2 Timoti 2:22 - Loina Nuahuana

²² Coinega hewahewali 'idi henuhenuwa 'ulogwahatedi ma mumuga dumwaluna ta hemisa ta helau ta miya daumwala 'umuliyedi, taudi Yesu si'ahwa badaeya ma'ate 'ehaudi ba'idamwao.

2 Timoti 2:22 Referans Kwoze

1 Pita 2:11

Ciyagwao 'oimiya yahepwaila 'abehega tauda bale'u bewa 'oina tohetautaumana, 'oinega 'imi nuwa'ubunaowedi 'atemiya simiyamiya walogwahatedi, weyahina yaluyaluwami silo'alehedi.

1 Pita 3:11

Wete paihowa galadi 'ilogwahatedi ma 'ipaihowa bwebwe'ana hali tomota 'oidiya, ma wete 'ihetapewa waiwai nuwadaumwala weyahina.

1 Kolinita 6:18

Sahena waganawala, weyahina ganawala geya gidemusa hali mumuga galadi. Moisa, hali mumuga galadi geya wahida si'abihe galadi, ma ganawala hesi wahida 'i'abihe galadi.

1 Timoti 6:11

Timoti, 'owa hesi Yehoba 'ina topaihowa, 'oinega bewa mumugaina 'oinega 'u'itayahigo, ma mumuga dumwaluna 'umuliye, bewa gide 'eda'eda bwebwe'ana ma hemisa ma helau ma 'alama'i'ita ma wete hohobiga.

Ibeliu 12:14

Watoho waiwai ma wamiya daumwala tomota ba'idamiyao, ta wete watoho ma 'imi mumuga 'ibwebwe'ana mabwaiyana, weyahina 'eguma taiya geya 'ina mumuga bwebwe'ana geya'abwa Bada 'i'ita'ita.

1 Timoti 4:12

Tomota sahena sisinasinaligo weyahina 'abehega 'owa hewali tuwa, ma hesi 'ino gwae bwebwe'ana, ma 'ino paihowa bwebwe'ana, 'ino helau, 'ino hemisa, ma mumugau 'ehauna 'oidiyega 'owa 'ebe'ita taudi Yesu 'ana tohemisao 'oidiya.

1 Kolinita 10:14

Ciyagwao nuwanuwagu madouna ma hali 'ebe hemisao waguipailedi.

1 Timoti 1:5

Bewa 'igu loina ma 'ane nuwami 'ehaudiyega waboi wahelau hilegomi moisa ma wanuwanuwatuhu bwaibwaini, ma wahemisa moisa Keliso 'oina.

3 Yoni 1:11

Ciyagu, geya'abwa mumuga galana 'umulimuliye, ma mumuga 'ausalana hesi. Tobwebwe'anao taudi Yehoba 'ina bodao, ma topuiyao geya Yehoba sida sanapuya.

1 Kolinita 1:10

Tasigwao, bewa 'igu lohatoto 'oimiya 'ida Bada Yesu Keliso saninega ma 'abehega wanuwatuhu hegogona ma wagwae hegogona, ma hesi sahena wahehe'ohe'ohe nuwana wawatawatahigomi.

Loma 14:19

Eeta tatoho ma tamiya daumwala eema 'ane tahe'abi 'abihetena mahetedao.

1 Kolinita 14:1

Coinega 'ilobwainegita ma tatoho waiwai ma tahelau moisa, ma wete tatoho waiwai ma Yehoba Yaluyaluwana 'ina heguyai 'oida talobadi, ma hesi heguheguyai 'aigeda bwebwe'ana hedada, beno palopisai Yehoba 'ina nuwatuhu sowasowana tahepwaila nugete.

Loma 14:17

Ma hesi wanuwatuhuyahi beno Yehoba 'ina 'ebeloina geya 'e'ahai nuwana we'aha weyahidi, ma hesi mumuga bwebwe'ana, ma nuwadaumwala ma yaliyaya, beno Yaluyaluwa Tabuna 'oinega.

Paihowa 9:14

ma wete topwaoli madoudi sitagwaleya ma sauga bewa 'itauyama ma 'a bodao mabwaiyama sabi paimai, 'eguma saniuwega 'a'ahwa'ahwanoiwa.”

1 Timoti 2:8

Nuwanuwagu loheloheya tupwa mabwaiyadi 'oidiya mumugadi sibwebwe'ana, ma nimadi si'abilagasi ta si'ahwanoi Yehoba 'oina, ma sahena sihehegamwagamwagu ma sihehe'ahwalasalasa.

1 Timoti 1:14

Ma 'ida Badaina 'ihelauwegauwa madouna ma hemisa ma helau Yesu Keliso 'oinega 'i'ebwaegauwa.

Paihowa 7:59

Eema Sitibeni siloloda'uleyeya, ma hesi 'ibwau haneya 'igwae, “Bada Yesu, yaluyaluwagu 'u'eweyawa.”