidi. Geya 'aigeda wete 'ebe'etoboda 'alagulagu,

2 Kolinita 5:18

Cehele bewa Yehoba 'oinega, tauna Yehobaina Keliso 'ina paihowega 'itoegita tauna 'oina ta ba'idadai tahe'iya'iyagu hila, ma wete 'ida paihowa 'i'ebwaegita ma tomota ta'ewedima he'iya'iyaguina 'oina.

Luke 22:32

ma sahena 'ebetohoina 'oina 'uwe'awe'a, weyahina weyahiu ya'ahwanoi waiwaiya 'ino toholo pa'ala weyahina. Coinega 'eguma to tuta ma 'unuwahilama 'eda 'ausalana 'oina, tasimwao wete 'u'abihe waiwaiyedi.”

2 Timoti 4:5

Ma 'owa sahena gide taudi. Sauga mabwaiyana 'utoholo pa'ala, ta 'ino miyamwau 'oidiyega 'u'alama'i'ita, ma wasa bwebwe'ana 'uhehepwaile. Bewa 'oinega ma 'ane 'owa topaihowa waiwaina Yehoba 'ina paihowa 'oina.

Kolose 4:17

Ma Alikipo wahegwae 'abehega, “Paihowaina Badaina 'i'ebwaegowa 'uhetapewa ma 'ulosalohi.”

Kolose 1:28

Tauna Kelisoina 'ahehepwaile, ma'ima sanapu moisa 'aloguguya ta 'ahehe'ita tomota mabwaiyami 'oimiya, ma 'abehega Keliso 'ana tohemisao 'omi ma 'a'abilatuhegomi mamumugami mabwaiyana bwebwe'ana ta matuwana.

Kolose 1:24

Coinega sauga bewa 'agu muya yalobaloba 'omi weyahimi, ma tuwa ma'igu yaliyaya. Taugu wahigu 'ina muya ma Keliso 'ina muya 'ilohegogoneya ta 'imadouwa, tohekalesiyao weyahidi, beno taudi Keliso wahina.

Epeso 1:23

weyahina tohekalesiyao tauda gide Keliso wahina yahunao, weyahina Kelisoina ginaula mabwaiyana sawasawahina tupwa mabwaiyadi 'oidiya.

2 Kolinita 12:19

Ciyagwao, sahena wanuwanuwatuhu 'abehega 'igu gwae bewa 'oidiyega ya'ahwa bwebwe'anegau matamiya. Geya, ma hesi mabwaiyana Yehoba matana Keliso 'ina gwae yagwaegwaeneyawa sabi 'abihe waiwaiyegomi.

2 Kolinita 7:1

Ciyagwao, Yehoba 'ina gwae hemisaedi tahesagohediya, 'oinega wahida ma yaluyaluwada ta'abihe 'asilaladi ginaula bi'ibi'idi 'oidiyega, ma tahe'ehau moisa ta ma'ida he'asisi Yehoba 'oina.

2 Kolinita 4:1

Cima paihowa bewa Yehoba 'ina 'atemuyemuyega 'i'ebwaemaiya, 'oinega sahena 'awe'awe'a.

2 Kolinita 3:8

Coinega tasanapuya 'abehega loina hauhauna Yaluyaluwa Tabuna 'oinega 'ina wasawasa madou hedade 'asilalaina.

1 Kolinita 14:14

Weyahina 'eguma hali 'enana 'oinega ya'ahwa'ahwanoi, 'enanaina 'ana sanapu geya yasanapu, weyahina yaluyaluwagumo 'i'ahwa'ahwanoi, ma hesi 'igu gwaeyedi geya yasanapudi, to'aha weyahina yagwaegwae.

Loma 15:29

Ma yasanapuya 'abwa 'igu habo'enaina 'oimiya bwebwe'ana weyahina Keliso 'ina helau madouna 'oiguwa 'imiyamiya, eeta 'abwa tayaliyaya mahemahetena.

Loma 15:2

Eeta 'aigeda 'aigeda sawasawahina 'iyadao ta'abihetedi ma 'ane 'idi hemisa 'ihewaiwai.

Loma 12:7

Ma 'eguma taiya 'abihetena 'isanapuya, nata 'iyanao 'i'abihetedi. Ma 'eguma taiya he'ita 'isanapuya, 'ihe'ita tuwa.

Paihowa 20:28

“Coinega tohanugetao 'omi waboi wa'itayahigomi, ta 'imi sipiyao wete wa'itayahidi, weyahina Yaluyaluwa Tabuna 'imi paihowaina 'i'ebwaegomiya ma tohekalesiyao walomata yahidi, weyahina 'ida Bada Yesu tomotaiyedi taudi bweyahinega 'igimwanediya.

Paihowa 20:24

“Ta geya hene yawasigu weyahina yanuwanuwatuhu ma yanuwahi. Beno tuwa 'igu 'eda nuwana 'igu paihowaina Bada Yesu 'i'ebwaegauwa weyahina yanuwanuwatuhu ta 'abehega yalosalohi, beno 'ada helau Yehoba 'oinega 'ana hepwaila.

Paihowa 11:23

Ta tutaina Banaba 'itauyama Anitioki 'oina, Yehoba 'ina helau tohekalesiyaowedi 'oidiya 'i'iteya ma 'iyaliyaya madouna, ta 'ilohatotodiya ma gesowana sihehenuwanaluwa, ma hesi sida toholo pa'ala ma'idi hemisa 'idi Bada 'oina.

Paihowa 9:31

Nage 'oina tohekalesiyao meYudiya ma meGalili ma meSameliya 'asaedi 'oidiya simiya daumwala, ma sipa'ala, ma'idi he'asisi 'idi Badaina 'oina, ma Yaluyaluwa Tabuna 'ina 'itayahina 'oinega 'adi boda 'imadouwa.

Paihowa 1:25

ma Yudasa miyalaena, ma tauna 'ihetopaihowa ma 'ihetohepwaila Yesu weyahina, weyahina Yudasa paihowaina 'i'ebesineya ta 'itauya tauna 'ina tupwa.”

2 Timoti 4:11

Luke 'iboi 'itupwa. Cino tauyama 'oina Maki 'utoeyama, weyahina tauna 'agu tolema bwebwe'ana.

Epeso 4:29

Sahena wete 'eta gwae galana wa'ina'inana, ma hesi gwae bwebwe'anamo tomota 'adi lema weyahina, to'aha tuta 'aigeda 'aigeda 'ana lobwaina weyahina wahegwaegwae, ma 'oinega taiyawedi taudi sihesagohegomi, 'imi gwaeyega nata lema siloba.

Epeso 4:4

Moisa, wahida 'aigeda, Yaluyaluwa Tabuna wete 'aigeda tuwamo, ma 'ibwauwegitama 'omi ma tauma, ma tanuwanuwatuhu 'ada lema 'aigeda tuwamo 'abwa taloba weyahina.

2 Kolinita 13:9

Coinega 'ima we'ao 'oidiya 'ayaliyaliyaya 'eguma 'omi wahewaiwai, ma wete 'a'ahwa'ahwanoi Yehoba 'oina ma watoholo pa'ala bwaibwaina.

1 Kolinita 12:7

Ma Yaluyaluwa Tabuna 'ina 'ehele 'aigeda 'aigeda 'oida beno mabwaiyada 'ada lema weyahina,

Loma 12:5

Tauda gidemusa Yesu Keliso yahunao, ma 'aigeda 'aigeda 'ida paihowao hagana ma hagana, ma hesiyage mabwaiyada Keliso 'oina taheboda 'aigeda ma tahe'abi 'abihetena.

2 Kolinita 13:11

Ciyagwao kaiyoni. Cigu lohatoto wada hesagohe ma wanuwabui. Wete 'imi nuwatuhu 'aigeda 'oinega wada miya siwaloha, ma Yehoba tauna helau ma nuwadaumwala huhudi ba'idamiu wada miya yaliyaya.