2 Timoti 2:15 - Loina Nuahuana

¹⁵ Coinega wete 'uhetapewa ma tetela bwebwe'ana 'ana he'ita moisa weyahina 'uguibiga ma 'ane 'owa Yehoba 'ina topaihowa bwebwe'ana, wete 'abwa 'eguma matana 'ulatu 'ihepwatuwego.

2 Timoti 2:15 Referans Kwoze

1 Tesalonaika 2:4

Weyahina 'ima paihowa bewa Yehoba 'itagwala 'oima ma tetela bwebwe'ana 'ahepwaila latuweya, 'oinega 'ima hepwailaedi beno geya to'aha tomota nuwanuwadi, ma hesi to'aha Yehoba nuwanuwana. Eeta nuwatuhuwedi 'atema simiyamiya, bwebwe'adi bo galadi, Yehoba 'iboimo 'isanasanapu.

2 Pita 1:10

Coinega 'iyagwao, watoho waiwai ma geya'abwa Yehoba 'ana hesihesinuwao bodaedi 'oidiyega wamiyamiya latu. Ma 'eguma 'igu gwae bewa wahematamatanedi geya'abwa wabe'ube'u,

1 Timoti 4:6

Bewa loinaedi 'iyadao 'oidiya 'uhe'itaedi, 'oinega 'owa Yesu Keliso 'ina topaihowa bwebwe'ana, weyahina he'ita dumwaluna Yesu 'ana hemisa weyahina 'umulimuliyedi, ma 'oinega yaluyaluwau 'ihewaiwai.

2 Kolinita 10:18

Wete 'eguma taiya taunamo 'i'ahwa bwebwe'ane, Yehoba geya'abwa 'iyaliyaliyaya weyahina. Ma hesi 'eguma Yehoba tomota 'i'ahwa bwebwe'ane, nata 'ebeyaliyaya.

2 Kolinita 5:9

Ma 'eguma wahida tamiyamiya bo nuwana 'eguma ta'amasa, 'ida 'ebemasi tuwa to'aha Badaina nuwanuwana.

2 Kolinita 4:2

Mumuga galadi ta 'abo'abowedi 'alogwahata pwaidiya, ma wete sahena Yehoba 'ina gwae 'abuibui 'abehega he'ita 'abo'abo 'oinega 'ahehe'ita, ma hesi he'ita moisa 'agwaegwae latuwe, ma 'omi mabwaiyami tauma 'ima mumuga 'ausalana Yehoba matana wa'ita.

2 Pita 3:14

Ciyagwao, 'imi yamwana 'ana tuta watoho waiwai eeta 'eguma 'itauyama 'ilobwainegomiya ma 'imi mumuga bwebwe'ana mabwaiyana, ma nuwadaumwalega wamiyamiya.

Galetiya 1:10

Togidega, tomota 'adi hepwatu weyahina yanuwanuwatuhu, bo Yehoba 'ana hepwatu? Ta 'eguma tomota 'idi nuwatuhu yapaipaihowa, geya sawasawahigu ma Keliso weyahina yahetopaihowa.

2 Pita 1:15

'oinega yatohotoho waiwai ma 'abehega 'abwa 'igu 'waiha mulina he'itaedi geya'abwa wanuwanuwa sinedi.

Epeso 1:13

Ma wete 'omi Keliso 'oinega tetela moisa ma bwebwe'ana beno 'ami 'abihetena weyahina wahesagoheya eeta tauna wahemisaeya, ma wete Yaluyaluwa Tabuna tauna 'igwae hemisaeya ta 'i'ebwaegomiya,

1 Tesalonaika 5:14

Ma 'iyamayao, sowasowana wete tolowahi'watao walohatotodi, wete to'ateyoho wa'abihe 'atepatuwedi, ma wete towe'a wa'abihetedi, bewa ginaulaedi 'alama'i'itega wapaipaihowadi.

2 Kolinita 3:6

ma sowasowahina 'ina loina hauhauna weyahina 'ahehetopaihowa. Loinaina hauhauna geya lelelelena, ma hesi Yaluyaluwa Tabuna 'oinega, weyahina loina lelelelena 'amasa 'i'ebwaegita, ma tuwa loinaina Yaluyaluwa Tabuna 'oinega yawasida miyamiya hatayana 'i'ebwaegita.

Loma 14:18

Ta 'eguma mumugaedi 'oidiyega Keliso 'ina paihowa tapaipaihowa nata Yehoba weyahida 'iyaliyaya, ma tomota weteyage si'ahwa bwebwe'anegita.

Ibeliu 4:11

Ma 'ilobwainegita ma tatoho waiwai 'abehega 'ebe 'aiyawasiina taloba, ma sahena 'aigeda taiya 'ilologwahata, 'amuge ta 'ibe'u, taudi gide mwalo sibe'u 'esa.

Yemesa 1:18

Hesi tauna 'ina nuwatuhuwega, ta wete 'ina gwae moisa 'oinega 'ipaihowa nugetegita ma 'abehega tauda 'ana paipaihowao 'oidiyega tahemadou sinediya.

1 Kolinita 2:6

Sanapu moisa Yehoba 'oinega yahehepwaile tohemisa pa'alidi 'oidiya, ma hesi geya gogo gabulena bewa 'ana sanapu bo toloinao bewa tuwa 'idi sanapu, taudi simiyamiya tuta to'uto'upana tuwa.

Paihowa 2:22

Pita wete 'ihegwaediya, 'igwae, “MeIsileli 'omi gwae bewa wahesagohe, Yesu tauna gwama Nasaleta matamiya Yehoba 'ihe'itaeya 'abehega tauna 'ina topaihowaina, weyahina Yesu 'ina paihowa waiwaidi ma 'ebe henainaida Yehoba 'ina waiwaiyega 'ipaihowediya, ma wasanasanapudi weyahina gamwagamwanimiya 'ipaihowediya.

Madiu 13:52

Ma 'ihegwaediya, “Bewa tuwa wasanapu 'abehega loina 'ana tohe'itao 'eguma Yehoba 'ina loina simanasama pwaiya, taudi gide tuwa 'aigeda hada toniwagana 'ina tobwatobwa tupwadi miyamiyadi ma tupwadi 'ehaudi ta mabwaiyadi 'alodiya wasawasa 'imiyamiya.”

Loma 16:10

Cigu helau wete Apeli 'oina, tauna Keliso 'ana tohemisa moisa. Ma Alisitobulo ma'ina susuwao 'oidiya wete yahelauwa,

Luke 12:42

Ta Yesu 'igwaeya, “Topaihowa bwebwe'adi ma sanasanapuidi mumugadi bewa gide, 'eguma taiya tauna 'ina bada 'ihesinuwe ma hada 'i'itayahi, ma 'iyanao 'adi 'i'ebwaedi sabwelo 'aigeda 'aigeda 'oidiya,

Maki 4:33

Yesu 'ina guguya 'oina gwae hegehegedi baibaiwadi wete 'oidiyega 'ihehe'ita. Ceguma tomota 'oidiya 'imeyameyahana, ma sida sanapu.

Loma 6:13

Geya sowana 'eta wete to'wehimi, nimami nuwana matami, watagwatagwaledi paihowa galadi weyahidi, ma hesiyage watagwalegomi Yehoba 'oina, weyahina 'i'abihetoholo hilegomiya, ta bewa tuta mayawasimi, ee 'oinega wahimi mabwaiyana watagwale Yehoba 'ina paihowa dumwaluna 'oina.

Yemesa 1:12

Ceguma taiya 'owa 'ebetohonao 'oidiyega 'utoholo pa'ala, 'uyaliyaya, weyahina 'a maisa bwebwe'ana Yehoba 'oinega 'abwa 'uloba, beno yawasi hataya. Bewa Yehoba 'ina gwaehemisa mabwaiyada 'oida, 'eguma tahelauwe.