2 Timoti 1:5 - Loina Nuahuana

⁵ Ma wete 'ino hemisa moisa Yehoba 'oina yanuwatuhu yahiya, gide sinau Yunisi ma tubuu Loise Yehoba sihemisaeya moisa, ma yasanapugowa 'owa wete Yehoba 'uhemisae moisa.

2 Timoti 1:5 Referans Kwoze

1 Timoti 1:5

Bewa 'igu loina ma 'ane nuwami 'ehaudiyega waboi wahelau hilegomi moisa ma wanuwanuwatuhu bwaibwaini, ma wahemisa moisa Keliso 'oina.

Paihowa 16:1

Paulo ma Sailasa 'idi sakowasi 'oina sitauya Debi ma Lisitila, ma Lisitila 'oina Yesu 'ana tomuliya 'aigeda silobeya, sanina Timoti, tauna sinana wahine Yudiya. Sinanaina Yesu 'ana tohemisa, ma tamana hesi gwama Gilisi.

1 Timoti 4:6

Bewa loinaedi 'iyadao 'oidiya 'uhe'itaedi, 'oinega 'owa Yesu Keliso 'ina topaihowa bwebwe'ana, weyahina he'ita dumwaluna Yesu 'ana hemisa weyahina 'umulimuliyedi, ma 'oinega yaluyaluwau 'ihewaiwai.

2 Timoti 3:15

Ma 'owa 'uboi wete 'ino tuta gwamega ma nige bewa Buki He'asisi 'ina gwae 'ana tohasila, ta 'ihehe'itego 'abehega 'ida hemisa Yesu Keliso 'oina sowasowana 'i'abihetegita.

Loma 15:14

Ciyagwao, yasanapu bwaibwainigomiya 'omi tomota bwebwe'ami ma sanasanapumi, sawasawahimi wete 'iyamiyao 'oidiya 'eda'eda bwebwe'ana wahe'ita.

Ibeliu 6:9

Ma 'iyagwao 'igu gwae bewa henuwalagu tuwa, ta yanuwatuhu yahiya helauwega 'abehega 'omi Keliso 'ina 'abihetena 'ana to'ewao wahewaiwai moisa.

2 Timoti 1:12

Bewa weyahina 'igu miyamwau yalobeya, ma hesi geya weyahina yadeba mwadina, weyahina 'ida Cinapwanaina yahemiseya tauna yasanapuya, ma to'aha 'i'ebwaegauwa sowasowana 'i'itayahiya nimanega, eema sabweloina madouna 'inaonaoma 'oina.

2 Kolinita 6:6

mumuga 'asilalana, sanapu, 'atemuyamuya, he'iya'iyagu, Yaluyaluwa Tabuna 'ateda, ta wete helau moisa,

Loma 8:38

Moisa yasanapu bwaibwainiya 'abehega geya 'eta ginaula wete sowasowahina ma Yehoba 'ina helau 'i'ewayahule 'oidega, nuwana mayawasida, nuwana ta'amasa, nuwana 'eta anelose bo 'eta Tomudulele 'ina boda 'idi paihowega, bewa tutaina nuwana tuta 'inaonaoma 'oina, bo toloinao galewa nuwana bale'uwa 'idi waiwaiyega. Weyahina Yehoba 'ina helauina, 'ida Bada Yesu Keliso 'oinega, geya 'eta taiya sowasowahina ma 'i'ewayahule 'oidega.

Loma 4:21

Weyahina 'isanapuya moisa Yehoba sowasowahina 'ina gwae hemisaedi 'ipaihowadi.

Ibeliu 11:13

Tomota nugenugetadiyedi ma'idi hemisa, ma hesi si'amasa ta gwae hemisaedi huwaidi geya sida lobeya, ta hesi tuwa bwagebwagega si'iteya ta siloyauwedowa weyahina, ma wete taudimo si'ahwa taumanaediya gide taumana tuwa tupwa bewa bale'u 'oina.

Loma 14:14

Cida Badaina Yesu nuwagu 'i'abi hemaedaneya moisa, ta yasanapuya 'abehega geya 'eta 'e'ahai 'eto'etobodana, ma 'eguma 'eta loheya 'ina nuwatuhu 'abehega 'e'ahai tupwadi 'eto'etobodadi, beno 'etobodaina tauna tuwa 'iboi weyahina.

Loma 14:5

Tupwadi tomotai 'idi nuwatuhu wete gide 'abehega sabwelo tupwadi ma'adi he'asisi madouna, ma 'iyadiyao tupwadi 'idi nuwatuhu 'abehega sabwelowedi mabwaiyadi tuwa mahemahetena. Ceguma nuwatuhu bewa gide talobeya, 'ilobwaineya ma 'aigeda 'aigeda taunamo 'eguma to'aha 'eta 'isanapuya 'abehega bwebwe'ana, beno 'imuliye tuwa.

Paihowa 26:26

ma nuwatuhuwedi bewa kini Agalipa 'isanasanapudi, ta matana bewa yagwaegwae geya ma'igu debamwadina, ma yasanasanapu ginaula bewa geya 'eta wete 'i'wai'waiha, weyahina bewa geya paihowa dahwana.

Yoni 1:47

Sitautauya, ma Yesu Nataniyela 'i'iteya, ma Nataniyelaina weyahina 'ihegwaegwaeya 'igwae, “Loheya nage gwama Isileli moisa, ma mumugana 'ausalana mabwaiyana.”

1 Pita 1:22

Coinega 'eda dumwadumwaluna wamuliya bwaibwainiya, beno 'oinega 'imi 'ehauhila walobeya, ma wete taudi 'iyamiyao wahelauwedi 'atemi mabwaiyana 'oinega, eeta sowasowana 'omi wete wahelau hilegomi 'aigeda 'aigeda, helau moisa 'oinega.