Epeso 3:16 - Loina Nuahuana

¹⁶ ta ya'ahwa'ahwanoi 'oina ma 'abehega 'ina wasawasa ma 'ina waiwai 'itagwala 'oimiya, ma 'ane Yaluyaluwana 'atemi 'igihewaiwaiyedi,

Epeso 3:16 Referans Kwoze

Kolose 1:11

Ma wete tauna 'ina waiwai madounega 'i'abihe waiwaiyegomi, ma 'imi paihowa mabwaiyadi 'oidiya wahe'alama'i'itanegomi, ma watoholo pa'ala, ta wete ma'imi yaliyaya,

Pilipai 4:13

sawasawahigu miya mabwaiyana 'oidiya yada yaliyaya tuwa, weyahina tauna mahetegu 'igihe waiwaiyegauwa.

2 Timoti 4:17

Ta 'igu yatalaina 'oina Yehoba 'i'abihetegauwa ta waiwai 'i'ebwaegauwa, ma tetelina mabwaiyana yahepwaileya tomiya ganamuli baibaiwadi 'oidiya, ma Yehoba 'ina 'abihetena 'oinega geya laiyoni 'oidiya siulegau.

2 Kolinita 4:16

Coinega geya 'awe'a. Bwagana wahida siwe'awe'a, ma hesi tuwa 'aloda tahehe'ehau sabwelo 'aigeda 'aigeda 'oidiya.

Epeso 6:10

Ciyagwao, Bada 'ina waiwai madounega wahewaiwai,

2 Kolinita 12:9

Ma 'igu 'ahwanoiina 'ihemaiseya 'igwaeya, “Sahena. Ma hesi 'igu helaumo sowasowahiu, ta 'ino we'a 'oina 'igu waiwai 'ulotohoya 'abehega sowasowahina.” Coinega 'igu we'ao weyahidi yayaliyaliyaya ma yada gwae gagasa, weyahina 'igu tuta we'a 'oidiya Keliso 'ina waiwai 'oiguwa 'imiyamiya.

Pilipai 4:19

Coinega 'igu Yehobaina 'imi nuwatuhuwao mabwaiyadi nata 'i'ebwaegomi, beno tauna 'ina wasawasa baibaiwa hedada Yesu Keliso 'ina paihowao 'oidiyega.

Loma 7:22

Ta yasanapuya 'abehega yaluyaluwagu nuwanuwana ma Yehoba 'ina nuwatuhu yapaihowa,

1 Kolinita 16:13

Ciyagwao wa'itayahigomi, ma ma'imi hemisa moisa watoholo pa'ala ma wahewaiwai,

Loma 9:23

Ma nuwanuwana wete 'ina wasawasaedi mwalo 'i'atububudiya tauda 'ihelauwegita weyahida, 'ihe'itae.

Kolose 1:27

Weyahina Yehoba nuwanuwana ma sanapu bewa mwalo dahwadahwaina ma bwebwe'ana hedade, 'abehega 'ilagulatuhe 'omi ganamuli 'oimiya, beno Keliso nuwamiya 'imiyamiya, ma tauna 'oinega wanuwatuhuyahi 'abehega tupwa wasawasa 'oina waluhu.

Epeso 3:8

Ma taugu gide wewelohe tohekalesiyao 'alodiya, ma tuwa 'ina helauwega paihowa bewa 'i'ebwaegauwa, 'omi tomiya ganamuli 'oimiya Keliso tetelina yaloguguyae, ma 'oinega 'ina wasawasa madou hedade wada 'italoba,

Epeso 1:18

ma wete 'atemiyega ginaulaedi bwebwe'adi weyahidi 'ibwauwegomiya wada sanapudi, ma wahemisa 'abehega 'abwa walobadi, ma wada sanapu wete 'ina heguyai madouna 'ina tomotaiyao tauda 'oida, beno tauna 'ina wasawasa 'oinega,

Madiu 6:13

Ma sahena 'utohotohomai, ma hesi togalaina 'oinega 'u'abihetemai.”

Epeso 1:7

Eeta Natuna bweyahinega 'ilihasigita 'ida puiyao 'oidiyega ta Yehoba 'inuwasamudiya, beno tauna 'ina helau madou hedada 'i'ebwaegita. Ta 'ana madou geya 'ana lihemo.

Ibeliu 11:34

'aiwe ganinisa madoudi sigibodiya, ta wete 'aleha 'oinega si'abihetediya, weyahina 'idi tuta siwe'a 'oina ma tuwa sihewaiwaiya, ma wete 'aleha 'oina sihewaiwai hedadeya, ta 'adi 'alehao baibaiwa hedade sipa'ipa'i lelewanedi.

1 Pita 3:4

ma hesi 'atemi wahepasadi pasaedi miyamiya hatayadi 'oidiyega, taudi gidemusa mumuga nuhana ma nuwadobi 'oidiyega, Wanuwatuhuyahi mumugaedi 'abehega ginaula madouna Yehoba matana.

Epeso 2:7

Bewa 'ipaihoweya ma 'abehega tuta sinaonaoma 'oidiya 'ina 'ehele madou hedadena 'ihe'itae, beno 'ina 'atemuyamuya ma 'ina 'abihetena Yesu Keliso 'oinega.

Epeso 3:15

tauna susu mabwaiyadi galewa ma bale'uwa lamudi,

Kolose 2:2

Ma 'ane wete taudi helauwega sihe'iya'iyagu moisa, ma'adi lotohona bwebwe'ana ta ma'idi sanapu moisa, 'oinega siyaliyaya madouna, weyahina sinuwa sabwalena sanapuina mwalo dahwadahwaina, beno Keliso.