2 Timoti 2:25 - Loina Nuahuana

²⁵ Ma wete 'ada 'alehao 'oidiya mumugada nuhana 'oinega ta'abihe dumwaludi, ma 'oinega Yehoba, 'eguma sawasawahina ma 'i'abihetedi ma sinuwabui ta he'ita moisa simuliye,

2 Timoti 2:25 Referans Kwoze

Galetiya 6:1

Ciyagwao, 'eguma tasidai 'aigeda 'ina pui 'oinega 'ibe'u, 'omi yaluyaluwami pa'alidi watoho ma tasidaina wa'abihedumwalu hila, ma hesi ma'imi mumuga nuhana, ma waboimo wa'itayahigomi nata gide 'omi wete wabe'u.

Paihowa 11:18

Pita 'ina gwae bewa sihesagoheya ma geya 'idi 'ebe gwaemo, ta Yehoba sihepwatuwe, sigwaeya, “Moisa tuwa, Yehoba tauna 'itagwatagwala taudi tomiya ganamuli 'oidiya 'abehega sinuwabui, ta taudi wete yawasi hataya siloba.”

1 Timoti 2:4

weyahina Yehoba 'ina nuwatuhuina 'abehega tomota mabwaiyadi 'idi pui 'oidiyega 'i'abihetedi, ma he'ita moisa sisanapu.

1 Pita 3:15

ma hesi 'atemiyega 'ida Bada Keliso wahe'asisiyane. Ma 'eguma taiya 'ihesilalegomi ma 'igwae, “To'aha weyahina 'uhemihemisa?” nata 'omi wagwaehila ma'imi hepwaila bwebwe'ana 'oidiya, ma ma'imi mumuga nuhana 'oinega wahegwaedi.

1 Yoni 5:16

Tupwana pui 'adi maisa 'amasa ma tupwadi geya, 'oinega 'eguma taiya 'owa tasiu 'u'iteya 'ipuiya, ma puiina 'i'iuna geya 'ana maisa 'amasa, 'oinega 'eguma topuiina weyahina 'u'ahwanoi Yehoba 'oina, Yehoba 'ino 'ahwanoi nata 'ihesagohe, ma tasiu yawasina 'itagwale. Ma hesi puiyedi 'adi maisa 'amasa geya'abwa weyahidi wa'ahwa'ahwanoi Yehoba 'oina.

Paihowa 8:22

Coinega 'ilobwainegowa ma 'ino pui bewa 'oinega 'unuwabui, ma 'u'ahwa'ahwanoi Yehoba 'oina, ma nuwana 'ino nuwatuhu galadi bewa 'inuwasamudi.

2 Timoti 3:7

'oinega he'ita hagana ma hagana 'ana tohesagohao ta geya sawasawahina ma he'ita moisa sisanapu.

Madiu 11:29

Ma 'omi wahe'au'aunawegau ma ma'iyagwao tapaihowa, ma 'oinega yaluyaluwami 'idi 'aiyawasi siloba, weyahina taugu 'igu mumuga nuhana ma tonuwasulu.

Yemesa 1:17

Ma hesi wasanapu moisa helau 'ausaladi mabwaiyadi galewega silatuma Yehoba 'oinega, tauna 'asilala 'adi topaihowa, ma wete geya 'ida buiya, gidemusa logulogu sibuibuidi.

Taito 1:1

Natugu Taito, 'ino leta bewa taugu Paulo 'oiguwega, taugu Yehoba 'ina topaihowa ta Yesu Keliso 'ana tohepwaila. Cigu paihowaina 'i'ebwaegauwa ma taudi Yehoba 'ana hesihesinuwao ya'abihe waiwaiyedi ma sihemisa moisa ma nuwadi 'isabwalena, ta 'oinega sanapu moisega sipaihowa dumwalu.

Paihowa 20:21

ta 'igu he'ita 'oimiya tuwa mahemahetena, 'omi meYudiya, ma 'omi hali tupwa tomotaiyao, mabwaiyami yaguguya 'oimiya ta 'abehega mumugami galadi 'oidiyega wanuwabui Yehoba 'oina ma Bada Yesu wahemise.

Paihowa 5:31

ma 'i'abilagasiya tauna 'ina 'ebeulega 'abehega tauna To'abihetena ma Tohanugeta, ma wete tauna To'abihenuwabui meIsileli tauda weyahida, ma 'oinega 'ida puiyao 'inuwasamudi.

Paihowa 2:38

Coinega Pita 'igwaeya, “Cimi paihowa galana 'oidiyega wanuwabui, ma mabwaiyami To'abihetena Yesu saninega 'ada 'abihe babitaisogomi, ma wete 'imi puiyao 'inuwasamudi, ta wete Yaluyaluwa Tabuna 'i'ebwaegomi.

Yoni 5:34

Coinega Yesu wete 'ihegwaediya 'igwae, “Taugu tomota 'idi hepwaila geya weyahina yada nuwatuhuwa. Ma hesi gwae bewa Yoni weyahina yahehepwaila ma 'oinega nuwami 'i'asilala ma 'abihetena waloba.

Taito 3:2

Ta sahena 'ahwayali ma he'ahwa panapanawa, ma hesi tomota 'oidiya simumuga wahinuhega ma'idi he'asisi.

1 Timoti 6:11

Timoti, 'owa hesi Yehoba 'ina topaihowa, 'oinega bewa mumugaina 'oinega 'u'itayahigo, ma mumuga dumwaluna 'umuliye, bewa gide 'eda'eda bwebwe'ana ma hemisa ma helau ma 'alama'i'ita ma wete hohobiga.

Paihowa 5:21

Coinega aneloseina 'ina gwae sihesagoheya ma gona 'i'adaleya, ta Hada He'asisi 'oina siluhuwa, ma boda sihe'itediya. Coinega wete Topwaoli Madouna ma 'ina bodao si'eto 'autama, ma meIsileli 'idi babadao ma 'adi toloinao mabwaiyadi sibwauwedima ta 'idi hewaliyao tupwadi deliya sihewasaedi ma 'abehega Yesu 'ana tohepwailao si'ewedima ma sida yatala matadiya.

Madiu 21:32

“Weyahina mwalo Yoni 'eda dumwaluna 'ihe'itegomiya ma 'omi geya wahemisa, ma hesi takesi 'ana to'ewao ma toganawalao sihemiseya. Ma matamiyega wete wa'iteya sinuwabuiya, ma 'omi hesi geya wanuwabui bo nuwana wahemise, 'awa?”