2 Timoti 3:15 - Loina Nuahuana

¹⁵ Ma 'owa 'uboi wete 'ino tuta gwamega ma nige bewa Buki He'asisi 'ina gwae 'ana tohasila, ta 'ihehe'itego 'abehega 'ida hemisa Yesu Keliso 'oina sowasowana 'i'abihetegita.

2 Timoti 3:15 Referans Kwoze

Luke 24:45

Nage 'oina nuwadi 'i'abihe 'asilalediya ta Buki He'asisi sisanapuya.

Luke 24:27

Coinega 'ihegaina ma 'oidiya 'ilihasa to'aha gide Buki He'asisi 'ina hepwaila To'abihetenaina weyahina. Mosese ta palopitao 'idi bukiyao 'oidiyega 'ihegaina, ma Buki He'asisi mabwaiyana 'ilohegumwalidiya, ta 'oinega sanapu sida loba.

Madiu 22:29

Ma Yesu hesilala bewa 'ihemaiseya, 'igwae, “Bewa 'imi pui, weyahina Buki He'asisi geya wasanapu, ma wete Yehoba 'ina waiwai geya wasanapu.

2 Timoti 1:5

Ma wete 'ino hemisa moisa Yehoba 'oina yanuwatuhu yahiya, gide sinau Yunisi ma tubuu Loise Yehoba sihemisaeya moisa, ma yasanapugowa 'owa wete Yehoba 'uhemisae moisa.

Luke 2:40

Ta gwamaina 'imadouwa ta ma'ina waiwai, ma wete ma'ina sanapu, weyahina Yehoba gwamaina 'ihelauweya madouna.

Loma 16:26

ta bewa tutaina 'i'abi latuheya 'oida, palopitao 'idi leleyao 'oidiyega, ma wete Yehoba miyamiya hatayana 'igwaeya 'abehega tetela bewa 'asa mabwaiyadi 'ana tomotaiyao sida sanapu, ma 'ane sihemisa ma simuliye.

Loma 1:2

Tetela bwebwe'ana Yehoba mwalo 'igwae hemisaeya 'ina palopitao 'oidiya, ma sileleya Yehoba 'ina Buki 'oina.

Paihowa 10:43

“Palopitao wete mwalona sihepwaila nugeteya 'abehega 'eguma taiyawedi Yesu 'oina sihemisa, nata 'idi puiyao Yehoba 'inuwasamudi Yesu tauna saninega.”

Luke 24:32

Ta siteluwaedi taudi 'oidiya sigwaegwae, sigwaeya, “Moisa tutenina 'edai tanaonaoma, ma 'ilihalihasa Buki weyahina, 'ada lotohona hagana gide tuwa 'aiwe 'ateda 'isabesabelulu.”

Paihowa 17:2

Ta Paulo 'idi lotapwalolo 'oina 'iluhuwa, gidemusa tupwa mabwaiyana 'oidiya 'ipaipaihowa 'esa, ma nobwa Sabati 'etoi 'oidiya Buki He'asisi 'oinega 'ihe'ihe'ita ma ba'idanao sihehe'ohe'ohe,

Heꞌitaꞌita 19:10

Ma 'ahena yabe'u talutalubu'iya ta ya'e'etuluha 'oina, ma 'oinega 'igwaeya, “Geya'abwa gide. Taugu tuwa Yesu 'ina topaihowa 'owa gide, ma wete gide tasimwao taudi Yesu 'ana tohepwailao. Yehoba hesi 'oina 'u'etuluha.” Weyahina Yesu 'ana tohepwailao 'adi lotohona gide palopitao 'adi lotohona Yehoba yaluyaluwana 'oinega.

Paihowa 13:29

“Ta gwaeyedi Buki He'asisi 'oina sihepwaila nugeteya To'abihetena weyahina, mabwaiyana nage meYudiya sipaihowa pwaidiya, ta 'ina 'amasa mulina 'ana kelose 'oinega silagu suluheya ma sigaliheya.

2 Pita 3:16

Eeta nuwatuhuina weyahina 'ihepwaila 'ina lele nugenugetadi mabwaiyadi 'oidiya. Ma tupwana nuwatuhuwao 'ina letao 'alodiya 'adi sanapu mwauna, 'oinega tohenainaidao ma towe'ao nuwatuhuwedi sigibuidiya, ta Buki He'asisi 'ina leleyao wete sigibuidiya ma si'abo, 'oinega siboidimo sigihe galediya.

Luke 1:15

Weyahina natumiuina 'abwa sanina madouna Yehoba matana, ma hesi sahena waini ma we'aha waiwaidi 'inumanumadi, weyahina 'ina li'u 'oinega nata 'imaha Yaluyaluwa Tabunega.

Yoni 5:47

Ma hesi 'ina hepwailina geya wahemisae, 'oinega geya sowasowahimi ma 'igu gwae wahemisaedi.”

Paihowa 16:1

Paulo ma Sailasa 'idi sakowasi 'oina sitauya Debi ma Lisitila, ma Lisitila 'oina Yesu 'ana tomuliya 'aigeda silobeya, sanina Timoti, tauna sinana wahine Yudiya. Sinanaina Yesu 'ana tohemisa, ma tamana hesi gwama Gilisi.

Paihowa 26:24

Ma Paulo bewa gide 'ihehe'ote'otetela ta Pesito 'itala'asona, 'igwaeya, “Ciya, yauyauleiu! nuwana se'ulu hedada 'i'abihe yauyaulegowa.”

Loma 2:27

Coinega 'omi meYudiya 'abwa tomiya ganamuli sibwa'omategomi, weyahina Mosese 'ina loinaina ta Ebalahamo 'ina 'ila'ilalaina 'wapimiya simiyamiya, ma geya loinaedi wada muliyediya, ma hesi taudi geya meYudiya bwagana Ebalahamo 'ina 'ila'ilala 'wapidiya geya 'ida miya, ma tuwa hesi loinaedi simulimuliyedi.

1 Kolinita 1:21

Weyahina sanapu bale'uwa gesowana 'oinega Yehoba tasanapu, ma hesi Yehoba 'ina nuwatuhu ta 'ina tetela 'ana lohatotomo 'oinega 'ana tohemisao tauda 'ilemegita. Tetelinaina mebale'u siheginaula bwagabwagaeya.

Epeso 6:4

Comi tama wete geya'abwa natumiyao 'adi wahi 'wata'wata walagulagu, nata gide sigamwasowalegomi; ma hesi 'ida Bada 'ina loinao ta 'ina he'itao waloguguyaedi.

1 Timoti 4:13

Ma wete tapwalolo 'alona Buki Tabu 'uhasili, ma 'uguguya, ma 'uhe'ita 'ana siga yatauyawa.

2 Timoti 1:1

Yauwedo Timoti 'owa natugu moisa, 'ino leta bewa taugu Paulo 'oiguwega. Taugu Yesu Keliso 'ana tohepwaila, Yehoba 'ina nuwatuhu gide ta yahepwaila yawasida bwebwe'ana weyahina, beno Yesu Keliso 'oinega. Tamada Yehoba ma 'ida Bada Yesu Keliso sihelauwego ta si'atemuyamuyaego ma 'oinega 'umiya daumwala.