Epeso 2:11 - Loina Nuahuana

¹¹ Comi geya meYudiya ta 'asa ganamuli tomotainao, ma meYudiyaedi taudi natudiyao loheloheyadi 'wapidi si'upwa'upwadi, 'adi 'ila'ilala sipaipaihowa, ma sisinaligomiya, weyahina geya wahimi 'adi 'ila'ilalamo.

Epeso 2:11 Referans Kwoze

Kolose 2:11

Ma wete Keliso 'oinega 'ami 'ila'ilala walobeya, gide 'upwa, geya 'wapimi 'oina, ma hesi bale'u mumugana 'atemiyega 'i'upwa yahuleya.

Kolose 2:13

Comi mwalo geya 'wapi'upwa* waloba, ta 'imi puiyao weyahidi gide 'ama'amasimi, ma hesi Keliso ba'idadai yawasi bwebwe'ana Yehoba 'i'ebwaegita, beno 'ida puiyedi 'inuwasamudiya.

Kolose 3:11

Coinega geya 'eta wataha 'imiyamiya ma 'abehega wagwae “Yudiya boda hagadi ma tauma boda hagama,” bo wagwae, “Taudi meYudiya 'adi 'ila'ilala si'upweya 'wapidiya boda hagana, ma taudi geya si'upwa boda hagadi,” nuwana taumanao bo tomiya pwatula boda hagadi, nuwana wete topaihowao ma babadao hali bodao. Ma tuwa Keliso 'ina boda mabwaiyada. Ma 'ateda Keliso 'iboi 'ilohegogonegita.

Kolose 1:21

Comi wete mwalo wamiya wasiwasiya, ta 'imi nuwatuhuwega Yehoba walo'aleheya, 'oinega wamumuga galagala.

Pilipai 3:3

Ma hesi tauda 'ada 'upwa 'ateda, ta geya 'wapida, 'eguma Yehoba 'oina ta'etuluha yaluyaluwanega, eema Yesu Keliso namo tahepwatuwe, ma sahena wasawasa bale'u 'oina tahehemisa.

Epeso 5:8

weyahina 'omi guguyou mwalo 'oinega wahabala pwaima Yehoba 'ina 'asilala 'oina, 'oinega ma'imi mumuga 'asi'asilalaina wapaipaihowa,

Galetiya 6:12

MeYudiya 'idi 'ila'ilala 'wapidiya 'ana to'upwao geya nuwadi 'igu loguguyaina bewa: 'ada 'abihebwebwe'ana taloba Keliso 'ina 'amasamo 'oinega, ma geya 'wapi 'upwa 'oinega. Coinega sihe'i'imigomiya ma 'idi 'wapi 'upwaina wa'ewa, ta 'adi boda 'ida hemadou, ma wete lo'aleha Keliso 'ina 'amasa kelose 'oina weyahina 'igumwala.

1 Kolinita 12:2

Weyahina mwalo tupwa guguyou 'oina wamiyamiya ta hali 'ebe hemisao 'oidiya watagwalegomiya, taudi geya sawasawahidi ma sigwae, ma hesi si'abowegomiya.

1 Kolinita 6:11

Weyahina tupwami mwalona mumugami gidemusa, ta hesi tuwa Yehoba 'ideuli pwaigomiya, ta wa'ehauwa, weyahina 'ida Bada Yesu Keliso saninega ma Yaluyaluwa Tabuna 'ina paihowa 'oinega 'i'abihedumwalu pwaigomiya.

Galetiya 2:15

Taudi geya meYudiya 'asa ganamuli 'oidiya togala tuwa, ma hesi tauda meYudiya,

Loma 2:26

Ma taudi tomiya ganamuli Ebalahamo 'ina 'ila'ilalaina geya wahidiya, ma 'eguma loinaedi sihe'asisiyedi, taudi 'adi 'ita gide 'abwa 'ila'ilalaina 'oidiya.

Loma 2:27

Coinega 'omi meYudiya 'abwa tomiya ganamuli sibwa'omategomi, weyahina Mosese 'ina loinaina ta Ebalahamo 'ina 'ila'ilalaina 'wapimiya simiyamiya, ma geya loinaedi wada muliyediya, ma hesi taudi geya meYudiya bwagana Ebalahamo 'ina 'ila'ilala 'wapidiya geya 'ida miya, ma tuwa hesi loinaedi simulimuliyedi.

Loma 11:17

Eeta taudi meYudiya gide tuwa Yehoba 'ina 'aiwe lahanao tupwadi silotalasa, ta 'omi 'oimiyega 'ihemiyalaenediya, weyahina 'omi hali 'aiwe lahanao ma 'ihesinuwegomiya, ta 'ina 'aiweina 'oina 'ilagu hepa'igomiya, ma 'ina 'aiweina 'oinega 'ana we'ahega wanumanuma, beno Yehoba 'ina helau walobeya.

Epeso 2:2

Moisa, mwalo mumuga bale'u wapaipaihowadi, weyahina yaluyaluwa galadi ma waiwaidi 'idi bada, tauna tomiya 'atamana 'awawa wahematamataneya. Ma tauna yaluyaluwaina taudi loina 'ana toligehao simulimuliye ma 'atediya 'imiyamiya.

Madiu 20:7

“Ma sigwaeya, ‘Weyahina geya 'eta taiya 'ibwauwemai sabi paihowa.’ Ta loheyaina 'igwaeya, ‘Comi wete watauya 'igu tanoha ma wapaihowa.’