1 Yoni 1:6 - Loina Nuahuana

⁶ Coinega 'eguma tupwa guguyou 'oina tamiyamiya, geya'abwa ta'e'abo'abo ma tagwae 'abehega, “Yehoba mahetedai ta'ahwa 'iya'iyagu.” Beno geya mumuga bwebwe'ana moisa.

1 Yoni 1:6 Referans Kwoze

1 Yoni 4:20

Ceguma taiya 'igwae, “Yehoba yahelauweya,” ma 'eguma loheyaina tasina 'ilo'alehe, tauna to'abo, weyahina tasidai ta'ita'ita, ma 'eguma tasidai geya tahelauwe, geya sawasawahida ma Yehoba tahelauwe, tauna geya tada 'iteya.

1 Yoni 2:4

Ta 'eguma taiya 'igwaegwae ma 'igwae, “Taugu Yehoba 'iyagu.” ma Yehoba 'ina loinao geya 'ihematamatanedi, beno 'i'abowa weyahina 'eda dumwaluna 'i'ebesineya.

1 Yoni 1:10

Ceguma tagwae, “Geya wete 'aigeda tuta yapui,” beno Yehoba ta'abo'abowe, weyahina 'ina gwae geya tahemihemisae.

Yoni 8:12

Coinega Yesu wete 'ihegwae hilediya 'igwae, “Taugu gogo gabulena 'ana 'asilala. Ma taiyawedi 'omi 'eguma wamuliyegau, nata taugu 'asilalaina yawasimi 'oidiya yasae hane, ma 'oinega geya'abwa guguyou 'oina watautauya.”

Yoni 12:35

Cidi gwaeina Yesu 'ihemaiseya 'igwae, “Sauga 'i'iuna 'oina maedana 'oimiya 'imiyamiya, 'oinega bewa tuwa maedanaina 'oina watauya. Weyahina guguyou 'eguma 'ilatuma, nata geya sowasowahimi ma 'eda wa'ita. Weyahina taiya 'eguma guguyou 'oina 'itauya, geya sawasawahina ma 'isanapu to'eha 'itautauya.

Yemesa 2:14

Tasigwao, to'aha 'ana bwebwe'ana 'eguma 'aigeda taiya 'igwae, “Taugu ma'igu hemisa,” ta 'ina paihowa geya dumwaluna. Sawasawahina 'abihetena 'iloba 'ina hemisega? Geya, 'awa?

Yoni 12:46

Taugu bewa maedanaina yatauyama bale'uwa ma 'oinega taiyawedi 'omi 'eguma wahemisaegau, nata geya'abwa guguyou 'oina watautauya.

1 Yoni 1:3

Tauna 'a'iteya ma 'ahesagoheya ma 'oimiya 'ahepwaila, 'oinega 'omi mahetemao tahe'iya'iyagu mahemahetena, ta wete Tamada ma Natuna Yesu Keliso mahetedao ta'ahwa 'iya'iyagu mahemahetena.

Yoni 11:10

Ma hesi 'eguma 'eta loheya nihuwanega 'itauya, nata 'ihetupa deyadeya. Weyahina nihuwana 'oina geya 'eta wete he'ala hemaedana 'imiyamiya.”

Yemesa 2:18

Ma 'eguma tupwadi tomota sigwae, “Cowa ma'ino hemisa ta taugu ma'igu paihowa,” ta hesiyage taugu 'igu gwaehila 'abehega, “Ceguma 'ino hemisaina geya paihowa ba'idana, togidega 'ana bwebwe'ana? Ta taugu bewa 'igu hemisa yahe'itego 'igu paihowega.”

1 Yoni 1:8

Moisa, mabwaiyada topui tuwa, ma geya'abwa ta'e'abo'abowegita, ma tagwae “Taugu bwebwe'agu, ma geya 'igu puimo.”

Yemesa 2:16

ta 'oidiya tagwaehelau, tagwae, “Yauwedo, wamiya bwebwe'ana ma wa'ai bwaibwaina,” ma geya lema ta'ebwaedi, to'aha 'ida gwae 'ana bwebwe'ana?

Madiu 7:22

Tuta 'inaonaoma 'oina tomota baibaiwadi 'abwa 'oiguwa sigwae, “Bada, 'apaihowa weyahiu ma saniuwega 'alologuguya ma hi'ahi'a tomota 'oidiyega 'aula latuwediya, ma wete paihowa 'ebe henainaida 'apaihowediya.”

1 Timoti 4:2

Tohe'itaowedi tomota 'e'e'abo'aboidi, ma 'idi 'abowedi weyahidi geya sida nuwanuwa.

Yoni 8:55

Ma hesi tauna geya wasanapu toho, yaboi tuwa yasanapuya. Ma 'eguma yagwae, ‘Geya yasanapu,’ nata ya'abowegomi gidemusa 'omi wa'e'abo'abo. Ma hesiyage tauna yasanapu bwaibwainiya 'oinega 'enanaina yagwahugwahu bigadi.