2 Timoti 1:9 - Loina Nuahuana

⁹ Yehoba tauna 'i'abihetegita ta 'ibwauwegita 'ina paihowa bwebwe'adi sabi paihowadi. Moisa tuwa tauda geya 'ida bwebwe'ana weyahina 'ihesinuwegita, ma hesi mwalo hene tauna 'ina nuwatuhu ma 'ina helau weyahina, ta Yesu Keliso 'ipaihoweya tauda weyahida.

2 Timoti 1:9 Referans Kwoze

Loma 16:25

Coinega tuta bewa Yehoba tahepwatuwe, weyahina tauna sawasawahina 'i'abihe waiwaiyegomi, 'igu loguguyaina 'oinega, Yesu Keliso tetelina weyahina. Mwalona tetelaina dahwadahwaina,

Taito 1:2

Wete Yehoba mwalo hene 'igwae hemisaediya ta sihemisaeya 'abehega yawasidi miyamiya hatayana 'i'ebwaedi. Ta geya sowana 'i'abo.

Yoni 17:24

“Tamagu, tomotaedi 'u'ebwaegauwa, nuwanuwagu ma 'asainaina 'oina yatautauya taudi wete 'asainaina 'oina mahetegwao 'ada miyamiya ma 'oinega 'igu wasawasaina 'u'ebwaegauwa nage 'oina si'ita. Weyahina muliyetega ma bale'u bewa 'upaihoweya, taugu 'uhelauwe nugetegauwa.

Epeso 1:11

Ma Yehobaina tauna 'ina nuwatuhuwega 'iloiloina, ta 'ina paihowa mabwaiyana 'ipaipaihowadi,

Heꞌitaꞌita 13:8

Ma mebale'u mabwaiyadi 'abwa 'oina si'etuluha, beno taudi 'eguma geya sanidi simiyamiya yawasi bukiina 'alona, bukina lamiina silohe'amasiya 'ina buki. Buki bewa 'alona taudi sanidi mwalo hene 'ilele nugetediya, eema muliyetega bale'u 'ihemasaleheya.

1 Pita 1:20

Yehoba Kelisoina 'ihesinuwa nugeteya 'ina paihowa bewa weyahina, ee muliyetega bale'u 'ipaihoweya, ma tutaina 'ebe gumwala bewa 'oina Kelisoina 'ihapwesama, tauda weyahida.

Yoni 17:9

Coinega bewa tuwa weyahidi ya'ahwa 'ahwanoiwa 'oiuwa. Ta geya 'abehega mebale'u weyahidi, ma hesi tomotaedi taudi 'u'ebwaegauwa weyahidi, weyahina taudi 'ino tomotaiyao.

1 Pita 2:9

Ma 'omi geya gide taudi, ma 'omi hesi Yehoba 'ina boda hesihesinuwaimi, 'omi Kiniina 'ina topwaoli ma 'ina tomotaiyao 'ehaumi, weyahina tupwa guguyou 'oinega 'ibwauwegomiya eeta 'ina 'asilala tobwebwe'ana hedada 'oina 'ilagugomiya, ma 'abehega 'ina paihowa bwebwe'anaina wahepwaile.

Ibeliu 3:1

Ciyagwao, 'omi ma taugu Yehoba 'ihesinuwegita 'ina tupwa weyahina, 'ilobwaineya ma Yesu tanuwatuhuyahi, weyahina tauna 'ida tapwalolo 'ana tohepwaila ta wete 'ida topwaoli madouna,

1 Tesalonaika 4:7

Weyahina Yehoba 'ihesinuwegita geya mumuga galana weyahina, ma hesi mumuga 'ehauna weyahina.

1 Kolinita 1:18

Kelose tetelinaina tomota tupwadi si'ahwa 'abo'aboweya, taudi yaluyaluwadi 'ama'amasidi, ma hesi tauda tahemisaeya 'abehega Yehoba 'ina waiwai tetelaina 'oina 'imiyamiya, ma 'oinega 'ilemegita.

Yoni 6:37

Tomotaedi taudi Tamagu 'i'ebwaegauwa hesi nata 'oiguwa sitauyama, ma 'eguma sitauyama 'oiguwa, nata geya'abwa yalolohesohesoiyedi.

Heꞌitaꞌita 17:8

Hebaiina 'u'iteya mwalo mayawasina ma 'i'amasa pwaiya, ma 'abwa 'ilatuma gaulaina madouna 'oinega ma 'itauya, ma 'oinega sigihegala bwaibwaini. Ta tomota mebale'u, taiyewedi taudi sanidi Yehoba geya 'ilele yawasi bukina 'alona, tutaina bale'u 'ana hemasalaha hauhau 'oina, taudi hebaiina 'abwa si'ita ma nuwadi 'ihenainaida, weyahina mwalo mayawasina, ta tuta bewa 'i'amasa pwaiya, ma 'abwa 'ilatu hilama.

Epeso 3:11

Bewa Yehoba 'ina nuwatuhu mwalo hene ta nige, ma bewa sauga 'igihelatuheya 'ida Bada Yesu Keliso 'oinega,

Loma 3:20

Yehoba 'ina 'ahwamoisa geya Mosese 'ina loina 'ana guibiga 'oinega tada lobeya, weyahina loina 'ina paihowa beno 'ida pui 'ihehepwailedi.

1 Timoti 1:1

Yauwedo Timoti, 'ino leta bewa 'oiguwega 'itautauyawa. Taugu Paulo, Keliso weyahina yahetohepwaila 'ada To'abiheteina Yehoba ma Yesu Keliso 'idi loinega, weyahina Keliso 'oina tahehemisa 'ida 'abihetena 'abwa weyahina.

Epeso 1:9

Wete sonoga ma sanapu mabwaiyadi 'i'ebwaegita, eeta tauna 'ina nuwatuhu dahwadahwanidi tasanapudiya weyahina bewa 'iloina nugeteya ma 'abehega Keliso 'oinega 'ilosalohidi,

Loma 9:24

Coinega boda 'eluwa 'oidiyega 'ibwauwegita, tauma boda Yudiya ma 'omi tomiya ganamuli.

Luke 10:21

Tuta nage 'oina Yaluyaluwa Tabuna Yesu 'i'abihe yaliyayaeya, ta 'igwaeya, “Yauwedo Tamagu, 'owa galewa ta bale'u 'adi Toloina, nuwasabwalena bewa 'udahweya tosonogao ma tonuwasabwalenao 'oidiyega, ma hesi gwagwama 'i'iudi 'oidiya 'uhe'itaeya. Moisa Tamagu, 'ino nuwatuhu bwebwe'ana bewa.”

Madiu 1:21

Ma 'abwa natuna meloheyana 'ihenatune, ma 'uhesaniye sanina Yesu, weyahina tauna 'ina tomotaiyao 'idi pui 'oidiyega 'abwa 'i'abihetedi.”

Paihowa 2:47

ma Yehoba sihehepwatuwe. Ta hesi tomota mabwaiyana tohemisaowedi si'ahwa bwebwe'anediya. Ma sabwelo 'aigeda 'aigeda 'oidiya Yehoba tupwana tomota wete 'i'abi'abihetedi, ta tohekalesiyao 'adi baibaiwa 'imadomadou.

Paihowa 15:18

Bewa Bada 'ina gwae, tauna mwalo hene nuwatuhu bewa 'i'abilatuheya.’”

Loma 11:14

ma 'omi tomiya ganamuli nata taudi meYudiya sihe'ipi'ipiyegomi, ma 'ane 'idi he'ipi'ipiina weyahina nuwadi sibuidi ma 'etolema siloba Yehoba 'oinega.

Loma 11:29

Ma geya sawasawahina Yehobaina mumugana, ma 'ina hesinuwa, nuwana 'ina helau, 'oidiyega 'ibui.

Pilipai 3:14

beno 'ebe masiina, Yehoba 'ana maisa galewa Yesu Keliso 'oinega.

2 Timoti 1:1

Yauwedo Timoti 'owa natugu moisa, 'ino leta bewa taugu Paulo 'oiguwega. Taugu Yesu Keliso 'ana tohepwaila, Yehoba 'ina nuwatuhu gide ta yahepwaila yawasida bwebwe'ana weyahina, beno Yesu Keliso 'oinega. Tamada Yehoba ma 'ida Bada Yesu Keliso sihelauwego ta si'atemuyamuyaego ma 'oinega 'umiya daumwala.