2 Pita 1:3 - Loina Nuahuana

³ Yehobaina 'ina waiwaiyega 'ilemegita, eema 'i'ebwaegita ginaulaedi baibaiwadi yawasida weyahina ta 'ida mumuga 'ehauna weyahina. Weyahina tauna tasanapuya 'abehega 'ihesinuwegita ma 'ane 'ina wasawasa ta 'ina mumuga bwebwe'ana 'i'ebwaegita.

2 Pita 1:3 Referans Kwoze

1 Pita 5:10

Yehoba tauna 'atemuyamuya huhuna ma 'ibwau pwaigita ma 'abehega 'ina wasawasa miyamiya hatayana 'oina tamiyamiya Keliso mahetedai. Ma 'imi muya tuta 'i'iunamo ma sigumwala, ma muliyetega Yehoba 'igihe 'ehaugomi ma 'igihepa'aligomi ma 'igihe waiwaiyegomi ma 'abehega wamiya bwebwe'ana.

2 Timoti 1:9

Yehoba tauna 'i'abihetegita ta 'ibwauwegita 'ina paihowa bwebwe'adi sabi paihowadi. Moisa tuwa tauda geya 'ida bwebwe'ana weyahina 'ihesinuwegita, ma hesi mwalo hene tauna 'ina nuwatuhu ma 'ina helau weyahina, ta Yesu Keliso 'ipaihoweya tauda weyahida.

Loma 8:32

Weyahina Yehoba natuna moisa geya 'ida nuwahiya, ma hesiyage 'itagwaleya weyahida, 'abwa ginaula mabwaiyadi wete 'i'ebwaegita.

2 Kolinita 12:9

Ma 'igu 'ahwanoiina 'ihemaiseya 'igwaeya, “Sahena. Ma hesi 'igu helaumo sowasowahiu, ta 'ino we'a 'oina 'igu waiwai 'ulotohoya 'abehega sowasowahina.” Coinega 'igu we'ao weyahidi yayaliyaliyaya ma yada gwae gagasa, weyahina 'igu tuta we'a 'oidiya Keliso 'ina waiwai 'oiguwa 'imiyamiya.

1 Pita 2:21

Ma 'eda bewa weyahina Yehoba 'ibwau pwaigita, weyahina Keliso tauna weyahida 'i'emuyamuya eeta 'ebe'ita 'ilaguya 'oida ma 'abehega leleyana tamuliyedi.

2 Tesalonaika 2:14

Tetelina mwalo 'aguguyaeya 'oimiya ta wahemiseya, ma bewa 'oinega 'ida Bada Yesu Keliso 'ina 'asilala 'i'ebwaegomiya.

1 Pita 2:9

Ma 'omi geya gide taudi, ma 'omi hesi Yehoba 'ina boda hesihesinuwaimi, 'omi Kiniina 'ina topwaoli ma 'ina tomotaiyao 'ehaumi, weyahina tupwa guguyou 'oinega 'ibwauwegomiya eeta 'ina 'asilala tobwebwe'ana hedada 'oina 'ilagugomiya, ma 'abehega 'ina paihowa bwebwe'anaina wahepwaile.

1 Tesalonaika 2:12

Ma wete 'alohatotowegomiya ma 'a'abihe waiwaiyegomiya, ta 'ahegwaegomi ma mumugami 'ibwebwe'ana, weyahina Yehoba bo'i 'ihesinuwegomiya 'ina 'ebeloina 'asi'asilalana weyahina.

1 Tesalonaika 4:7

Weyahina Yehoba 'ihesinuwegita geya mumuga galana weyahina, ma hesi mumuga 'ehauna weyahina.

1 Pita 1:15

Ma hesi 'imi paihowa mabwaiyadi 'oidiya wamumuga dumwalu, gidemusa tauna 'ibwauwegomiya 'ina mumuga dumwadumwaluna.

Epeso 4:1

Coinega ya'ahwanoi 'oimiya ma mumugami wa'itayahi, bewa tuwa taugu deliya silagugauwa Badaina 'ina paihowa weyahina, ma 'omi Badaina 'ibwauwegomiya tauna 'ina paihowa weyahina, 'oinega 'ilobwainegomiya ma to'aha 'ina paihowaina 'ana lobwaina wamuliye,

1 Kolinita 1:9

Yehobaina ma'ana hemisa madouna eeta 'ibwauwegomiya ma natunaina tauna 'ida Bada Yesu Keliso ba'idamiu wahe'iya'iyagu.

2 Pita 1:2

Yehobaina ma 'ida Badaina Yesu 'adi sanapu 'oinega, helau moisa ma yaliyaya 'oimiya sihasiwa.

2 Pita 1:5

Coinega watoho waiwai ma 'imi hemisa waloheposeyanedi bewa ginaulaedi 'oidiyega, nugeta mumuga bwebwe'ana, heluwena sanapu,

1 Pita 3:9

Ma 'eguma tupwadi 'oimiya sipaihowa galana, geya'abwa 'oidiya wahehemaisa, ma 'eguma wete siheliyegomi geya'abwa waheheliyedi. Ma hesi wahemaisedi gwae bwebwe'ana 'oidiyega, weyahina Yehoba 'igwae hemisa pwaiya 'abehega 'ihelauwegomi, 'eguma 'omi gwae bwebwe'anega 'oidiya wahemaisa.

Kolose 1:16

Weyahina Natunaina ginaula mabwaiyadi galewa ta bale'uwa huhudi, ginaulaedi ta'ita'itadi ma ginaulaedi geya tada 'itediya, gide aneloseyao bo toloinao waiwaidi bo yaluyaluwao, mabwaiyadi Yehoba 'ipaihowediya Natuna 'ina paihowega, ma Natunaina weyahina.

1 Timoti 4:8

Eema ginauledi tapaipaihowedi wahida 'ana 'abi weyahina, beno ginaula bwebwe'ana, ma hesi yaluyaluwada 'ana 'abi ginaula bwebwe'ana hedada, 'i'abihetegita 'ida tuta bale'uwa weyahina, ma wete tuta 'inaonaoma weyahina.

Epeso 4:4

Moisa, wahida 'aigeda, Yaluyaluwa Tabuna wete 'aigeda tuwamo, ma 'ibwauwegitama 'omi ma tauma, ma tanuwanuwatuhu 'ada lema 'aigeda tuwamo 'abwa taloba weyahina.

Pilipai 4:8

Ciyagwao, bewa 'aigeda wete loguguya 'abehega wada nuwatuhu ginaula moisadi ma'adi he'asisi weyahidi, ma ginaula dumwadumwaludi weyahidi, ma ginaula 'ehaudi weyahidi, ma ginaula 'adi 'ita 'ausaladi weyahidi, ma ginaula helahelauidi weyahidi, ta 'eguma to'aha bwebwe'ana 'oidiya bo nuwana 'ebe hepwatu 'oidiya.

Madiu 28:18

Eeta Yesu 'inaoma 'oidiya ma 'ihegwaediya, 'igwae, “Tamagu loina waiwaina mabwaiyana galewa ma bale'uwa 'i'ebwae pwaigauwa.

Ibeliu 1:3

Ma Yehoba natunaina tamana 'ina 'asilala 'i'asi'asilalae ta tauna Yehoba 'ana 'oleya gide. Ma 'ina gwae waiwaina 'oinega ginaula mabwaiyana galewa ma bale'uwa 'i'abi'abi yahidi. Ma 'ida puiyao 'oidiyega 'ibuyogita ma muliyetega 'imiyatoiya Yehoba Tomiyahane hedade 'ina 'ebeulanega.

1 Pita 1:5

Ma 'omi helauwedi wada lobadi, 'eguma Yehoba wahemisae 'abehega 'ina waiwaiyega 'ida 'itayahigomi, ta tuta 'ana 'ebelosaloha 'oina 'abihetenaina 'igibubuya weyahimi 'i'ebwaegomi.

Loma 9:24

Coinega boda 'eluwa 'oidiyega 'ibwauwegita, tauma boda Yudiya ma 'omi tomiya ganamuli.

Pilipai 3:8

Moisa tuwa, 'igu Bada Yesu Keliso 'ana sanapu bwebwe'ana hedada, eeta wasawasa bale'u 'ibwebwe'ana sinediya, 'oinega wasawasaedi ya'ahwa ginaula besobesowediya, eeta Keliso weyahina ginaula mabwaiyadi yaulediya ta ya'ahwa galaediya, weyahina nuwanuwagu Keliso namo,

2 Pita 1:6

hetoina 'alama'i'itana, 'ehatana toholopa'ala, nima 'aigeda mumuga 'ehauna,

2 Pita 1:8

Ceguma ginaulaedi 'oimiya simadomadou moisa, 'ida Bada Yesu Keliso 'ana sanapu 'oina wahewaiwai, ma geya'abwa 'imi paihowa simudamudali.

2 Pita 1:10

Coinega 'iyagwao, watoho waiwai ma geya'abwa Yehoba 'ana hesihesinuwao bodaedi 'oidiyega wamiyamiya latu. Ma 'eguma 'igu gwae bewa wahematamatanedi geya'abwa wabe'ube'u,

2 Pita 2:20

Taudi mwalo 'idi Bada ma 'adi To'abihetena Yesu Keliso 'ote'otetelina sihemisaeya eeta mumuga bale'u si'ebesineya, ma 'eguma silohihila mumuga miyamiyaidi 'oidiya nata sibe'u, ma 'oinega taudi sigala moisa.

2 Pita 3:18

Ma hesi 'ida Bada, tauna 'ada To'abihetena Yesu Keliso, 'ana sanapu ma 'ina helau 'oimiya 'imadomadou, ma tauna tahepwatu sauga bewa ta sauga baibaiwana sinaonaoma 'oidiya. Emeni. Taugu Saimoni Pita.