2 Timoti 2:3 - Loina Nuahuana

³ Mabwaiyada Yesu Keliso weyahina miyamwau talobaloba, 'oinega 'ino miyamwauina 'oinega 'utagwalego, ma 'ane 'owa Yesu Keliso 'ina tolo'aleha bwebwe'ana.

2 Timoti 2:3 Referans Kwoze

Yemesa 1:12

Ceguma taiya 'owa 'ebetohonao 'oidiyega 'utoholo pa'ala, 'uyaliyaya, weyahina 'a maisa bwebwe'ana Yehoba 'oinega 'abwa 'uloba, beno yawasi hataya. Bewa Yehoba 'ina gwaehemisa mabwaiyada 'oida, 'eguma tahelauwe.

2 Timoti 4:5

Ma 'owa sahena gide taudi. Sauga mabwaiyana 'utoholo pa'ala, ta 'ino miyamwau 'oidiyega 'u'alama'i'ita, ma wasa bwebwe'ana 'uhehepwaile. Bewa 'oinega ma 'ane 'owa topaihowa waiwaina Yehoba 'ina paihowa 'oina.

2 Timoti 1:8

Coinega sahena 'ida Cinapwana tetelina 'ana hepwaila weyahina 'uhedeba mwadimwadina. Taugu wete 'igu luhu deliya Cinapwana 'ina paihowa weyahina sahena weyahina 'udebadeba mwadina. Ma 'owa wete 'abwa Yesu tetelina weyahina tupwana miyamwau 'oiuwa silatu, ma 'ilobwainegowa Yehoba 'ina waiwai 'oinega 'utoholo pa'ala.

Ibeliu 10:32

Ciyagwao, mwalo 'asilala 'ina latu nugenugetana 'oimiya, wanuwatuhuyahi 'imi miyamwau 'oidiyega wa'alama'i'ita,

2 Timoti 2:10

Bewa weyahina 'igu miya mwauwedi 'oidiyega ya'alama'i'ita, ma 'abehega Yehoba taudi 'ihesinuwediya yalemedi, ma 'ane Yesu Keliso 'i'abihetedi, ta yaliyaya miyamiya hatayana siloba.

1 Timoti 1:18

Natugu Timoti, 'unuwatuhuyahi mwalo Yehoba 'ina topalopisai 'ino paihowa 'oiuwa sihepwaila nugeteya, ma taugu gidemusa yahegwaego ma 'upaihowadi, ma 'oinega 'uhewaiwai,

2 Timoti 3:11

Ma 'asaedi Anitioki ma Ikoniyami ma Lisitila 'oidiya yamiyamwauwa ta 'agu muyaedi tomota 'oidiyega yalobediya wete 'usanasanapu, tupwaedi 'oidiya yamiyamwauwa moisa, ta mwauwedi mabwaiyadi 'oidiyega 'ida Cinapwana 'i'abihetegauwa.

2 Kolinita 1:6

Ma 'eguma tauma muya 'aloba, beno 'omi 'ami 'abi he'atepatu ma 'ami 'abihetena weyahidi. Ma wete 'eguma 'ama 'ebe 'abihe'atepatu 'aloba, beno 'omi 'imi 'atepatu weyahina, 'eguma 'imi miyamwau gide tauma 'ima miyamwau, ma wete 'eguma 'oidiyega wa'alama'i'ita nata 'omi wa'atepatu.

Ibeliu 11:27

Coinega 'ina hemisega Itipita 'i'ebesineya, ta geya kini Peloina 'ina gamwasowala 'imataute, ma hesi 'i'atepatuwa 'abehega Yehoba 'i'iteya matana 'imiyamiya.

Ibeliu 6:15

Ma Ebalahamoina 'i'alama'i'ita tuta dudulena, eeta gwaeina huwaina 'ilobeya.

1 Kolinita 13:7

Ceguma helau 'ateda 'imiyamiya sauga baibaiwana ta'alama'i'itana moisa, eeta tahemisa moisa, ma'ida nuwatuhuyahina 'ada 'abihetena Yehoba 'oinega 'abwa taloba, ma tuta mabwaiyana tatoholo pa'ala.

1 Kolinita 9:7

Caigeda hesilala yahesilalegomi ma wanuwatuhu weyahina. Hesilalaina bewa: Tolo'alehao ta'eha 'oinega 'adi maisa silobalobadi? Gabemani 'oidiyega, bo siboidimo tuwa 'oidiyega? Wete 'aigeda 'igu hesilala: Ceguma loheya 'e'ahai 'ibeguli, ma 'eli'eli 'ana tuta, togidega nata 'e'enina 'i'ai bo geya? Caigeda wete 'igu hesilala: Togidega 'eguma loheya ma'ina baweyao 'i'itayahinamo, ma geya 'aigeda 'ida hunuya 'ina guyai weyahina, to'aha 'ina 'itayahina 'ana bwebwe'ana?

2 Timoti 1:1

Yauwedo Timoti 'owa natugu moisa, 'ino leta bewa taugu Paulo 'oiguwega. Taugu Yesu Keliso 'ana tohepwaila, Yehoba 'ina nuwatuhu gide ta yahepwaila yawasida bwebwe'ana weyahina, beno Yesu Keliso 'oinega. Tamada Yehoba ma 'ida Bada Yesu Keliso sihelauwego ta si'atemuyamuyaego ma 'oinega 'umiya daumwala.

2 Timoti 2:9

Cigu guguyaina weyahina taugu miyamwau bo'i yalobeya 'oinega deliya sipaigauwa, gide 'abwa taugu topui 'aigeda. Ma hesi Yehoba 'ina gwaeina gesowana 'eta taiya 'i'etobode.

Pilimoni 1:2

Ma 'ima helau mabwaiyami 'oimiya, 'owa ma nuhudai Apiya ma tasidai Alikipo, tauna ba'idada tahehetapewa Yesu Keliso 'ina paihowa weyahina, ma wete 'ima helau tohekalesiyao mabwaiyadi taudi 'ino hada silolotapwalolo 'oidiya.

Paihowa 23:31

Tolo'aleha 'adi loina gide simulimuliyeya, ma Paulo hinuwanaina 'oina sitoeya Anitipatili 'oina.