2 Pita 1:6 - Loina Nuahuana

⁶ hetoina 'alama'i'itana, 'ehatana toholopa'ala, nima 'aigeda mumuga 'ehauna,

2 Pita 1:6 Referans Kwoze

2 Pita 1:3

Yehobaina 'ina waiwaiyega 'ilemegita, eema 'i'ebwaegita ginaulaedi baibaiwadi yawasida weyahina ta 'ida mumuga 'ehauna weyahina. Weyahina tauna tasanapuya 'abehega 'ihesinuwegita ma 'ane 'ina wasawasa ta 'ina mumuga bwebwe'ana 'i'ebwaegita.

Ibeliu 10:36

Ma 'ilobwainegomiya watoholo pa'ala ma Yehoba 'ina nuwatuhu wapaihowa, ma to'aha 'igwae hemisaeya wa'ewa.

Luke 21:19

ma 'omi watoholo pa'ala eeta 'oinega yawasimi hataya waloba.

Ibeliu 12:1

Ma tohemisao baibaiwadi galewega si'e'ebubugita, ta sawasawahida ginaula mwaudi 'oidiyega ta'aisinedi, ma 'oinega tapili waiwai 'ebepiliina 'ana 'eda 'oinega, ta wete mumuga galadiyedi sipaipaigita ta'aisinedi.

1 Kolinita 9:25

Ma taudi tohepiliyedi bale'uwa sitoho waiwai ma si'alama'i'itana 'idi tohoina 'oinega ma 'abehega maisa sawasawalina siloba. Ta hesi tauda tatoho waiwai ma maisa miyamiya hatayana galewa taloba.

Taito 2:2

Ma babadaedi 'uhegwaedi sahena sinumanuma yauyaule we'aha galana, ma sahena wete siyaliyaliyaya besobeso, ma hesi Yehoba sihemisa moisa, ma helau ta 'alama'i'ita 'oidiyega simaha.

Galetiya 5:23

mumuga nuhana, 'alama'i'itana. Ma geya 'eta wete loina 'imiyamiya ma ginaulaedi 'i'ausidi.

Heꞌitaꞌita 14:12

Gwae bewa 'oinega Yehoba 'ina tomotaiyao 'abwa si'alama'i'ita, taudi 'ina loina 'ana tohematamatanao ta Yesu 'ana tohemisao.

Heꞌitaꞌita 2:2

“Yasanapu pwaiya 'abehega 'imi paihowa madounega, ma 'imi 'alama'i'ita 'oidiyega wahewaiwaiya, ta togala geya nuwami, 'oinega 'agu tohepwaila 'abo'abowedi watohodiya ta 'idi 'abowedi walobediya ta wa'abi latuhediya.

Taito 1:8

Ma hesi 'adi lobwaina ma taumanao si'itayahidi, ma mumugadi tuwa 'ausaladi, ta 'idi nuwatuhu matuhadi. Ma wete mumugadi dumwaludi, ma 'ehaudi, ta taudi to'alama'i'itana.

1 Tesalonaika 1:3

Cimi hemisa ma 'imi paihowa bwebwe'adi 'anuwatuhu yahidi, ma wete 'imi paihowao helauwega, ma'imi 'alama'i'ita, wete ma'imi hemisa ma 'ane 'ida Bada Yesu Keliso 'i'abihetegomi.

Kolose 1:11

Ma wete tauna 'ina waiwai madounega 'i'abihe waiwaiyegomi, ma 'imi paihowa mabwaiyadi 'oidiya wahe'alama'i'itanegomi, ma watoholo pa'ala, ta wete ma'imi yaliyaya,

2 Kolinita 6:4

ma hesi 'ima paihowao mabwaiyana bwebwe'ana 'ahe'itaeya 'abehega Yehoba 'ina topaihowao bwebwe'ama. Cima paihowa bewa: 'alama'i'ita madouna, muyamuya, miyamwau, hesilae,

Loma 8:25

Ma 'eguma 'ida hemisaina 'e'enina geya tada lobeya, tuwa 'alama'i'itanega tayamwayamwana ee 'ana siga taloba.

Loma 2:7

Ma 'eguma tuta mabwaiyana tapaihowa bwebwe'ana ma'ida he'alama'i'ita, ma gide tuwa tapaipaihowa 'esa, ma 'abehega 'ahwa bwebwe'ana ma nata yawasi miyamiya hatayana ta'ewa Yehoba 'oinega, beno moisa tuwa 'abwa yawasida miyamiya hatayana 'i'ebwaegita,

Paihowa 24:25

Ta Pilikesa 'atena 'iyohowa, tutaina Paulo 'ina guguya 'ihesagoheya, mumuga dumwaluna, ma toholopa'ala, ma bwa'omatana 'inaonaoma weyahidi, ta Pilikesa 'igwaeya, “Tuwa! Ma 'uhila, ma to tuta malamalaina 'oiguwa ee wete yabwau hilego.”

Luke 8:15

Ma patuwedi bale'u bwebwe'ana 'oina sibe'uwa, taudi beno ma 'idi 'atetagwala gwaeina sihesagoheya, 'oinega sihe'alama'i'itana, ma Yehoba 'ina gwae 'oidiya 'ihuwa bwaibwaina.”

Loma 15:4

Ma wete 'ebe'itao baibaiwadi Yehoba 'ina Buki 'oina 'ihepwailediya Yehoba 'ina 'abihetenaedi weyahidi, 'eguma 'ebe'itaedi tahemisaedi, ta'alama'i'itana ma'ida nuwatuhuyahina 'ane 'etolema 'abwa ta'ewa.

Heꞌitaꞌita 13:10

Weyahina “Ceguma taiya si'abiyahi, sida 'abiyahi tuwa, ma wete taiya 'eguma 'elepa 'aleha 'oinega silohe'amasi, sida lohe'amasi tuwa.” Gwae bewa 'oinega Yehoba 'ina tomotaedi ma'idi hemisa sitoholo pa'ala.

Heꞌitaꞌita 1:9

Taugu tasimiu Yoni. Taheboda 'aigeda pwaiya Yesu ba'idada, ta 'ina 'ebeloina 'alona 'omi ma taugu tahe'alama'i'itanegita, muyamuya ma mwau 'oidiya. Taugu mwalo sipaigauwa ma silagugauwa bwanabwana Patimo 'oina, weyahina yaguguya Yehoba 'ina gwae ma Yesu 'ina tetela.

2 Pita 3:11

Ceguma ginaulaedi mabwaiyana 'abwa sisawala, 'ilobwaineya ma'imi mumuga 'ehauna ma ma'imi he'asisi Yehoba 'oina wapaihowa.

Ibeliu 6:15

Ma Ebalahamoina 'i'alama'i'ita tuta dudulena, eeta gwaeina huwaina 'ilobeya.

Ibeliu 6:12

Sahena walologwahata, ma hesi tomotaedi wahe'au'aunawedi, taudi ma'idi 'alama'i'ita sihehemisa, ma 'oinega ginaulaedi Yehoba 'igwae hemisaediya si'ewadi.

Taito 1:1

Natugu Taito, 'ino leta bewa taugu Paulo 'oiguwega, taugu Yehoba 'ina topaihowa ta Yesu Keliso 'ana tohepwaila. Cigu paihowaina 'i'ebwaegauwa ma taudi Yehoba 'ana hesihesinuwao ya'abihe waiwaiyedi ma sihemisa moisa ma nuwadi 'isabwalena, ta 'oinega sanapu moisega sipaihowa dumwalu.

2 Timoti 3:5

Tomotaedi sitapwatapwalolo tuwa ma Yehoba 'ina waiwai geya sihemisae, 'oinega 'idi tapwaloloina tuwa ginaula besobeso, 'oinega bodaedi taudi sahena 'oidiya 'uluhuluhu.

1 Timoti 6:11

Timoti, 'owa hesi Yehoba 'ina topaihowa, 'oinega bewa mumugaina 'oinega 'u'itayahigo, ma mumuga dumwaluna 'umuliye, bewa gide 'eda'eda bwebwe'ana ma hemisa ma helau ma 'alama'i'ita ma wete hohobiga.

1 Timoti 6:6

Ma hesi tauda 'ida wasawasa hagana. Yehoba 'ana he'asisi 'oinega sawasawahina 'iloinaegita, ma hesi wasawasa bale'u 'ana loba sahena weyahina tanuwanuwatuhu.

1 Timoti 6:3

Ma 'eguma taiya 'ina he'ita hagana, ma 'ida Bada Yesu Keliso 'ina gwae dumwaludi geya 'ida muliyediya, ma he'itaedi mumuga bwebwe'ana weyahina 'ilogwahatedi,

1 Timoti 3:16

Moisa tuwa, 'ida tapwalolo 'ana sanapu dahwadahwaina, ma hesi madouna, beno Keliso weyahina: Tauna 'ihetomotai masiha, ma Yaluyaluwana 'oinega 'ihewaiwaiya, ma aneloseyao si'iteya, ma wasana tupwa mabwaiyadi sihesagoheya, ma gogo gabulena tomiyanao sihemiseya, ma 'ihaneya tupwa wasawasa 'oina.

1 Timoti 2:2

Gide kiniyao ma toloinao weyahidi wa'ahwanoi, ma 'ane 'idi loina 'idumwalu ma 'oinega tamiya daumwala ma'ida mumuga mabwaiyana bwebwe'ana.

2 Tesalonaika 3:5

ma 'abehega wete 'ihenuwa lagugomi, tauna 'ina helau weyahina, ta wete 'imi toholo pa'ala Keliso 'oina weyahina.

2 Tesalonaika 1:4

Coinega tohekalesiyao tupwa mabwaiyadi matadiya 'ahehepwatuwegomi, 'agwae, “Moisa taudi Tesalonaika to'alama'i'ita hedade. Bwagana 'adi 'alehao mwau madouna si'ebwaedi, ma tuwa ma'idi 'alama'i'ita ta wete ma'idi hemisa Yehoba 'oina.”