2 Pita 2:2 - Loina Nuahuana

² Ma tomota baibaiwa hedade 'idi paihowa galana gidemusa pui 'ebe debamwadina sihe'au'aunaowedi, beno Yesu 'ina 'eda moisa 'ana 'ebe 'ahwa galagala.

2 Pita 2:2 Referans Kwoze

Loma 2:24

Gide Yehoba 'ina Bukiina 'igwaeya, “Comi meYudiya mumugamiyega tomiya ganamuli Yehoba si'ahwa galegaleya.”

Yude 1:10

Ma togalaedi, 'eguma to'aha geya sisanapu, ma tuwa si'ahwa galagalaedi, weyahina taudi gide hebahebai totopwatula, ta 'adi lotohona siloiloinaedi, ma 'oinega siboidimo si'abi'abi hegalaedi.

Heꞌitaꞌita 13:14

Ma tagwala 'iloba pwaiya ta 'oinega hebaiina holega matana 'aniyanaedi 'ipaihowediya, ma nage 'oina mebale'u mabwaiyadi 'i'abowediya. Ma 'ina 'abowedi 'oidiya 'igwae, “Da'ule 'aigeda watagi eema wapaihowa 'ana 'ita gide hebaiina 'elepega 'ihesilaheya ta 'ibwebwe'ana hila.”

Yude 1:15

ma 'abehega tomota mabwaiyadi 'iloinaedi ma 'ibwa'omatadi, 'idi mumuga baibaiwadi ma galadi weyahidi, ma wete 'idi 'ahwa galao mabwaiyana 'oina weyahina.”

2 Pita 2:15

Ceda dumwadumwaluna si'ebesine pwaiya eeta sitauya puiya, 'oinega Bioli natuna sanina Balami 'ina mumuga galana mwalo hene taudi bewa tuwa simuliyeya, weyahina tauna nuwanuwana ma 'ina paihowa galana 'oinega 'ida hewasawasa,

1 Pita 2:12

Ma wamumuga bwebwe'ana taudi geya meYudiya 'oidiya. Weyahina bewa tuwa 'abwa si'ahwa'ahwa galagalaegomi, ma tuta muliyetega 'imi paihowa bwebwe'ana si'ita, ma 'oinega tutaina Yehoba 'ilatuma Yehobaina sihepwatuwe.

Taito 2:8

Ma 'ane 'ino he'itao sahena tomota si'ahwa'ahwa 'abo'abowe, ma 'ino gwae bwebwe'adi 'adi hesagoha 'oinega 'a 'alehao sideba mwadina, 'idi 'ahwayali besobeso 'oidiyega.

Paihowa 24:14

“Ta 'idi gwae 'aigeda tuwa ya'ahwa moisaeya, beno 'edaina sihesaniyeya Wataha 'oinega yalotapwalolo tubumao 'idi Yehoba 'oina. Ma wete Mosese 'ina loinao ma palopitao 'idi lele mabwaiyadi yahemisaediya.

Paihowa 16:17

Ta wahineina 'imulimuliyemai, ma 'iwuiwui, 'igwaeya, “Bewa tomotaedi Yehoba Tomiya tabwana hedada 'ina topaihowao, ma 'abihetena 'ana 'eda 'ana tohepwailao.”

Madiu 24:24

Weyahina Keliso 'abo'abodi ma palopita 'abo'abodi 'abwa silatu ma 'ila'ilala waiwaidi tomota matadiya sipaihowaidi, ma 'oidiyega 'eguma sawasawahidi Yehoba 'ina bodao hehe'asaidi wete sida 'abihe'wanidi.

Heꞌitaꞌita 12:9

Hebaiina bwehabwehalina ma madouna, tauna mwata nugenugetaina sanina Seitani, gide Tomudulele, tauna bale'u 'ana to'abo. Tauna ma'ina aneloseyao mabwaiyadi bale'uwa siula suluhediya.

2 Pita 2:21

Taudi geya sisanapu mumuga bwebwe'ana 'ana 'eda, ma hesi he'ita 'abo'abodi simulimuliyedi, ee nata galana siloba. Ma hesi taudi mumuga bwebwe'anaina ma Yehoba 'ina loina 'ehauna 'ana tomuliyao, 'eguma si'ebesine sigala moisa.

Taito 2:5

Ma 'ane ma'idi he'asisi, ma mumuga bwebwe'ana 'oidiyega 'idi hada si'itayahidi, ma wete mwanediyao sihelauwedi ta 'enadi sihematamatana, ma bewa 'oinega hali tomota Yehoba 'ina gwae sihe'asisiye, ta sahena si'ahwa'ahwa galagalae.

1 Timoti 5:14

Coinega yanuwatuhuya hiwahiwapeyedi taudi geya sihe'ai'aihale moisa sawasawahina ma sihai hila, ma sihenatuna ma si'ita'ita yahidi natudiyao ma wete 'idi hadao, ma 'ane sahena 'ada sahiyao si'ahwa'ahwa galagalaegita hiwahiwapeyedi mumugadi weyahina.

Paihowa 19:9

Ma tupwadi deba pa'apa'alidi ma geya sihemihemisa, ta Yesu 'ina 'edaina si'ahwa galagalaeya tohegogonaowedi matadiya. Coinega Paulo 'itoholowa ta 'ana tomuliyao ba'idanao silatuwa, ma siluhuwa Tilano 'ina hada 'ebe se'ulu 'oina, ma nobwa sabwelo 'aigeda 'aigeda 'oidiya Paulo 'ilologuguya.

Paihowa 18:26

Ta tutaina Epeso 'oina 'ilatuma, 'iluhuwa meYudiya 'idi hada tapwalolo 'oina, ta ma'ina waiwai 'iloguguya. Ma Akuila ma Pilisila 'ina guguya sihesagoheya 'abehega 'ina sanapu tupwanamo tuwa, 'oinega sitoeya, ta Yehoba 'ina 'eda mabwaiyana sihe'itaeya.

Paihowa 14:2

Ta tupwadi meYudiya he'itaina geya sihemisae, ta sisinaliya, ma si'ahwa galagalaeya, ta silomugi taudi tomiya ganamuli 'oidiya ma taudi wete Yesu 'ana tohemisao silolo'alehedi.

Paihowa 13:10

ma 'igwaeya, “Cowa Seitani 'ina boda ma to'abo madouna, 'oinega paihowa dumwaluna 'uhe'aleheya, ma Bada 'ina 'eda dumwaluna tuta mabwaiyana 'utohotoho ma 'abehega 'u'abihepwayo'e.

Yoni 14:6

Coinega Yesu Tomasi 'ihegwaeya 'igwae, “Taugu 'eda, ma gwae moisa, ma wete yawasimi huhudi. Weyahina geya 'eta taiya sowasowahina ma Tamagu 'oina 'itauya 'eguma loheyainaina geya 'oiguwega 'itauya.

Maki 13:22

Weyahina Keliso 'abo'abodi ma palopita 'abo'abodi beno silatulatuma ma 'ila'ilala waiwaidi tomota 'oidiya sihe'itaedi, ma 'oidiyega 'eguma sawasawahidi Yehoba 'ina bodao hesihesinuwaidi si'abowedi.

Maki 12:14

Sitauyama Yesu 'oina ma sihegwaeya, sigwae, “Bada, 'asanapugowa 'abehega 'owa tohe'ita moisa, ma tomota 'idi waiwai weyahina geya 'uda matauta, ma tuwa gwae moisega 'uhehepwaila mahemahetena tomota mabwaiyadi 'oidiya, beno Yehoba 'ina 'eda 'uhehe'ita bwaibwaini. Coinega togidega? Cilobwainegita ma Kini Sisa 'ina takesi ta'ebwae, bo sahena?

Madiu 22:16

Coinega loina silobeya, ma 'adi tomuliyao ma Helodi 'ina bodao ba'idadiyao sihesumanediya Yesu 'oina, ta sigwae, “Bada 'asanapu pwaigowa 'abehega 'owa tohe'ita moisa, ta Yehoba 'ina nuwatuhu 'uhe'itae moisa, ma wete tomota 'idi waiwai weyahina geya 'umatauta, ma tuwa gwae moisa 'uhehepwaile mahemahetena tomota mabwaiyadi 'oidiya.

Madiu 7:14

Ma yawasi bwebwe'ana 'ana 'eda 'ana tauya mwauna, ta 'ana 'ahwa 'i'iuna tuwa, ma tomota hisahisadimo 'oina siluhuluhu.

Heꞌitaꞌita 13:8

Ma mebale'u mabwaiyadi 'abwa 'oina si'etuluha, beno taudi 'eguma geya sanidi simiyamiya yawasi bukiina 'alona, bukina lamiina silohe'amasiya 'ina buki. Buki bewa 'alona taudi sanidi mwalo hene 'ilele nugetediya, eema muliyetega bale'u 'ihemasaleheya.

2 Pita 2:12

Moisa togalaedi gide hebai. Hebai 'adi lotohonamo simulimuliyedi, ma geya sida nuwanuwa bwebwe'ana, 'oinega tomota hebaiyedi si'abiyahidi ma sihunudi. Togalaedi wete sanapu moisa geya sisanapu ma hesi si'ahwa galae, 'oinega taudi wete sihesilae, hebai gidemusa,

Paihowa 22:4

“Ma hemisa hauhauna bewa 'ana tomuliyao yalo'alehediya. Ma loheloheya ma wahiwahine deliya yalagu luhuwediya, ta tupwadi yalohe'amasidiya.

2 Pita 2:7

Ma Lota taunamo 'asaedi 'oidiyega 'ina mumuga bwebwe'ana, 'oinega Yehoba 'i'abiheteya. Moisa Lotaina 'inuwagala togalaedi 'idi mumuga sogala weyahina.

2 Pita 2:18

Tohe'itaowedi 'idi mumuga galadi ma'idi gwae gagasa sihe'ote'oteli, ma wete nuwa'ubuna galadi 'oidiyega tonuwabui hauhau silisidi ma sihila 'idi mumuga nugenugetana 'oina.

Yude 1:4

Mwauina 'ihapwesa pwaiya 'oimiya, beno tupwadi togala si'abowegomiya ma 'imi boda 'oina siluguwa, 'oinega Yehoba 'ina helau 'oida taudi 'idi he'itega sibuiya ma ganawala, ma wete 'ida Yehoba ma Bada Yesu Keliso silogwahatediya. Taudi 'idi galao weyahidi 'adi loina mwauna mwalohene Yehoba 'ina buki 'oina silele pwaiya.

Yude 1:7

Taudi 'idi mumuga gidemusa tupwadi 'asa mwalohene, beno Sodoma ma Gomola ma tupwadi 'asa deidiya, weyahina pui 'ana nuwa'ewa madouna 'oinega sipaipaihowa besobeso ma 'idi 'eheloheloheyao mahetediyao sipuipui, 'oinega Yehoba 'igabudi 'aiwe 'ala'alata hatayana 'oina. Ta he'itaina bewa mabwaiyada weyahida.